اقمولا وبلىسىنىڭ قوسشى قالاسىندا نۇرا–ەسٸل كانالىندا 10 جاستاعى بالا سۋعا باتىپ كەتتٸ. قازٸرگٸ ۋاقىتتا وقيعا ورنىندا سٷڭگۋٸرلەر مەن تٶتەنشە جاعدايلار قىزمەتٸنٸڭ ماماندارى جۇمىس جٷرگٸزٸپ جاتىر, دەپ حابارلايدى dalanews.kz.
قايعىلى جاعداي جەرگٸلٸكتٸ تۇرعىندار جيٸ دەمالاتىن كانال ۋچاسكەسٸندە بولعان. اپتاپ ىستىق كٷندەرٸ بۇل اۋماققا ادامدار كٶپ جينالعانىمەن, مۇندا سۋعا تٷسۋگە رەسمي تٷردە تىيىم سالىنعان.
نۇرا–ەسٸل كانالى ستراتەگييالىق گيدروتەحنيكالىق نىسان بولىپ سانالادى جەنە تەحنيكالىق سۋمەن جابدىقتاۋ, اۋىل شارۋاشىلىعى القاپتارىن سۋارۋ مەن ەسٸل ٶزەنٸنٸڭ سۋ رەجيمٸن رەتتەۋ ٷشٸن پايدالانىلادى. سوندىقتان كانال سۋى شومىلۋعا ارنالماعان. بۇل تۋرالى ارنايى ەسكەرتۋ بەلگٸلەرٸ دە ورناتىلعان.
سوعان قاراماستان تۇرعىندار قاۋٸپسٸزدٸك تالاپتارىن جيٸ ەلەمەيدٸ. مامانداردىڭ ايتۋىنشا, كانالدىڭ بەتكٸ قاباتى تىنىش كٶرٸنگەنٸمەن, ول ٶتە قاۋٸپتٸ. نىساننىڭ ەنٸ شامامەن 19 مەترگە جەتسە, كەي جەرلەرٸنٸڭ تەرەڭدٸگٸ 3 مەترگە دەيٸن بارادى.
قۇتقارۋشىلار اتا-انالاردى بالالاردى قاراۋسىز قالدىرماۋعا جەنە سۋعا تٷسۋگە تىيىم سالىنعان ورىنداردا دەمالۋدان باس تارتۋعا شاقىرادى.
وقيعانىڭ مەن-جايى انىقتالىپ جاتىر.
