«كىتاپ وقىماعان ادام-تامىرسىز قاڭباق»
ف.وڭعارسىنوۆا
بۇگىنگى كۇنى كىتاپحاناشىنىڭ نەگىزگى مىندەتى ادەتتەگىدەي وقىرماندى كىتاپپەن قامتاماسىز ەتۋ ەمەس، ادەبي داستۇرلەر مەن زاماناۋي اقپاراتتىق تەحنولوگيالاردى قولدانۋ ارقىلىوقىرماننىڭ جان-جاقتى، ينتەللەكتۋالدىق جانە رۋحاني دامۋىنا ىقپال ەتۋى قاجەت. ول ءۇشىن كىتاپحاناشىلار بۇگىندە جان-جاقتى دامىپ، ىزدەنىمپازدىقپەن جۇمىس جاساپ، بىر-بىرىمەن ىس-تاجىريبە الماسۋى كەرەك جانە وعان مۇمكىندىك زور.
وسى ورايدا س.جيەنبايەۆ اتىنداعى وبلىستىق جاسوسپىرىمدەر كىتاپحاناسى «قوس الىپتان قالعان ءىز» اتتى وبلىستىق كىتاپحاناشىلار اراسىنداشىعارماشىلىق بايقاۋ ۇيىمداستىرىپ، قورىتىندىسىن جاريالادى.
اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن ءوتىپ جاتىرعان بايقاۋدىڭ نەگىزگى ماقساتى «رۋحاني جاڭعىرۋ» باعدارلاماسى مەن استانا قالاسىنىڭ 20 جىلدىق مەرەيتويىنا وراي اقتوبەدەن شىققان قوس تۇلعا اقىن، اۋدارماشى قۋاندىق شاڭعىتبايەۆ پەن جازۋشى، دراماتۋرگ تاحاۋي احتانوۆتىڭ شىعارمالارىن ناسيحاتتاپ، كىتاپحاناشىلاردىڭ كاسىبي بىلىكتىلىگى مەن شىعارماشىلىق قابىلەتىن ارتتىرۋعا قولداۋ كورسەتۋ، سوداي - اق كىتاپحاناشى ماماندىعىنىڭ ءيميدجىن كوتەرۋ بولاتىن.بۇل بايقاۋعا 20 مەن 40 جاس ارالىعىنداعى وبلىستىق، قالالىق، اۋداندىق، اۋىلدىق كىتاپحانا ماماندارى جانە ءبىلىم بەرۋ مەكەمەلەرىنىڭ كىتاپحاناشىلارى قاتىستى.
بايقاۋ شارتتارى بويىنشا ءقاتىسۋشىبىرىنشى «مەن ۇناتقان كىتاپ» اتتى پرەزەنتاسيا جاسايدى. ياعني قوس اۆتوردىڭ كىتاپتارىنان ۆيرتۋالدى كورمە جاساپ، سول كورمەنى تانىستىرادى. ال ەكىنشى شارتى ت.احتانوۆتىڭ نەمەسە ق.شاڭعىتبايەۆتىڭ ءبىر شىعارماسىنا ارناپ شاعىن كينو نەمەسە بەينەروليك دايىنداپ «بۋكترەيلەر» جاساۋ.ءۇشىنشى شارتى تالاپكەر ق.شاڭعىتبايەۆتىڭ ءبىر ولەڭىن مانەرلەپ وقيدى نەمەسە ت.احتانوۆتىڭ شىعارماسىنان ءۇزىندى ورىندايدى. وسى تالاپتارعا سايكەس كىتاپحاناشىلار وزدەرىنىڭ جۇمىستارىن ەلەكتروندى نۇسقاسىن جولداعان بولاتىن.
قازىلار القاسى اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باس مامانى گ.م.ماحانوۆا، وبلىستىق زاعيپتار جانە ناشار كورەتىن ازاماتتارعا ارنالعان كىتاپحانانىڭ ديرەكتورى گ.ع.حامزينا، اقتوبە وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى كىتاپحاناسىنىڭ مەڭگەرۋشىسى ن.ەرمەكوۆا، «وبلىس اكىمى اپپاراتىنىڭ «قوعامدىق كەلىسىم» ورتالىعىنىڭ ورىنباسارى ب.ا.سنابايەۆا جانە س.جيەنبايەۆ اتىنداعى وبلىستىق جاسوسپىرىمدەر كىتاپحاناسىنىڭ ديرەكتورى گ.ن.كالدينابايقاۋعا كەلىپ تۇسكەن بەينەروليكتىڭ ساپاسىنا، داۋىس مانەرىنە جانە ءتىل تازالىعىنا، تاقىرىپتىڭ اشىلۋىنا، كورمەنىڭ ماڭىزدىلىعىنا ەرەكشە ءمان بەردى.
بايقاۋدىڭ قورىتىندىسى بويىنشا باس جۇلدە - حرومتاۋ اۋداندىق ورتالىقتاندىرىلعان كىتاپحانالار جۇيەسىنىڭ كىتاپحاناشىسى جانايەۆا ءمولدىر ءمۇسىرالىقىزىنا بۇيىردى. I ورىن – قاندىاعاش ونەركاسىپتىك-ەكونوميكالىق كوللەدجىنىڭ كىتاپحاناشىسى ەلكەيەۆا ساندۋعاش سەريكقىزىنا تابىستالدى. II ورىندى – حرومتاۋ اۋداندىق كىتاپحانانىڭ كىتاپحاناشىسى تۋگەلوۆا نۋرسۋلۋ جۋمابەك قىزى يەلەنسە، III ورىن – تەمىر اۋدانى شۇبارقۇدىق كاسىپشىلىگى مودەلدى كىتاپحاناسىنىڭ كىتاپحاناشىسى شيرازوۆا ايگۇل، جانە مارتوك اۋداندىق ورتالىق كىتاپحاناسىنىڭ كىتاپحاناشىسى ەرمانوۆا جانار راحمان قىزى جەڭىپ الدى. ورىن العان جەڭىمپازدارعا باعالى سىيلىقتار،ياعني باس جۇلدەگە - تەلەديدار، ءى ورىن يەگەرىنە - پرينتەر، ءىى ورىنعا – قىسقا تولقىندا پەش، ءىىى ورىن العان كىتاپحاناشىلارعا - شاڭسورعىش تابىستاپ، جەڭىمپازدار العىس حاتتارمەن ماراپاتتالدى. كەش بارىسىندا قاتىسۋشىلار جەڭىمپاز كىتاپحاناشىلاردىڭبايقاۋعا ۇسىنعان جۇمىستارىن تاماشالاۋعا مۇمكىندىك الدى. كىتاپحاناشىلاردىڭ قۇرمەتىنە ارنالعان كەشتە وبلىستىق شىعارماشىلىق ورتالىعىنىڭ ءانشىسى قۇرالاي الەنوۆا جانە كىتاپحانانىڭ «شاپاعات» قايىرىمدىلىق كلۋبىنىڭ مۇشەلەرىاندەر ورىنداپ، مەرەكەلىك كوڭىل-كۇي سىيلادى.
سونىمەن بىرگە «ەل ەسىندە ەكى الىپ» كىتاپ كورمەسى ۇيىمداستىرىلىپ، كورمەگە حاميدۋللينا باقتىگۇل بيبليوگرافيالىق شولۋ جۇرگىزدى. كەش سوڭىندا ەستەلىك سۋرەتكە ءتۇستى.
كىتاپحانا تىرلىگىنە جان بەرەتىن، ۇلتتىق قۇندىلىقتار مەن وقىرماندار اراسىن جالعاستىراتىن كىتاپحاناشىلاردىڭ مارتەبەسىن كوتەرەتىن وسىنداي بايقاۋلار ءالى دە جالعاسىن تاباتىن بولادى.
التىنگۇل ەرمەكبايەۆا.
س.جيەنبايەۆ اتىنداعى وبلىستىق
جاسوسپىرىمدەر كىتاپحاناسىنىڭ
ءبولىم مەڭگەرۋشىسى.
اقتوبە قالاسى.
