20 جاستاعى الماتىلىق بلوگەر دۋلات نەبيەۆ «ۆيرۋس» جوباسىن قولعا الىپ, ونىڭ اياسىندا «90 كٷن – تازا قالا ٷشٸن» اتتى ەكوچەللەندج باستادى. ول ٶز باستامالارى ارقىلى الماتىلىقتاردى قورشاعان ورتاعا ۇقىپتى قاراۋعا شاقىرىپ, جاستاردىڭ ەكوساناسىن قالىپتاستىرۋعا جەنە قالا تازالىعىن ساقتاۋعا بەلسەندٸ قاتىسۋعا ىنتالاندىرىپ جٷر. بٷگٸن ول سەرٸكتەستەرٸمەن بٸرگە «سايران» كٶلٸ جاعالاۋىنداعى قوقىستاردى جينادى,- دەپ حابارلايدى Dalanews.kz
«الماتىدا جٷرگەنٸمە بٸر جىلدان اسا ۋاقىت بولدى. بۇعان دەيٸن Instagram-دا باسقا باعىتتاعى كونتەنتپەن اينالىساتىنمىن. كەيٸن باۋىرىم, ونكولوگ دانييار جۇماتاەۆپەن اقىلداسىپ, باعىتىمىزدى ٶزگەرتۋدٸ ۇيعاردىق. سٶيتٸپ ەكوچەللەندجٸمٸز باستالدى. باستى ماقساتىمىز – 90 كٷن ٸشٸندە ەلٸمٸزدٸ قوقىستان تازارتۋ ەرٸ ەلەۋمەتتٸك جەلٸ ارقىلى جاستارعا دۇرىس قۇندىلىقتاردى, تابيعات پەن تۋعان قالاعا دەگەن سٷيٸسپەنشٸلٸكتٸ دارىتۋ», – دەيدٸ بلوگەر.
ايتا كەتەيٸك, چەللەندج 1 ماۋسىمدا الماتىدا باستالدى. دۋلات باستاعان توپ كٶشەلەردٸ تازالاۋدان كٸرٸستٸ.
«العاشقى كٷنٸ نەبەرٸ ون قاپ جينادىق, تٸپتٸ قوقىستى قالاي دۇرىس جيناۋدى دا بٸلمەدٸك. العاشقى 5–10 كٷننٸڭ ٸشٸندە كٷنٸنە 10 قاپتان شىعاردىق. كەيٸن بۇل جۇمىستاردى Instagram مەن TikTok-تا جارييالاي باستادىق. قولداۋشىلارىمىز كٶپ بولا قويماسا دا, حالىقتىڭ ىقىلاسى بٸزگە ٷلكەن دەمەۋ بەردٸ», – دەيدٸ ول.
«بٸر كٷنٸ كەشكٸسٸن سايرانعا باردىق. ول كەزدە ساياباق رەسمي اشىلماعان, شومىلۋعا رۇقسات جوق ەدٸ. بٸراق ادامدار اربۋز جەپ, قوقىسىن, جايالىقتارىن تاستاپ كەتەتٸن. ەدەمٸ جاسىل ايماقتىڭ قوقىسقا تولىپ كەتكەنٸن كٶرٸپ, وسى جەردٸ تازالاۋعا بەكٸندٸك. چەللەندجدٸڭ 13-كٷنٸ سايراندى جينادىق: ەر 5–10 مەتر سايىن 10–11 قاپ قوقىس شىعاتىن. ۆولونتەر تارتۋ ٷشٸن ەلەۋمەتتٸك جەلٸدە ٷندەۋ جارييالادىم, التى ادام قوسىلدى», – دەيدٸ دۋلات.
«سودان باستاپ تاڭعى 5:00-دە سايراندا جينالاتىن بولدىق. كٷن سايىن 30–40 قاپ قوقىس شىعاردىق», – دەيدٸ ول.
قازٸر ونىڭ كومانداسىندا ماركەتولوگ, ۆيدەوگراف, SMM-مامانى بار. ەرٸكتٸلەردٸڭ قاتارى دا كٷن ساناپ كٶبەيٸپ كەلەدٸ. بلوگەر ەلەۋمەتتٸك جەلٸلەر ارقىلى جاستارعا ەكولوگييالىق وي قالىپتاستىرۋعا ەرەكشە مەن بەرٸپ وتىر.
«وسى ۋاقىت ٸشٸندە تٶرت قالادا بولدىم: الماتى, شىمكەنت, جاركەنت, جەتٸساي. الماتىدا بٸزگە 30-عا جۋىق ادام قوسىلدى. شىمكەنتتە 200-دەن استام جاس ەرٸكتٸ بٸرگە شىقتى, جاركەنتتە – 150, جەتٸسايدا – 100. بارلىعى تٶرت قالادا 400–500 ەرٸكتٸمەن جۇمىس ٸستەدٸك», – دەيدٸ ول.
چەللەندج نەتيجەسٸندە بلوگەر جاستارمەن بٸرگە الماتىنى نەبەرٸ 28 كٷندە تازارتتى. كەيٸن شىمكەنتتە ەكٸ اپتا ەڭبەك ەتٸپ, ودان سوڭ جاركەنت پەن جەتٸسايعا باردى.
«باستاپقى ماقساتىمىز الماتىنى 90 كٷندە تازالاۋ بولاتىن. بٸراق «ۆيرۋس» جوباسى جاي عانا قوقىس جيناۋدان ەلدەقايدا اۋقىمدى باستاماعا اينالدى. ەڭ باستىسى – كٶپتەگەن ادامعا تازالىق مەدەنيەتٸن دارىتا الدىق دەپ ويلايمىن», – دەپ قورىتىندىلادى دۋلات نەبيەۆ.
