قىزىلوردادا شەنەۋنىكتەر ينۆەستورلارعا زاڭسىز ايىپپۇل سالعانى ءۇشىن جازالاندى، دەپ حابارلايدى Dalanews.kz.
ارال اۋدانىندا مەملەكەتتىك كىرىستەر باسقارماسى پروكۋروردىڭ مىندەتتى كەلىسىمىنسىز ينۆەستوردى اقبتك-نىڭ 279-بابىمەن اكىمشىلىك جاۋاپكەرشىلىككە تارتقان. وسىعان ۇقساس زاڭبۇزۋشىلىقتار جاڭاقورعان اۋدانىندا دا تىركەلىپ، ينۆەستورعا بەس اكىمشىلىك ءىس بويىنشا زاڭسىز ايىپپۇل سالىنعان.
پروكۋراتۋرانىڭ نارازىلىعى نەگىزىندە زاڭسىز شەشىمدەردىڭ كۇشى جويىلدى.
"زاڭبۇزۋشىلىقتارعا جول بەرگەن لاۋازىمدى تۇلعالارعا اكىمشىلىك ىستەر قوزعالدى. كاسىپكەرلىك قىزمەتكە زاڭسىز ارالاسقانى ءۇشىن ولار اقبتك-نىڭ 173-بابى بويىنشا اكىمشىلىك جاۋاپكەرشىلىككە تارتىلدى. مۇنداي ارەكەت ءۇشىن 100 اەك مولشەرىندە ايىپپۇل تۇرىندەگى اكىمشىلىك جاۋاپكەرشىلىك كوزدەلگەن"، - دەپ جازىلعان حابارلامادا.
