قىزىلوردالىق قوعام بەلسەندىسىن پوليسيا الىپ كەتتى

ساعىنىش سارداروۆا 07 ناۋ. 2024 09:31 20262

وسىدان بىرنەشە جىل بۇرىن قىزىلوردا وبلىسىنىڭ ەكس-اكىمى گۇلشارا ءابدىقالىقوۆاعا "حاننىڭ قىزى" دەگەن تۇرعىن ۇستالدى. بۇل تۋرالى الەۋمەتتىك جەلى قولدانۋشىلارىنىڭ ءبىرى جازدى. الايدا تۇرعىن ناقتى قانداي سەبەپپەن ۇستالعانى ازىرگە بەلگىسىز. ءمان-جايدى انىقتاۋ ماقساتىندا قىزىلوردا وبلىستىق پوليسيا دەپارتامەنتىنە سۇراۋ جولداندى، - دەپ حابارلايدى Dalanews.kz.

الەۋمەتتىك جەلىلەردە ءتىپتى ول ۇستالعان ءسات كورىنەتىن سۋرەت تە تاراپ كەتتى.

facebook.com/nursultan.baimenov

جەلى قولدانۋشىسىنىڭ بۇل جازباسىنا قالالىق پوليسيا دەپارتامەنتى وكىلدەرى پىكىر ءبىلدىردى.  

"بۇل دەرەك بويىنشا قىزىلوردا وبلىسىنىڭ پوليسيا دەپارتامەنتى قىلمىستىق ءىس قوزعاپ، تەرگەپ-تەكسەرۋ ارەكەتتەرىن جۇرگىزىپ جاتىر. وزگە دە اقپاراتتار تەرگەۋ قۇپيالىعىنا بايلانىستى جاريا ەتىلمەيدى"، - دەپ جازىلعان جاۋاپتا. 

بۇل وقيعاعا قوعام بەلسەندىسى قۇرال سەيىتحان ۇلى دا ءۇن قاتتى. ونىڭ سوزىنشە، ءوڭىر تۇرعىنى ساندۋعاش تۇرلىبەكوۆا - بەس بالا ءوسىرىپ وتىرعان جالعىزباستى انا.
 
"ساندۋعاش تۇرلىبەكوۆانى نە ءۇشىن ۇستاعان؟ جاڭا كەش اراسىندا ۇيىنە پوليسيا كەلىپ تۇرعانىن تىكەلەي ەفيرگە شىعارىپ ەدى. ءبىزدىڭ ساندۋعاش جاڭاقورعان قالاسىنداعى كوپ بالالى انالاردىڭ ءادمينى بولعان. مىنا تۇرىسىنا قاراعاندا ونىڭ ۇستىنەن قىلمىستىق ءىس قوزعالعان سياقتى.
ساندۋعاش - بەس بالاسى بار جالعىز ىلىكتى انا. ەندى ءوز نارازىلىعىن الەۋمەتتىك جەلىگە شىعارعانى ءۇشىن دە قىلمىستىق جاۋاپكەرشىلىككە تارتا بەرەدى مە؟ الاياقتاردى نەگە وسىلاي ۇستامايدى ەكەن؟" - دەپ جازدى ول.

بىرنەشە لاۋازىمدى قىزمەت اتقارعان گۇلشارا ءابدىقالىقوۆا 2022 جىلعى 6 ماۋسىمىنان باستاپ "قازمۇنايگاز" ۇلتتىق كومپانياسى اق ادام رەسۋرستارىن باسقارۋ جونىندەگى بيزنەس-سەرىكتەسى قىزمەتىنە كىرىسكەن. 

ۇستالدى دەگەن ايەلگە قاتىستى وقيعا وسىدان شامامەن 4 جىل بۇرىن بولدى. سول كەزدە قىزىلوردا وبلىسىنىڭ اكىمى بولعان گۇلشارا ءابدىحالىقوۆا جاڭاقورعان اۋدانىنا جۇمىس ساپارىمەن بارعان ەدى. ال پوليسەيلەر اكىم كەلەدى دەپ جولدى جاۋىپ، باسقا كولىكتەردى جۇرگىزبەي قويعان.

بۇل جاعدايعا اشۋلانعان قىزىلوردالىق تۇرعىن اۋدان ارالاپ جۇرگەن ءوڭىر باسشىسىنا بارىپ "جولدى جاباتىن حاننىڭ قىزىسىز با؟" دەپ شۇيلىكتى.

بۇل جاعداي الەۋمەتتىك جەلىلەردە قىزۋ تالقىلانعان بولاتىن.


ۇسىنىلعان
سوڭعى جاڭالىقتار
x