قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ تاپسىرىسى بويىنشا قازاقستاندىق قوعامدىق دامۋ ينستيتۋتى 2025 جىلعى 12–19 قىركٷيەكتە پرەزيدەنت ق.ك. توقاەۆتىڭ قازاقستان حالقىنا جولداۋىن قوعامنىڭ قالاي قابىلداعانىن زەردەلەۋ ماقساتىندا ەكسپرەسس-ساۋالناما جٷرگٸزدٸ, دەپ حابارلايدى Dalanews.kz
اقپارات جيناۋ ەدٸسٸ: حالىقتان تەلەفونمەن سۇحبات الۋ ارقىلى جاپپاي ساۋالناما جٷرگٸزۋ.
زەرتتەۋ كەزدەيسوق ٸرٸكتەمە بويىنشا جٷرگٸزٸلدٸ. مۇندا قازاقستاننىڭ ەرەسەك (18 جاستان اسقان) تۇرعىندارىنىڭ جىنىسى, جاسى, قونىستانۋ تٷرٸ جەنە تۇرعىلىقتى جەرٸ تۋرالى دەرەكتەر قامتىلادى. ٸرٸكتەمەلٸك جيىنتىق كٶلەمٸ – 1 200 رەسپوندەنت.
ەلەۋمەتتٸك زەرتتەۋ اۋماعى قازاقستان رەسپۋبليكاسىنىڭ بارلىق ٶڭٸرٸن قامتىدى – رەسپۋبليكالىق ماڭىزى بار قالالار: استانا, الماتى, شىمكەنت جەنە 17 وبلىس ورتالىعى, سونداي-اق اۋىلدىق ەلدٸ مەكەندەر.
ساۋالناما مەملەكەت باسشىسى قاسىم-جومارت توقاەۆتىڭ 2025 جىلعى 8 قىركٷيەكتەگٸ «جاساندى ينتەللەكت دەۋٸرٸندەگٸ قازاقستان: ٶزەكتٸ مەسەلەلەر جەنە ونى تٷبەگەيلٸ تسيفرلىق ٶزگەرٸستەر ارقىلى شەشۋ» اتتى قازاقستان حالقىنا جولداۋىن قوعامنىڭ قالاي قابىلداعانىن زەرتتەۋگە ارنالعان.
جٷرگٸزٸلگەن ساۋالناما نەتيجەلەرٸنە سەيكەس, حالىقتىڭ پرەزيدەنت جولداۋىنان حاباردار بولۋىنىڭ جالپى دەڭگەيٸ 72,6%-دى قۇرادى. كەلەسٸدەي جاۋاپتاردىڭ جيىنتىق مەنٸنەن حاباردار بولۋ دەڭگەيٸ انىقتالدى: «پرەزيدەنت جولداۋىن تىڭدادىم» (19,1%), «جولداۋدىڭ نەگٸزگٸ يدەيالارىن جاڭالىقتاردان, ينتەرنەتتەگٸ/ەلەۋمەتتٸك جەلٸلەردەگٸ/گازەتتەر مەن جۋرنالدارداعى جارييالانىمداردان بٸلدٸم» (25,9%), «ەستٸدٸم, بٸراق ەگجەي-تەگجەيٸن بٸلمەيمٸن» (27,6%).
اۋىلدىق ەلدٸ مەكەندەردە حالىقتىڭ حاباردار بولۋ دەڭگەيٸ قالالارعا قاراعاندا تٶمەن. بۇدان بٶلەك, جاس مٶلشەرٸ مەن حاباردارلىق اراسىندا ٶزارا بايلانىس بار ەكەنٸن اتاپ ٶتكەن جٶن. ياعني, رەسپوندەنتتەردٸڭ جاسى ۇلعايعان سايىن جولداۋ تۋرالى حاباردار بولۋ دەڭگەيٸ دە ارتا تٷسەدٸ.
ساۋالناما دەرەكتەرٸنە سەيكەس, جولداۋدان حاباردار رەسپوندەنتتەردٸڭ باسىم بٶلٸگٸ جولداۋ تۋرالى وڭ پٸكٸردە – 71,2% («تولىعىمەن وڭ» جەنە «وڭ دەۋگە بولادى» جاۋاپتارىنىڭ جيىنتىق مەنٸ).
جولداۋدىڭ نەگٸزگٸ يدەيالارىمەن تانىس رەسپوندەنتتەر مەملەكەت باسشىسى ۇسىنعان ەڭ ماڭىزدى باستامالار مەن شارالارعا الدىمەن قازاقستاننىڭ تسيفرلىق ترانسفورماتسيياسىنا قاتىستى ٶزەكتٸ مٸندەتتەر مەن شەشٸمدەردٸ جاتقىزدى: جاساندى ينتەللەكتٸنٸ ٶمٸردٸڭ ەرتٷرلٸ سالالارىنا ەنگٸزۋ (27,4%), ەكونوميكانى اۋقىمدى تسيفرلىق جاڭعىرتۋ (19,9%), جاساندى ينتەللەكت جەنە تسيفرلىق دامۋ مينيسترلٸگٸن قۇرۋ (8,3%).
سونداي-اق ساۋالناماعا قاتىسۋشىلار اراسىندا ەدەتتەگٸدەي مەملەكەت باسشىسىنىڭ ەلەۋمەتتٸك-ەكونوميكالىق باستامالارى مەن تاپسىرمالارىنا قىزىعۋشىلىق بايقالدى: «Alatau City» جوباسىن ٸسكە اسىرۋ (21,4%), جاڭا سالىق كودەكسٸ (18,6%), ەلەۋمەتتٸك تٶلەمدەردٸڭ مٶلشەرٸن بٸرٸزدەندٸرۋ (17,0%), اۋىل شارۋاشىلىعى سالاسىن جاڭا دەڭگەيگە كٶتەرۋ (15,5%), اەس سالۋ (12,0%).
پرەزيدەنتتٸڭ ەدەپ مەدەنيەتٸن قالىپتاستىرۋ جٶنٸندەگٸ تۇجىرىمدارى حالىقتىڭ ەرەكشە نازارىن اۋداردى: تەرٸس مٸنەز-قۇلىق ٷلگٸلەرٸنەن ارىلۋ (12,0%); ەلەۋمەتتٸك ماسىلدىقتان باس تارتۋ (10,6%).
سونىمەن قاتار مەملەكەت باسشىسىنىڭ پارلامەنتتٸك رەفورمانى جٷرگٸزۋ تۋرالى ۇسىنىسى قوعام تاراپىنان قىزىعۋشىلىق تۋدىردى. پارتييالىق تٸزٸم بويىنشا بٸرپالاتالى پارلامەنت قالىپتاستىرۋ يدەياسىن رەسپوندەنتتەردٸڭ 62,8%-ى ٶزەكتٸ دەپ سانايدى.
(ەسكەرتۋ: جاۋاپتاردىڭ جالپى جيىنى 100%-عا تەڭ ەمەس, سەبەبٸ رەسپوندەنتتەر بٸرنەشە جاۋاپ نۇسقاسىن تاڭداۋعا مٷمكٸندٸك العان).
جالپى, تەلەفون ارقىلى جٷرگٸزٸلگەن ساۋالناما نەتيجەلەرٸ حالىقتىڭ قازاقستان پرەزيدەنتٸنٸڭ حالىققا جولداۋى تۋرالى جوعارى دەڭگەيدە حاباردار ەكەنٸن بايقاتتى. ايتا كەتەرلٸگٸ, ساۋالناماعا قاتىسقان ازاماتتاردىڭ ەلەۋلٸ بٶلٸگٸ جولداۋدان ٶزدەرٸن تولعاندىرعان سۇراقتارعا جاۋاپ العان. وسىلايشا, ەلەۋمەتتٸك زەرتتەۋ نەتيجەلەرٸ مەملەكەت باسشىسىنىڭ جولداۋى ەل دامۋىنىڭ جالپىۇلتتىق كٷن تەرتٸبٸن تەك مەملەكەتتٸك ورگاندار ٷشٸن عانا ەمەس, بٷكٸل قوعام ٷشٸن دە ايقىندايتىنىن كٶرسەتەدٸ.
