قوستاناي وبلىسى ءجىتىقارا قالاسىندا وتباسىلىق جانجال قايعىلى جاعدايمەن اياقتالدى. 15 جاستاعى ءجاسوسپىرىم قازا تاپتى. الدىن الا مالىمەتكە سايكەس ول اناسىن قورعاۋعا تىرىسقان، دەپ حابارلايدى Dalanews.kz.
پوليسيانىڭ مالىمەتىنشە، 25 ساۋىردە جانجال كەزىندە 37 جاستاعى ايەل پىشاق جاراقاتىن العان. ونىڭ ۇلى دا جارالانىپ، وقيعا ورنىندا كوز جۇمعان. كەيىنىرەك ءتارتىپ ساقشىلارى جانجال ەرلى-زايىپتى اراسىندا بولعانىن، ال ءجاسوسپىرىم اناسىنا اراشا تۇسكەنىن ناقتىلادى.
بۇل دەرەك بويىنشا ادام ءولتىرۋ جانە وعان وقتالۋ باپتارىمەن قىلمىستىق ءىس قوزعالدى. كۇدىكتى رەتىندە زارداپ شەككەن ايەلدىڭ جۇبايى ۇستالدى.
ول ۋاقىتشا ۇستاۋ يزولياتورىنا قامالدى. ءقازىر تەرگەۋ جۇرگىزىلىپ جاتىر.
