قىزىلوردا وبلىسىنىڭ اكىمى نۇرلىبەك نالىبايەۆ قورقىت اتا سكۆەرىن جاڭعىرتۋ جانە جاڭا جىلۋ-ەلەكتر ورتالىعىنىڭ قۇرىلىس جۇمىستارىمەن تانىستى،- دەپ حابارلايدى Dalanews.kz
قورقىت اتا سكۆەرىن «استانا سەرۆيس Ltd» ج ش س جىل سوڭىندا پايدالانۋعا بەرمەك. وندا 157 ورىندىق، 100 قوقىس جاشىگى، 85 جارىق باعاناسى ورناتىلىپ، 9 500 شارشى مەتر اۋماققا برۋسچاتكا توسەلەدى.
سونداي-اق، بۇل جەردە بالالار ويىن الاڭى، سۋبۇرقاق، سەرۋەندەۋگە ارنالعان ساياباق سالىنۋدا. اباتتاندىرۋ جۇمىستارى دا كەڭىنەن جۇرگىزىلۋدە.
مەملەكەت باسشىسىنىڭ تاپسىرماسىنا سايكەس وڭتۇستىك وڭىرلەردە ەلەكتر ەنەرگياسىنىڭ تاپشىلىعىن بولدىرماۋ ماقساتىندا قىزىلوردا قالاسىندا جاڭا جىلۋ-ەلەكتر ورتالىعى قۇرىلىسى قارقىندى جۇرگىزىلۋدە. جالپى قۇنى 215 ملرد.تەڭگە، ينۆەستور «Aksa Energy» تۇرىك كومپانياسى قۇرىلىسقا 147 ملرد.تەڭگەدەن استام ينۆەستيسيا سالدى.
نەگىزگى قوندىرعىلار شەت ەلدەن الىنعان. قۋاتىلىعى 180 مەگاۆاتتىق 2 گاز تۋربينالىق قوندىرعى، 95 مەگاۆاتتىق بۋ تۋربيناسى، 2 بۋ، 4 جىلۋ قازاندىعىن قويۋ جوسپارلانعان. جەرگىلىكتى وندىرۋشىلەردىڭ ماتەريالدارى دا پايدالانىلۋدا.
ءقازىر نەگىزگى قوندىرعىلار تولىق جەتكىزىلىپ ورناتىلۋدا. بۇگىندە جۇمىستىڭ 80 پايىزعا جۋىعى ءبىتتى.
بۇدان بولەك، بيۋدجەت ەسەبىنەن 15 ملرد. تەڭگەگە ورتالىققا دەيىن 45 شاقىرىم گاز قۇبىرى مەن اۆتوماتتاندىرىلعان گاز تاراتۋ ستانسياسى سالىندى.
قۇرىلىس الاڭىندا نەگىزگى بولىگى جەرگىلىكتى تۇرعىنداردان قۇرالعان 1200-دەن استام جۇمىسشى جانە 130 ارنايى تەحنيكا بار.
ستانسيانى الداعى IV توقساندا ىسكە قوسۋ جوسپارلانعان. ءبىرىنشى كەزەكتە 1 گازوتۋربينالىق قوندىرعى، 2 جىلۋ قازاندىعى، كەلەسى جىلى قالعان قوندىرعىلار قوسىلادى. جاڭا ستانسيا وبلىستىڭ ەلەكتر ەنەرگياسىنا دەگەن قاجەتتىلىگىن تولىعىمەن قامتاماسىز ەتەدى.
