«Qolda 3.0» جوباسىنىڭ ءۇشىنشى كەزەڭى ازاماتتىق قوعامنىڭ الەۋمەتتىك ماسەلەلەردى شەشۋ مەن توتەنشە جاعدايلار كەزىندە وزەكتى ءتيىمدى ارەكەت ەتۋ قابىلەتىن ارتتىرۋعا باعىتتالعان.
بايقاۋعا بارلىعى 66 ۇكىمەتتىك ەمەس ۇيىمدار (ۇەۇ) قاتىستى. گرانت كوميتەتى قازاقستاننىڭ 14 ايماقتارىنان 16 ۇەۇ جوبالارىن تاڭدادى. جوبالاردى 6 اي ىشىندە، 2021 جىلدىڭ 21 شىلدەسىنەن 2022 جىلدىڭ 15 قاڭتارىنا دەيىن جۇزەگە اسىرۋ جوسپارلانعان.
"Qolda 3.0" باعدارلاماسىنىڭ ءۇشىنشى كەزەڭىندە جەڭىسكە جەتكەن ۇيىمدار:
- ايماقتارداعى توتەنشە جاعدايلار كەزىندە حالىقتى اقپاراتتاندىرۋ مەن قولداۋدىڭ ۇزاق مەرزىمدى جانە ونلاين شەشىمدەرىن ازىرلەۋ، ايماقتىق ۇەۇ-نىڭ توتەنشە جاعدايلارعا دەن قويۋ قابىلەتىن ارتتىرۋ، ايماقتاردا ۆولونتەرلىكتى دامىتۋ بويىنشا جوبالار:
- قىزىل اي قوعامى قوعامدىق بىرلەستىگىنىڭ پاۆلودار وبلىستىق فيليالى. قامتۋ ايماعى - پاۆلودار وبلىسى؛
- «لوكو» وقۋ-كەڭەس ورتالىعى» جم. قامتۋ ايماعى - اقتوبە قالاسى؛
- «اردوس-جۇرەك» مۇگەدەكتەر بىرلەستىگى» زتب. قامتۋ ايماعى - پەتروپاۆل قالاسى؛
- «ۇلاعات» قوعامدىق بىرلەستىگى. قامتۋ ايماعى - شقو جانە الماتى وبلىسىندا جوبانى كەڭەيتۋ.
- اۋىلدىق ايماقتارداعى ءار ءتۇرلى زورلىق-زومبىلىقتىڭ الدىن الۋعا باعىتتالعان جوبالار:
- «Verum Foundation» قوعامدىق بىرلەستىگى. قامتۋ ايماعى - قازاقستاننىڭ 10 ايماعى؛
- «زاڭ تالابى» قۇقىق قورعاۋ ورتالىعى» قوعامدىق بىرلەستىگى. قامتۋ ايماعى - تۇركىستان وبلىسى؛
- «QazYmCenter» قوعامدىق بىرلەستىگى. قامتۋ ايماعى - وسكەمەن قالاسى.
- ەكو-بىلىم بەرۋ جانە ەكو-ۆولونتەرلىكتى دامىتۋعا باعىتتالعان جوبالار:
- «Green Help» قوعامدىق بىرلەستىگى. قامتۋ ايماعى - پەتروپاۆل قالاسى؛
- «ۇماي» مەكتەپجاسىنا دەيىنگى بالالارعا ارنالعان قايىرىمدىلىق ءۇيى». قامتۋ ايماعى - قىزىلوردا قالاسى؛
- «سەنتر سەمي» قوعامدىق قورى. قامتۋ ايماعى - سەمەي قالاسى؛
- “نوۆوە ۆرەميا” جم. قامتۋ ايماعى - قاراعاندى قالاسى.
- ەڭبەك نارىعىندا جۇمىسسىزداردى قالپىنا كەلتىرۋگە، ميكرو جانە نانو بيزنەستى باستاۋعا ارنالعان جوبالار:
- «بەلەس-جەتىسۋ» قوعامدىق قورى. قامتۋ ايماعى - الماتى وبلىسى؛
- «Colden Hearts» قوعامدىق بىرلەستىگى. قامتۋ ايماعى - پەتروپاۆل قالاسى.
- Aدۆوكاتتىق جوبالار:
- «تى - نە ودين» قوعامدىق قورى، رەسپۋبليكالىق ماڭىزى بار جوبا؛
- «جانۇيا» وتباسى ينستيتۋتىن قولداۋ ورتالىعى، رەسپۋبليكالىق ماڭىزى بار جوبا؛
- «Tandau Foundation» قوعامدىق قورى، رەسپۋبليكالىق ماڭىزى بار جوبا.
8 ادامنان تۇراتىن گرانت كوميتەتى كەلەسى كريتەرييلەردى باسشىلىققا الدى:
- قولدانۋ يدەياسىنىڭ «Qolda0» ماقساتىنا، مىندەتتەرىنە جانە تالاپتارىنا سايكەس كەلۋى؛
- جوبانىڭ ورىندى جانە ناقتى بيۋدجەتى؛
- الەۋمەتتىك ناتيجە جانە ونىڭ ۇزاق ءومىر ءسۇرۋى؛
- جوبانىڭ تۇراقتىلىعى؛
- جوبا توبىنىڭ بىلىكتىلىگى.
«Qolda» جوباسى جايلى تولىعىراق اقپاراتپەن http://qolda.org/ رەسمي سايتىندا جانە https://www.instagram.com/efca_kz/ الەۋمەتتىك پاراقشاسىندا تانىسا الاسىزدار.
ەسكە سالا كەتەيىك، باعدارلامانىڭ ءبىرىنشى كەزەڭى 2020 جىلدىڭ 23 ساۋىرىندە باستالىپ، نۇر-سۇلتان مەن الماتى قالالارىن قامتىدى. نەگىزگى ماقسات حالىقتىڭ الەۋمەتتىك وسال توپتارىنا ازاماتتىق جانە ۆولونتەرلىك ۇيىمدارىنىڭ كومەگىن ۇيلەستىرۋ ارقىلى كارانتيندىك جانە توتەنشە جاعدايلاردىڭ حالىققا تەرىس اسەرىن ازايتۋ بولدى. باعدارلامانى جۇزەگە اسىرۋ بارىسىندا قازاق تىلىندە پاندەميا مەن كارانتين تۋرالى ساپالى مازمۇنداعى ماتەريالدار سانى ايتارلىقتاي ءوستى. «QOLDA» باعدارلاماسىنىڭ ءبىرىنشى كەزەڭىنىڭ گرانتتارى (Qolda 1.0) نۇر-سۇلتان مەن الماتى قالالارىنان 11 ۇەۇ-عا، سونداي-اق 7 باق-قا بەرىلدى. 2020 جىلدىڭ 23 ءساۋىرى مەن 23 تامىزى ارالىعىندا 11 ۇەۇ 2000-عا جۋىق مۇقتاج وتباسىلارىنا كومەك كورسەتتى، شاعىن جانە ورتا بيزنەس وكىلدەرىنە 1400-دەن استام كونسۋلتاسيالار، 5 ديسپانسەرلىك ەمحاناعا 2300 تۇسكى جانە كەشكى اس بەرىلدى.
2020 جىلدىڭ 9 قاراشاسىندا «QOLDA» شۇعىل كومەك باعدارلاماسىنىڭ ەكىنشى كەزەڭى (Qolda 2.0) باستالدى. قازاقستاننىڭ 8 وبلىسىنان 12 ۇەۇ گرانت جەڭىپ الدى. ۇكىمەتتىك ەمەس ۇيىمدار قازاقستاننىڭ 14 ايماعىنداعى 27752 بەنەفيسيارعا قولداۋ كورسەتتى. 5 194 وتباسى گۋمانيتارلىق كومەك الدى، ونىڭ ىشىندە از قامتىلعان كوپ بالالى وتباسىلار، مۇگەدەك بالالارى بار وتباسىلار، كومەككە مۇقتاج ارداگەرلەر مەن تىل ەڭبەككەرلەرى، ۆيچ-پەن ءومىر سۇرەتىن ادامدار، ونكولوگيالىق ناۋقاستار، تولىق ەمەس نەمەسە كوپ بالالى وتباسىلارداعى بۇرىن سوتتالعان ازاماتتار. وز-وزىنە قول جۇمساۋ ارەكەتىنە بارعان زورلىق- زومبىلىق قۇرباندارى - ايەلدەر مەن بالالار، سۋيسيدكە بەيىم ادامدار، مۇمكىندىگى شەكتەۋلى بالالاردىڭ اتا-انالارىمەن جالپى سانى 1788 پسيحولوگيالىق تەراپيا وتكىزىلدى. 3 قوعامدىق ءوزارا كومەك كورسەتۋ قىزمەتى قۇرىلدى.
