باتىس قازاقستان وبلىسى جەرگىلىكتى پوليسيا قىزمەتى باسشىسىنىڭ ورىنباسارى ماناربەك ناجييەۆ قىزمەتىنەن بوساتىلدى، دەپ حابارلايدى Dalanews.kz "موي گورود" باسىلىمىنا سىلتەمە جاساپ.
بىلتىرعى جىلدىڭ 29 جەلتوقسانىندا بقو پد جەرگىلىكتى پوليسيا قىزمەتى باسشىسى كەنجەبەك قۇسپايەۆ پەن ونىڭ ورىنباسارى ماناربەك ناجييەۆ وزدەرىن قىزمەتىنەن بوساتۋدى سۇراپ، ارىز بەرگەن.
[caption id="attachment_49993" align="aligncenter" width="469"]
ماناربەك ناجييەۆ[/caption]
"تارتىپتىك كوميسسيانىڭ شەشىمىمەن ماناربەك ناجييەۆ جۇمىسىنان بوساتىلدى، ال كەنجەبەك قۇسپايەۆقا كەلەتىن بولساق، ونى قىزمەتىنەن بوساتۋ ماسەلەسىن قاراۋ ءۇشىن قۇجاتتارى ق ر ىشكى ىستەر مينيسترلىگىنە جولداندى"، دەپ حابارلادى بقو پوليسيا دەپارتامەنتىنىڭ باسپا ءسوز قىزمەتى.
[caption id="attachment_49994" align="aligncenter" width="613"]
كەنجەبەك قۇسپايەۆ[/caption]
ونداعىلار ءقازىر ەكەۋىنىڭ دە پوليسيا رەزەرۆىندە تۇرعانىن، قالاعان كەزدە جۇمىسقا شىعا الاتىندارىن، ءبىراق لاۋازىمدارى تومەندەتىلەتىنىن ايتتى.
قاڭتاردا بقو-دا جول-پاترۋلدىك پوليسيا ۆزۆودىنىڭ كومانديرى جول ەرەجەسىن بۇزعانداردى جاۋاپقا تارتپاعانى ءۇشىن جۇيەلى تۇردە پارا الىپ كەلگەن دەگەن كۇدىكپەن ۇستالدى.
سونداي-اق، ونىڭ باسشىلىعى كەزىندە قاراماعىندا جۇمىس ىستەگەن بىرنەشە پوليسيا قىزمەتكەرلەرىنە دە قاتىستى قىلمىستىق ىستەر قوزعالعان.
