قىزىلوردا وبلىسىنىڭ جاڭاقورعان اۋدانىندا مەكتەپتٸڭ باس ەسەپشٸسٸ بولعان ابزال سەيدەكوۆكە قاتىستى قىلمىستىق ٸس بويىنشا سوت ٷكٸمٸ شىقتى. ول قىزمەت بابىن پايدالانىپ, مەملەكەتتٸك مەكەمە قارجىسىن قالتاعا باسقان. بۇل تۋرالى قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتٸ مەلٸمدەدٸ,- دەپ حابارلايدى Dalanews.kz
– تەرگەۋ بارىسىندا انىقتالعانداي, ا.سەيدەكوۆ 2023 جىلدىڭ 1 قاڭتارىنان 2024 جىلدىڭ 31 جەلتوقسانىنا دەيٸنگٸ ارالىقتا ٶزٸنە سەنٸپ تاپسىرىلعان لاۋازىمدىق مٸندەتتەرٸن تەرٸس پايدالانىپ, مەكتەپ قىزمەتكەرلەرٸنٸڭ ايلىق جالاقىسىن ەسەپتەۋ كەزٸندە ٷنەمدەلگەن قاراجاتتى ٶز شوتىنا زاڭسىز اۋدارىپ وتىرعان. ول جالپى سوماسى 36 ميلليون تەڭگە كٶلەمٸندە قاراجاتتى جىمقىرىپ, ونى "Pin Up" بۋكمەكەرلٸك قوسىمشاسى ارقىلى قۇمار ويىندارىنا جۇمساعان, – دەپ حابارلايدى قىزىلوردا وبلىسى بويىنشا ەكونوميكالىق تەرگەپ-تەكسەرۋ دەپارتامەنتٸ.
مەكتەپتٸڭ بۇرىنعى باس ەسەپشٸسٸ قىلمىستىق كودەكستٸڭ 189-بابىنٸڭ 4-بٶلٸگٸ 2-تارماعى (سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە ىسىراپ ەتۋ, اسا ٸرٸ مٶلشەردە) بويىنشا كٸنەلٸ دەپ تانىلىپ, سوت ٷكٸمٸمەن 7 جىلعا باس بوستاندىعىنان ايىرىلدى.
– سونىمەن قاتار 7 جىل مەرزٸمگە ەسەپشٸلٸك قىزمەتپەن اينالىسۋ قۇقىعىنان ايىرىلدى. سوتتالۋشى جازاسىن قىلمىستىق اتقارۋ جٷيەسٸنٸڭ قاۋٸپسٸزدٸگٸ ورتاشا مەكەمەسٸندە ٶتەيدٸ, - دەلٸنگەن دەپارتامەنت حابارلاماسىندا.
