قوستاناي وبلىسىندا ورماندى زاڭسىز كەسۋ سحەماسى اشكەرەلەندى، دەپ حابارلايدى Dalanews.kz.
جەدەل دەرەكتەرگە سايكەس توپتىڭ ءبىر مۇشەسى ورمان قورى ۋچاسكەسىن وڭدەۋ قۇقىعىن اۋكسيون ارقىلى العانىمەن، بۇل رۇقساتتى ورماندى زاڭسىز كەسۋ ارەكەتىن جاسىرۋ ءۇشىن پايدالانعان. فيگۋرانتتاردىڭ قاراعاي تۇقىمداس اعاشتى دايىنداۋمەن جانە ونى وتكىزۋمەن اينالىسقانى انىقتالدى.
تەرگەۋ ءىس-شارالارى بارىسىندا ارنايى تەحنيكا، كولىك قۇرالدارى، دايىندالعان اعاش، سونداي-اق، شيكىزاتتى دايىنداۋ جانە اينالىمىنا قاتىستى قۇجاتتار تاركىلەندى.
پوليسياعا 20 فيگۋرانت، ونىڭ ىشىندە ۇيىمداستىرۋشى، ورىنداۋشى جانە دەلدال رەتىندە قاتىسقان تۇلعالار جەتكىزىلدى. زاڭسىز سحەمانىڭ بارىن راستايتىن ايعاقتار مەن دالەلدەر الىندى.
"بۇل دەرەك بويىنشا سوتالدى تەرگەۋ جۇرگىزىلىپ جاتىر"، - دەدى ءىىم وكىلى.
