شارىپبەك جامالبەك، وقو ازاماتتىق اليانسىنىڭ ءتوراعاسى:
– 2017 جىلدىڭ 26 قازانى قازاقستان ءۇشىن تاريحي، ەل تاۋەلسىزدىگىنىڭ تاريحىندا التىن ارىپتەرمەن جازىلاتىن ايرىقشا كۇن بولدى. ايتۋلى كۇنى ۇلتتىق ءتىل ەرەكشەلىگىنە نەگىزدەلگەن جاڭا گرافيكا قابىلدانىپ، مەملەكەتتىك مارتەبەسى بار ءتىلىمىز ءۇشىن سەرپىندى ءسات تۋدى. قاراپ وتىرساق، بۇل باستاما قازاق ءتىلىنىڭ حالىقارالىق دارەجەگە شىعۋىنا تاپتىرماس مۇمكىندىك بولىپ وتىر. ايتسەدە، قيىندىقتاردىڭ بولاتىنى جاسىرىن ەمەس. سول قيىندىقتاردىڭ الدىن الىپ، مەملەكەت باسشىسى لاتىن ءالىپبيىنىڭ جاڭا نۇسقاسىن قوعامدىق تالقىلاۋعا ۋاقىت بەرە وتىرىپ، ءتيىمدىسىن قابىلدادى. ەندىگى كەزەڭ-كەزەڭىمەن 2025 جىلعا دەيىنگى لاتىن قارپىنە كوشۋگە ەل بولىپ اتسالىسۋىمىز ءتيىس.
بەكتاي ورمانوۆ، «نۇر الەم» قوعامدىق بىرلەستىگىنىڭ ءتوراعاسى:
– لاتىن گرافيكاسىنا نەگىزدەلگەن جاڭا الىپبيىگە ءوتۋىمىز قۇتتى بولسىن! ەلباسىنىڭ قاۋلىسىمەن بەكىتىلگەن قۋانىشتى جاڭالىقتى بارلىعىمىز قۋانا قابىل الدىق. نەگە قۋانباسقا بىرىنشىدەن، لاتىن ءالىپبيى قازاقستان مەن دامىعان ەلدەردىڭ اراسىن جالعايتىن كوپىر ىسپەتتى. ەندى سول ماسەلەنى ءىس جۇزىندە شەشۋگە كىرىستىك. تاريحي جازبا مۇرالارىمىزدى سۇزگىدەن وتكىزۋگە مۇمكىندىك تۋدى. لاتىن الىپبيىنە كوشۋ كەزەڭ-كەزەڭىمەن ىسكە اساتىنىن دا ەستە ۇستاعان ابزال. سوندىقتان، بۇل ماسەلەدە اسا كوپ قيىندىقتار پايدا بولادى دەپ ويلامايمىن.
دانارا سارانوۆا، «اSSA» قوعامدىق بىرلەستىگىنىڭ ديرەكتورى:
– ەلىمىز قارىشتاپ دامىعان تۇستا، ءتىلىمىزدىڭ مارتەبەسىن دە جادىمىزدان شىعارماۋىمىز قاجەت ەكەنىن ەسكەرسەك، لاتىن گرافيكاسىنا نەگىزدەلگەن جاڭا ءالىپبي نۇسقاسىن كوڭىلگە قونىمدى دەپ ايتا الار ەدىم. سونىمەن بىرگە، تۋىستاس تۇرىك حالىقتارىمەن دا ىنتىماقتاستىق ماسەلەسىنە وڭ ىقپال ەتەدى دەپ سەنەمىز. ءبىر كەزدەرى لاتىن ءالىپبيى قازاق جەرىندە قولدانىستا بولعان. ونىڭ ۇستىنە، ەلىمىزدە اعىلشىن ءتىلىن جەتىك بىلەتىن جاستار ءوسىپ كەلەدى. ولارعا لاتىن الىپبيىنە بەيىمدەلۋ اسا قيىندىق تۋعىزا قويمايدى.
