شىمكەنت قالاسى ەكٸمٸنٸڭ ورىنباسارى رۋسلان بەردەنوۆ, بيىل سەۋٸر ايىندا ٶزٸنە جاسالعان قارۋلى شابۋىلدان كەيٸن, سوتتا جەكە كۋەلٸك بەرۋگە نيەتتٸ. بۇل تۋرالى ونىڭ ٶكٸلٸ جەڭٸس تىنىبەك مەلٸمدەدٸ, دەپ حابارلايدى Dalanews.kz.
تىنىبەكتٸڭ ايتۋىنشا, بٷگٸن, 12 تامىزدا بەردەنوۆكە وتا جاسالدى. قازٸرگٸ جاعدايى تۋرالى ناقتى مەلٸمەت جوق. دەگەنمەن ول دەرٸگەرلەر رۇقسات بەرگەن بويدا سوت زالىنا كەلٸپ, بولعان جايتتى ەگجەي-تەگجەيلٸ ايتىپ بەرۋگە دايىن.
“بٷگٸن وعان وپەراتسييا جاسالدى. دەرٸگەرلەر رۇقسات ەتكەن سەتتە كۋەلٸك بەرەدٸ دەپ جوسپارلاپ وتىرمىز. ٶزٸ دە “سوتقا بارامىن, بەرٸن تولىق ايتىپ بەرەمٸن” دەپ وتىر. جيەنبايدىڭ العاشقى سوتتا سٶيلەگەن 45 مينۋتتىق سٶزٸنٸڭ بٸردە-بٸرٸ شىندىققا جاناسپايدى. ونىڭ ٶز ەيەلٸنە كٷيە جاعاتىن مەلٸمدەمەلەرٸ ورىنسىز”, – دەدٸ تىنىبەك.
سونىمەن قاتار جەبٸرلەنۋشٸنٸڭ ٶكٸلٸ تەرگەۋ بارىسىندا ايىپتالۋشى جەنە ونىڭ قورعاۋشىسىمەن كەزدەسكەنٸن ايتتى. ەڭگٸمە كەزٸندە قارسى تاراپ اقپاراتتىق شابۋىلمەن قورقىتقان.
“ولار بٸزگە كەلٸپ: “سوعىس بولادى” دەپ ەسكەرتتٸ. جارايدى, سوعىسىڭدار, بٸز زاڭگەرمٸز. “ەگەر قارسى ۇسىنىس بولماسا, سوعىس باستالادى. اقپاراتتىق تۇرعىدان قۇرتامىز, بەردەنوۆتٸڭ مانسابىنا نٷكتە قويامىز” دەپ اشىق ايتتى”, – دەدٸ ول.
سوتتاعى تىڭ مەلٸمەتتەر
قازٸر شىمكەنتتە بەردەنوۆكە قاستاندىق جاساۋ ٸسٸ بويىنشا سوت جالعاسۋدا. بۇعان دەيٸن سۋديا 28 شٸلدەدە جەبٸرلەنۋشٸنٸڭ ٶزٸ سوتقا قاتىسۋى قاجەت ەكەنٸن ايتقان ەدٸ.
بٷگٸن سوتتا بەردەنوۆتٸڭ كٶمەكشٸسٸ تالاپ راحىمبەرديەۆ كۋەلٸك بەرٸپ, ايىپتالۋشىنىڭ تەلەفون ارقىلى قورقىتقانىن راستادى. ال قۇرىلىس نىساندارىن باقىلاۋ بٶلٸمٸنٸڭ باسشىسى امانعالي كەنجەبەكوۆ جيەنبايدى جۇمىستان بوساتۋ جوسپارلانعانىن مەلٸمدەدٸ.
