پرەزيدەنت ءماجىلىس ءتوراعاسى ەرلان قوشانوۆتى قابىلدادى، دەپ حابارلايدى Dalanews.kz.
قاسىم-جومارت توقايەۆقا پارلامەنت ءماجىلىسى قىزمەتىنىڭ ناتيجەلەرى جونىندە مالىمەت بەرىلدى.
زاڭ شىعارۋ جۇمىسى
سەسسيا باستالعالى بەرى:
62 زاڭ قابىلدانىپ، سەناتقا جولدانعان؛
پرەزيدەنت 55 زاڭعا قول قويعان.
ولار قاتارىندا: سۋ كودەكسى، سونداي-اق قارجى نارىعىن دامىتۋ جانە قارجىلىق قىزمەتتەردى تۇتىنۋشىلاردىڭ قۇقىعىن قورعاۋ، تاۋارلاردىڭ شىعارىلعان ەلىن ايقىنداۋ، دەنساۋلىق ساقتاۋ جانە ويىن بيزنەسى تۋرالى ماڭىزدى زاڭدار بار.
بۇگىنگە دەيىن دەپۋتاتتاردىڭ قاراۋىنا 76 زاڭ جوباسى كەلىپ ءتۇستى. پرەزيدەنت تاپسىرماسىنا سايكەس:
سالىق، قۇرىلىس كودەكستەرى؛
مىندەتتى الەۋمەتتىك مەديسينالىق ساقتاندىرۋعا، عىلىمي زەرتتەۋ اۋماقتارىن دامىتۋعا، قىلمىستىق-پروسەستىك زاڭنامانى جەتىلدىرۋگە جانە جاساندى ينتەللەكتىگە قاتىستى زاڭ جوبالارى بويىنشا جۇمىس جۇرگىزىلىپ جاتىر.
ءماجىلىس ءتوراعاسى:
جاڭا سالىق كودەكسىنىڭ ءبىرىنشى وقىلىمىنىڭ قورىتىندىلارىن، پرەزيدەنتتىڭ بۋرابايدا وتكەن ۇلتتىق قۇرىلتاي وتىرىسىندا بەرگەن تاپسىرمالارىن زاڭنامالىق تۇرعىدان قامتاماسىز ەتۋ جۇمىستارى تۋرالى باياندادى؛
دەپۋتاتتاردىڭ وڭىرلەرگە ءىسساپارلارى كەزىندە ازاماتتاردان تۇسكەن ارىز-شاعىمداردى مەملەكەتتىك ورگانداردىڭ قاراۋى، پرەزيدەنتتىڭ ساياسي رەفورمالارىن جۇيەلى جۇزەگە اسىرۋ ماسەلەلەرى پلەنارلىق وتىرىستاردا تۇراقتى تالقىلانىپ كەلە جاتقانىن ايتتى.
AMANAT پارتياسىنىڭ جوبالارى
مەملەكەت باسشىسىنا:
«قارىزسىز قوعام»،
«اۋىل اماناتى»،
«جەر اماناتى»،
«اكىمدەر مەكتەبى» جوبالارىنىڭ جۇزەگە اسىرىلۋ بارىسى تانىستىرىلدى.
پارلامەنتارالىق بايلانىس
ەرلان قوشانوۆ پارلامەنتتىك ديپلوماتيا اياسىندا اتقارىلعان جۇمىستارعا توقتالدى:
ءماجىلىس دەلەگاسياسى تاشكەنتتە وتكەن 150ء-شى پارلامەنتارالىق وداق اسسامبلەياسىنا قاتىستى؛
ۇقشۇ پارلامەنتتىك اسسامبلەياسى، تۇركى مەملەكەتتەرىنىڭ پارلامەنتتىك اسسامبلەياسى، تمد پارلامەنتارالىق اسسامبلەياسى جانە باسقا دا باعىتتاعى حالىقارالىق ىنتىماقتاستىق شەڭبەرىندە بەلسەندى جۇرگىزىلىپ جاتىر.
