قىزىلوردا “ءبىلىم-يننوۆاسيا” ليسەيىنىڭ سپورت الاڭقايى مەن شاعىن باعى بار اۋلاسىن اكىمشىلىك تارتىپ الىپ، اعاشتاردى كەسىپ، فۋتبول الاڭىن ءسۇرىپ تاستاپ، ورنىنا ارەنا سالماقشى، دەپ حابارلايدى Dalanews.kz.
حالىقارالىق جانە رەسپۋبليكالىق ءدۇبىرلى دودالاردا 30 جىل ىشىندە وبلىستىق جانە رەسپۋبليكالىق وليمپيادالاردان 148 التىن، 362 كۇمىس جانە 526 قولا مەدال الىپ، وبلىستىڭ اتىن شىعارىپ، حالىقارالىق بايگەلەردەن 16 التىن، 31 كۇمىس جانە 56 قولا يەلەنىپ ەلىمىزدىڭ اتاعىن اسقاقتاتىپ، وق بويى العا شىعىپ، جۇلدەلى ورىندار يەلەىنىپ، كوك تۋىمىزدى ساپالى بىلىمدەرى ارقىلى الەمگە تانىتىپ، ەلىمىزدىڭ داڭقىن عىلىم جولىندا شىعارىپ جۇرگەن “ءبىلىم-يننوۆاسيا” ليسەيىنىڭ 2،1 گا جەرىن اكىمشىلىك تارتىپ الىپ، ورنىنا ارەنا سالاتىنى تۋرالى 9 شىلدەدە حابارلاعان. اكىمشىلىك باسقا نىسانعا پايدالانۋعا بەرگەلى وتقان بۇل جەردە ليسەي-ينتەرنات تۇلەكتەرىنىڭ سىيعا تارتىپ، ءوز قاراجاتتارىنا سالىپ بەرگەن فۋتبول الاڭى بار. وعان قوسا، اباتتاندىرۋ جۇمىستارى جۇرگىزىلىپ، اعاشتار وتىرعىزىلىپ شاعىن ب ا ق تا جايقالعان بولاتىن. جاتاقحانادا جاتىپ وقيتىن 500 وقۋشى بوس ۋاقىتتارىندا وسى جەرگە كەلىپ ويىن ويناپ، باقتا دەمالىپ، كىتاپ وقيتىن. ال، قىزىلوردا اكىمشىلىگى بالالاردى بۇل مۇمكىنشىلىكتەن ايىرىپ، ولاردى ءتورت قابىرعاعا قاماپ قويماقشى.
وعان قوسا، اكىمشىلىك الىپ قويعان جەرگە “ءبىلىم-يننوۆاسيا” ليسەيى وقۋشىلار ءۇشىن تاعى دا تەننيس الاڭى(كورت)، سپورت الاڭىن سالۋدى جوسپارلاپ وتقان بولاتىن. تەك وقۋشىلار ءۇشىن عانا ەمەس، ساپالى تاربيە مەن ءبىلىم بەرەتىن ۇستازداردى دا جاتاقحانامەن قامتاماسىز ەتۋ ءۇشىن ليسەي باسشىلىعى مۇعالىمدەرگە ارنالعان جاتىن ورىن سالماقشى بولعان. ول ازداي ليسەيدە جىلدان-جىلعا كابينەت تاپشىلعى ارتىپ كەلەدى، وسىنىڭ الدىن الۋ ماقساتىندا ليسەي باسشىلىعى قاراماعىندا بولعان بوس الاڭعا سپورت زالىن سالماقشى بولعان. بالالاردىڭ سەرۋەندەپ، بوي سەرگىتىپ، تەك بىلىمدەرىن عانا ەمەس، دەنەلەرىندە شىنىقتىرۋ ءۇشىن جاسالعان جاعدايدان بالالاردى ايىرىپ، قىزىلوردا اكىمشىلىگى ول ورىنعا ارەنا سالماقشى.
بۇل ماسەلەگە بۇرىنعى وقۋ-اعارتۋ ءمينيسترى اسحات ايماعانبەتوۆ تە بەي-جاي قاراماي، ماسەلەنى اكىمشىلىك دۇرىس شارا قولدانىپ، ءتيىستى جاۋابىن بەرەتىنىنە سەنىم ءبىلدىرىپ ايتتى.
بۇل جايتقا “ءبىلىم-يننوۆاسيا” ليسەيىنىڭ وقۋشىلارى جانە اتا-انالارى نارازىلىقتارىن بىلدىرۋدە. ونسىزدا الاقانداي مەكتەپ اۋلاسىن بالالاردان تارتىپ الماي، ارەنانى باسقا جاققا سالۋدى تالاپ ەتەدى. بۇعان دەيىن دە ليسەي قاراماعىنداعى جەردى اكىمشىلىك الىپ قويعان بولاتىن. ال اتا-انالار مەن وقۋشىلاردىڭ نارازىلىعىنا قاراماستان قۇرىلىس كولىكتەرىن ليسەي اۋماعىنا ورنالاستىرىپ قويعان.
ليسەي-ينتەرناتىندا بالاسى وقيتىن رازيا مولدابەكوۆانىڭ ايتۋىنشا، سالىنعالى جاتقان سپورت كەشەنىنىڭ سالدارىنان ليسەي-ينتەرناتى وقۋشىلارىندا تەك وزدەرى وقيتىن عيمارات قالعالى وتىر. ءتىپتى سىرتقا شىعىپ سەرۋەندەپ جۇرەتىن جەر قالمايىن دەپ تۇر. اپتاسىنا ۇيىنە ءبىر-اق رەت باراتىن وقۋشىلاردى ليسەيدە ساباقتان شىققان سوڭ سەرۋەندەپ، بوي سەرگىتىپ، سپورتپەن شۇعىلداناتىن جاعدايدان ايىرىپ وتىر. وبلىس اكىمىنىڭ ورىنباسارى “سپورت كەشەنىنە بيل وقۋشىلارى ءۇشىن ارنايى جاعداي جاساپ، تەگىن كىرۋ مۇمكىندىگىن بەرەمىز”- دەپ ۋادە ەتتى دەيدى.
الايدا رازيا بۇل ۋادەنىڭ ورىندالاتىنىنا سەنبەيدى. ويتكەنى نىسان جارتىلاي جەكەمەنشىك بولادى دەگەن سىبىس تاراعان. ونى بىلاي قويعاندا قانشاما سپورتتىق شارالار مەن جارىستار وتەتىن نىساندا 500 بالا ەمىن-ەركىن ليسەيىندە جۇرگەندەي جۇرە المايدى. ال قازىرگى سپورت الاڭى مەن ساياباعىندا بالالارىمىز قالاعان ۋاقىتتارىندا ويىن ويناپ، ەركىن سەرۋەندەي الادى.
“ءبىز حالىق ارەناسىنىڭ سالىنۋىنا ەشقانداي قارسى ەمەسپىز، ءبىراق ءبىزدىڭ بالالارىمىزدىڭ جەرىن تارتىپ الماسا ەكەن”- دەيدى اتا-انالار.
رازيانىڭ ايتۋىنشا، بۇل كەشەندى سالۋعا قىزىلوردادا باسقا دا جەر جەتكىلىكتى، سوندىقتان بالالاردىڭ جەرىن وزدەرىنە پايدالانۋعا قالدىرۋدى تالاپ ەتەدى.
