قازاقستاندا ارنايى پروكۋرورلار قىزمەتٸنٸڭ ەكس-باسشىسى ولەسيا كەكسەلگە قاتىستى قىلمىستىق ٸس قوزعالدى, دەپ حابارلايدى Dalanews.kz.
قازاقستان باس پروكۋراتۋراسى ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلگە قاتىستى قىلمىستىق ٸس قوزعالعانىن راستادى, دەپ حابارلايدى اگەنتتٸك تٸلشٸسٸ.
«قازاقستان رەسپۋبليكاسىنىڭ باس پروكۋراتۋراسى 2025 جىلعى 4 شٸلدەدە قىلمىستىق كودەكستٸڭ 146-بابى 2-بٶلٸگٸ 1 جەنە 2-تارماقتارىندا (ازاپتاۋ) كٶزدەلگەن قىلمىستى جاسادى دەگەن كٷدٸكپەن ۇلتتىق سىبايلاس جەمقورلىققا قارسى قىزمەتتٸڭ تەرگەۋ دەپارتامەنتٸ باسشىسىنىڭ بۇرىنعى ورىنباسارى كەكسەل و.ي.-نى كٷدٸكتٸ رەتٸندە تانىدى. قازٸرگٸ ۋاقىتتا سوتقا دەيٸنگٸ تەرگەۋ جالعاسۋدا, قوسىمشا دەلەلدەردٸ جيناۋعا باعىتتالعان تەرگەۋ ەرەكەتتەرٸ جٷرگٸزٸلۋدە», – دەپ حابارلادى دٷيسەنبٸ كٷنٸ KazTAG رەداكتسيياسىنا باس پروكۋراتۋرانىڭ باسپاسٶز قىزمەتٸ.
ولەسيا كەكسەل ۇلتتىق بيۋرونىڭ (قازٸرگٸ سىبايلاس جەمقورلىققا قارسى قىزمەت) بۇرىنعى باسشىسى تالعات تاتۋباەۆپەن بٸرگە, ەكونوميكالىق جەنە سىبايلاس جەمقورلىق قىلمىستارىنا قارسى كٷرەس اگەنتتٸگٸن (ابەكق, بۇرىنعى قارجى پوليتسيياسى) باسقارعان قايرات قوجامجاروۆتىڭ ەڭ سەنٸمدٸ سەرٸكتەرٸنٸڭ بٸرٸ سانالادى.
ايتا كەتەيٸك, انتيكوردىڭ ەكس باسشىسى (ۇلتتىق بيۋرو) تالعات تاتۋباەۆتىڭ ۇستالۋىمەن نيگماتۋللين-قوجامجاروۆ كلانى تولىقتاي كٷيرەتٸلٸپ, ٶز ٶمٸرٸن توقتاتتى. "جاڭا قازاقستان" سەناتور قايرات قوجامجاروۆتىڭ القىمىنا بٸر تابان جاقىنداي تٷستٸ.
DALA INSIDE دەرەككٶزٸنٸڭ سٶزٸنشە "پارلامەنتتەگٸ ٶكٸلەتتٸلٸگٸ بٸتكەننەن كەيٸن قايرات پەرنەشۇلىنىڭ ٶمٸرٸ قيىنداي تٷسەدٸ". تاتۋباەۆتىڭ تٷرلٸ تاپسىرمالارىن ەكٸ ەتپەي, رەزونانستٸ ٸستەردٸڭ شوقپار تەرگەۋشٸسٸ بولعان ولەسيا كەكسەل دە جاقىن ارادا ۇستالۋى تيٸس. ول دا ازاپتاۋعا قاتىستى قىلمىستىق ٸس وربيتاسىندا جٷرگەن.
"كەكسەل كٶپتەگەن ىقپالدى كلانداردىڭ اياعىن باسقان ادام. ونىڭ ٸستەگەن ٸستەرٸن ەشكٸم ۇمىتقان جوق. شاعىن زاڭ بۇزۋشىلىقتارى بار, ايتارلىقتاي قاتەلٸكتەرٸ بار, بەرٸ جٸپكە تٸزٸلۋدە. كٶپ ادام تەرگەۋگە كٶمەكتەسكٸسٸ كەلەدٸ. كەكسەلدٸڭ ٷستٸنەن كۋەگەر بولعىسى كەلەتٸندەر از ەمەس", - دەيدٸ دەرەككٶز.ال تاتۋباەۆتٸ ارداگەر جۋرناليست سەيٸتقازى ماتاەۆتىڭ كيەسٸ ۇردى. تٸپتٸ نازارباەۆ تا پرەزيدەنت كەزٸندە ماتاەۆتى كۋعىنداۋدى قۇپتاماعان بولاتىن. بٸراق نۇرلان نيگماتۋللين بوي بەرمەي قويعان. اقىرى تاتۋباەۆتار ەكەلٸ-بالالى ماتاەۆتاردى جازىقسىز قۋدالاپ, تٷرمەگە توعىتتى. ماتاەۆتار ٶز كٸنەسٸن مويىنداعان جوق. ارتىنان ولاردى "جاڭا قازاقستان" تولىعىمەن اقتاپ شىقتى.
بەلگٸلٸ جۋرناليست ەسەت ماتاەۆ ازاپتاۋ بابى بويىنشا ۇستالعان بۇرىنعى گەنەرال تالعات تاتۋباەۆقا قاتىستى ٶزٸنٸڭ باسىنان ٶتكەن وقيعانى ەسكە الىپ, فەيسبۋكتا جازبا قالدىرعان. ونىڭ سٶزٸنشە, 2016 جىلى ول قارجى پوليتسيياسى باسشىسىنىڭ ورىنباسارى تالعات تاتۋباەۆپەن ەكٸ رەت كەزدەسكەن. سول كەزدە فينپول ٶكٸلٸ ماتاەۆتار وتباسىنا قىلمىستىق كودەكستٸڭ 65-بابى (كٸنەسٸن مويىنداپ, شىن ٶكٸنگەنٸ ٷشٸن جاۋاپكەرشٸلٸكتەن بوساتۋ) بويىنشا كٸنەنٸ مويىنداۋدى ۇسىنعان.
«سول كەزدە ەكەم ەكەۋمٸزگە جالعان ايىپ تاعىلىپ جاتقانىن ايتتىم. لوگيكالىق ارگۋمەنتتەرٸمدٸ ەستٸگەندە, ونىڭ كٶزٸ جىپىلىقتاپ كەتتٸ. سول سەتتە ونىڭ «زاڭ ادامى» ەمەس, قاراپايىم كٶشە ادامى سيياقتى سٶيلەپ تۇرعانىن تٷسٸندٸم. ەڭگٸمەسٸنٸڭ بار مازمۇنى – «جوعارىدان تاپسىرىس تٷستٸ, بەرٸبٸر تٷرمەگە جابىلاسىڭدار» دەگەنگە سايدى», – دەپ ەسكە الادى ەسەت ماتاەۆ.جۋرناليستٸڭ ايتۋىنشا, سول ٸس بويىنشا بٸرنەشە تانىمال تۇلعا – جوعارعى سوتتىڭ سول كەزدەگٸ باسپاسٶز حاتشىسى بولات كاليانبەكوۆ (قازٸرگٸ مەجٸلٸس اپپاراتى باسشىسىنىڭ ورىنباسارى), «قازاقتەلەكومنىڭ» ۆيتسە-پرەزيدەنتٸ ماحانبەتاجيەۆ, اقپارات كوميتەتٸنٸڭ بۇرىنعى تٶراعاسى بەرسەباەۆ سەكٸلدٸ شەنەۋنٸكتەر قاماۋعا الىنعان. بٸراق ولار قىسىمعا تٶتەپ بەرە الماي, بٸر كٷن تەرگەۋ يزولياتورىندا وتىرعان سوڭ, قارجى پوليتسيياسى قويعان شارتتارعا كەلٸسكەن.
«ولاردىڭ بارلىعى بٸر-بٸر كٷن تەرگەۋ يزولياتورىندا بولىپ, بٸزگە جالا جابۋعا مەجبٷر بولدى. ٸس جٷزٸندە بيلٸك پەن فينپولدىڭ تالابىنا كٶنگەن ادامدار ەدٸ. ولاردىڭ بٸرازى نۇرلان نىعماتۋلين, باعلان مايلىباەۆ, باۋىرجان بايبەك, اسقار جۇماعاليەۆ سەكٸلدٸ تۇلعالارعا جاقىن ادامدار بولاتىن», – دەپ جازدى جۋرناليست.سونداي-اق ول جوعارعى سوتتىڭ سول كەزدەگٸ باسپاسٶز حاتشىسى بولات كاليانبەكوۆتٸڭ كەيٸنٸرەك بەلگٸلٸ قۇقىق قورعاۋشى, «ەدٸل سٶز» قورىنىڭ جەتەكشٸسٸ تامارا كالەەۆاعا حابارلاسىپ, ماتاەۆتاردى كٸنەنٸ مويىنداۋعا كٶندٸرۋٸن سۇراعانىن اتاپ ٶتتٸ. ماتاەۆتىڭ ايتۋىنشا, كاليانبەكوۆتىڭ ٷستٸنەن قوزعالعان ٸس 2021 جىلى قاڭتار وقيعاسىنىڭ الدىندا جابىلىپ قالعان.
«مەن ول كەزدە وتباسىم مەن جاقىندارىمنىڭ قىسىمعا ۇشىراعانىنا كۋە بولدىم. ەكەمدٸ قاماۋعا الىپ, كەيٸن ماعان تەلەفون ارقىلى شىعىپ, «ەشتەڭەگە ۋايىمداما, ٸس جابىلادى, بەرٸ شيكٸ ەكەنٸن بٸلەدٸ» دەپ سەندٸردٸ. ەرينە, سٶزٸنە تۇرمادى. ەكەمدٸ دە, وتباسىمدى دا, قىزمەتكەرلەرٸمٸزدٸ دە ٷكٸمگە دەيٸن قينادى», – دەيدٸ ول.ەسەت ماتاەۆ ەكەسٸنٸڭ تٷرمەدەن شىققان سوڭ, مەديافورۋمدا «تەنگرينيۋس» جەتەكشٸسٸ باتىر قازىباەۆتىڭ كەلٸپ, كەشٸرٸم سۇراعانىن دا ايتتى. قازىباەۆ اقپارات قۇرالىندا ماتاەۆتارعا قارسى ماتەريالدار شىعارۋ تۋرالى تاپسىرمانى جوعارىدان العانىن مويىنداعان.
جۋرناليست بۇل جازبانى كەك الۋ ماقساتىندا ەمەس, قۇقىق قورعاۋ ورگاندارىنىڭ قىزمەتكەرلەرٸ ٶز بولاشاعىن ويلانسىن دەگەن نيەتپەن جارييالاعانىن اتاپ ٶتتٸ.
تاتۋباەۆ ٶزٸ قۇرۋعا كٶمەكتەسكەن سيستەمانىڭ قۇربانى بولدى. كەكسەلدٸ دە, قوجامجاروۆتى دا وسىنداي تاعدىر كٷتٸپ تۇر.
