پارلامەنتتٸڭ سوڭعى بٸرلەسكەن وتىرىسى قارساڭىندا مەجٸلٸس دەپۋتاتى, ارمييا گەنەرالى مۇحتار التىنباەۆ قوس پالاتالى پارلامەنتتٸڭ جۇمىسىنا وڭ باعاسىن بەرٸپ, الداعى ۇلتتىق قۇرىلتاي قۇرامىنا مەملەكەتشٸل ازاماتتار كەلۋٸ تيٸس ەكەنٸن ايتتى, دەپ حابارلايدى dalanews.kz.
ونىڭ پٸكٸرٸنشە, پارلامەنتتٸڭ سوڭعى شاقىرىلىمدارى قوعامداعى ٶزگەرٸستەرگە ساي جۇمىس ٸستەپ, دەپۋتاتتار ٶز ۇستانىمدارىن اشىق ايتا باستاعان.
«سەناتورلار دا, مەجٸلٸس دەپۋتاتتارى دا بەلسەندٸ جۇمىس ٸستەدٸ. مەنٸڭشە, بۇل – قوعامداعى پروگرەستٸڭ كٶرٸنٸسٸ. بٷگٸن مەملەكەت باسشىسىنىڭ سٶزٸن تىڭدايمىز. بۇل – تاريحي سەت. بٸر پالاتالى پارلامەنتكە كٶشۋ جٷزەگە اسادى. پرەزيدەنت ايتقانداي, الدا ٷلكەن ٶزگەرٸستەر بار. بٸر ورىندا تۇرۋعا بولمايدى. ەل جاعدايىنا قاراي ٷنەمٸ العا جىلجىپ, دامىپ وتىرۋىمىز كەرەك», – دەدٸ مۇحتار التىنباەۆ.
بولاشاق ۇلتتىق قۇرىلتاي مٷشەلەرٸنە قانداي كەڭەس بەرەر ەدٸڭٸز دەگەن سۇراققا گەنەرال قىسقا جاۋاپ قايىردى.
«ەڭ باستىسى – مەملەكەت تۋرالى ويلاۋ كەرەك. ٶز ەلٸنٸڭ پاتريوتى بولۋ قاجەت», – دەدٸ ول.
ەسكە سالايىق, بٷگٸن پرەزيدەنتتٸڭ قاتىسۋىمەن سەنات پەن مەجٸلٸستٸڭ سوڭعى بٸرلەسكەن وتىرىسى ٶتۋدە. وندا قازٸرگٸ پارلامەنتتٸڭ جۇمىسى رەسمي تٷردە اياقتالادى.
1 شٸلدەدەن باستاپ جاڭا كونستيتۋتسييا كٷشٸنە ەنٸپ, قوس پالاتالى پارلامەنتتٸڭ ورنىنا بٸر پالاتالى ۇلتتىق قۇرىلتاي جۇمىسىن باستايدى. جاڭا ٶكٸلدٸ ورگاننىڭ سايلاۋى تامىز ايىنا جوسپارلانعان.
