قازاقستاننىڭ وكىلى، بۇرىنعى قورعانىس ءمينيسترى نۇرلان ەرمەكبايەۆ شانحاي ىنتىماقتاستىق ۇيىمىنىڭ 2025-2027 جىلدارعا ارنالعان باس حاتشىسى بولىپ تاعايىندالدى، دەپ حابارلايدى Dalanews.kz.

مۇنداي شەشىم بۇگىن ەلوردادا وتكەن سامميتتە قابىلداندى.

ەسكە سالساق، ەرمەكبايەۆ 2021 جىلى تاراز ماڭىنداعى اسكەري قويماداعى جارىلىستان كەيىن قورعانىس ءمينيسترى لاۋازىمىنان بوساتىلدى.

بۇعان دەيىن اتقارعان قىزمەتتەرى:

وسى جىلدار ىشىندە ول سىرتقى ەكونوميكالىق ۇيىمداردا، سونىڭ ىشىندە شەتەلدە جۇمىس ىستەدى؛

"يۋنيتەك لتد" باس ديرەكتورى؛

قازاقستان رەسپۋبليكاسىنىڭ قحر-داعى ەلشىلىگىنىڭ كەڭەسشىسى؛

قازاقستان رەسپۋبليكاسىنىڭ سينگاپۋر رەسپۋبليكاسىنداعى ۋاقىتشا سەنىمدى وكىلى؛

قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنت اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى؛

قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى؛

قازاقستان رەسپۋبليكاسى پرەزيدەنتىنىڭ حالىقارالىق ىستەر جونىندەگى كومەكشىسى؛

قازاقستاننىڭ ءدىن ىستەرى جانە ازاماتتىق قوعام ءمينيسترى؛

قازاقستان رەسپۋبليكاسى قاۋىپسىزدىك كەڭەسىنىڭ حاتشىسى؛

قازاقستان رەسپۋبليكاسىنىڭ قورعانىس ءمينيسترى.

قازىرگە دەيىن شىۇ باس حاتشىسىنىڭ ورىنباسارى قىزمەتىن اتقاردى.