بۇگىن وبلىس اكىمى نۇرلىبەك نالىبايەۆتىڭ قاتىسۋىمەن قىزىلورداداعى ونەر ورتالىعىندا «جۇيەلى قايىرىمدىلىق: تۇراقتىلىق، سەرىكتەستىك، مۇرا» تاقىرىبىندا IV ۇلتتىق قايىرىمدىلىق كونفەرەنسياسى ءوتتى، دەپ حابارلايدى Dalanews.kz
مەملەكەت باسشىسىنىڭ ارنايى تاپسىرماسىمەن 2022 جىلى قۇرىلعان «قازاقستان حالقىنا» قوعامدىق قورى جىل سايىن وڭىرلەرمەن، ءىرى بيزنەس سۋبەكتىلەرىمەن جانە كوممەرسيالىق ەمەس ۇيىمدارمەن ءوزارا ءىس-قيمىل شەڭبەرىندە ۇلتتىق قايىرىمدىلىق كونفەرەنسياسىن وتكىزىپ كەلەدى. باسقوسۋعا «قازاقستاننىڭ ازاماتتىق اليانسى» زتب پرەزيدەنتى بانۋ نۇرعازييەۆا، «قازاقستان حالقىنا» قورىنىڭ باسقارما ءتوراعاسى ءلاززات شىڭعىسبايەۆا، وبلىستىق ءماسليحات ءتوراعاسى، جاۋاپتى سالا باسشىلارى، قور قىزمەتكەرلەرى مەن زيالى قاۋىم وكىلدەرى قاتىستى.
ايماق باسشىسى «قازاقستان حالقىنا» قوعامدىق قورىنىڭ ءوڭىر تۇرعىندارىنا كورسەتكەن قولداۋى جايلى ايتتى.
«پرەزيدەنتىمىز قاسىم-جومارت كەمەل ۇلىنىڭ تىكەلەي باستاماسىمەن دەنساۋلىق ساقتاۋ، ءبىلىم بەرۋ، الەۋمەتتىك قولداۋ سالالارىنداعى ماسەلەلەردى شەشۋ ماقساتىندا قۇرىلعان «قازاقستان حالقىنا» قوعامدىق قورىمەن تىعىز ارىپتەستىك بايلانىس ورناتىلىپ، بىرلەسكەن جوبالار ىسكە اسىپ كەلەدى. قور قۇرىلعالى بەرى 10 ملرد. تەڭگەدەن استام قارجى ايماعىمىزداعى ماڭىزدى الەۋمەتتىك جوبالارعا باعىتتالدى.
اتاپ ايتساق، دەنساۋلىق ساقتاۋ سالاسىنا قارالعان 4 ملرد. 800 ملن. تەڭگەگە وبلىستىق بالالار اۋرۋحاناسىندا، جاڭاقورعان، ارال اۋداندارىندا «قامقورلىق» ورتالىقتارى اشىلدى. ارال اۋدانىنداعى ورتالىق قىزمەتىن كورشى اقتوبە وبلىسىنىڭ، جاڭاقورعان اۋدانىنداعى ورتالىق قىزمەتىن تۇركىستان وبلىسىنىڭ تۇرعىندارى دا پايدالانىپ، وڭالتۋ شارالارىمەن قامتىلدى.
قور قاجەتتى دارى-دارمەك الۋ، ورتالىقتاردى جابدىقتاۋ، مەديسينا ماماندارىن شەتەلدە وقىتۋعا دا قولداۋ كورسەتتى. وبلىستىق ونكولوگيا ورتالىعىنا قۇنى 1 ملرد. 100 ملن. تەڭگە تۇراتىن، رەسپۋبليكا بويىنشا 3 وبلىستا عانا بار سكرينينگ جۇرگىزۋگە ارنالعان جىلجىمالى مەديسينالىق كەشەن تابىستادى. كەشەن قازىرگى تاڭدا ءوڭىرىمىزدىڭ شالعاي ەلدى مەكەندەرىندەگى تۇرعىندارعا ۇزدىكسىز قىزمەت ەتۋدە.
«قازاقستان حالقىنا» قورى كەلەسى جىلى مەديسينا سالاسىنداعى جوبالارعا 2 ملرد. 600 ملن. تەڭگە ءبولۋدى جوسپارلاعان. وعان ونكولوگيالىق اۋرۋلاردى ءتيىمدى ەمدەۋگە ارنالعان جوعارى تەحنولوگيالىق جابدىقتار (لينەينىي ۋسكوريتەل) ساتىپ الىنادى.
سونداي-اق، اۋتيزمگە شالدىققان جانە باسقا دا پسيحيكالىق بۇزىلىستارى بار بالالاردى الەۋمەتتەندىرۋگە ارنالعان ورتالىق اشىلادى. ورتالىق جىل سايىن 600 بالاعا قىزمەت كورسەتپەك.
ءبىلىم بەرۋ سالاسىنا 2 ملرد. 600 ملن. تەڭگە ءبولىندى. «اۋىلدىق ايماقتارداعى تىرەك مەكتەپتەردىڭ الەۋەتىن دامىتۋ» جوباسى اياسىندا 2023-2025 جىلدارى 2 ملرد. تەڭگە ءبولىنىپ، 8 مەكتەپتىڭ فيزيكا، حيميا، بيولوگيا، روبوتوتەحنيكا، كومپيۋتەرلىك كابينەتتەرى قايتا جابدىقتالدى، اۋىل بالالارى جازعى لاگەرلەردە دەمالدى.
ەرەكشە ءبىلىم بەرۋدى قاجەت ەتەتىن بالالارعا ارنالعان ارنايى ينتەرناتتاردىڭ ماتەريالدىق-تەحنيكالىق بازاسى جاڭعىرتىلدى. «بولاشاق ينجەنەرلەر» جوباسى اياسىندا 9 مەكتەپكە روبوتوتەحنيكا قۇرىلعىلارى الىنىپ، ءتيىستى ماماندار ارنايى وقۋدان ءوتتى. قورقىت اتا اتىنداعى قىزىلوردا ۋنيۆەرسيتەتىنىڭ 500-دەن استام ستۋدەنتىنىڭ «كۋرسەرا» الەمدىك پلاتفورماسىندا ءبىلىم الۋىنا مۇمكىندىك جاسالدى.
الداعى جىلى ءبىلىم بەرۋ سالاسىندا تاعى 2 ملرد. تەڭگەنىڭ جوبالارى جۇزەگە اسادى. اتاپ ايتقاندا، وبلىستىڭ 50 مەكتەبىنە «ءبىلىم-يننوۆاسيا» ليسەيلەرىنىڭ تاجىريبەسى ەنگىزىلەدى، فيزيكا، حيميا، بيولوگيا كابينەتتەرى جابدىقتالادى، 8 شاعىن جيناقتى مەكتەپتىڭ ماتەريالدىق بازاسى نىعايتىلادى.
قور ايماعىمىزداعى سپورت ينفراقۇرىلىمىن دامىتۋعا 2 ملرد. 700 ملن. تەڭگە ءبولىپ، ناتيجەلى جۇمىستار اتقارىلدى. بيىل 348 ملن. تەڭگەگە شيەلى اۋدانىنىڭ دوسبول داتقا اۋىلىندا، جالاعاش اۋدانىنىڭ اققىر اۋىلىندا زاماناۋي سپورت كەشەندەرى سالىنىپ، ەل يگىلىگىنە تابىستالدى. سىرداريا، قارماقشى اۋداندارىنداعى سپورت كەشەندەرى جاڭا قۇرال-جابدىقتارمەن قامتاماسىز ەتىلدى.
ايماعىمىزدىڭ الەۋمەتتىك-ەكونوميكالىق دامۋىنا، تۇرعىندارىمىزدىڭ ءال-اۋقاتىن ارتتىرۋعا ەلەۋلى ۇلەس قوسقانى ءۇشىن «قازاقستان حالقىنا» قورىنىڭ ۇجىمىنا سىر جۇرتشىلىعىنىڭ اتىنان تاعى دا زور العىسىمىزدى بىلدىرەمىز»، – دەدى ن.نالىبايەۆ.
جيىندا ءلاززات شىڭعىسبايەۆا ءسوز سويلەپ، قور قىزمەتىنىڭ ماڭىزدىلىعىنا توقتالدى.
«جۇيەلى قايىرىمدىلىق – بۇل ۋاقىتشا شارا ەمەس، ۇزاق مەرزىمدى وزگەرىستەرگە جول اشاتىن ناقتى ءىس. «قازاقستان حالقىنا» قورى ءۇشىن بۇل – ادامداردىڭ ءومىرىن وزگەرتەتىن، بولاشاققا ءۇمىت سىيلايتىن تۇراقتى جوبالار. ءبىز مەملەكەت، قوعام جانە بيزنەس ارىپتەستىگى ارقىلى عانا شىن مانىندە ەلەۋلى ناتيجەلەرگە قول جەتكىزە الامىز. IV كونفەرەنسيا – بۇل ءۇش جىلدىق ەڭبەكتىڭ قورىتىندىسى عانا ەمەس، جاڭا كەزەڭنىڭ باستاۋى. بۇل – تاجىريبە الماسۋ، بىرلەسكەن شەشىمدەر ىزدەۋ جانە قوردىڭ وڭىرلەرگە كورسەتكەن ناقتى كومەگىن تانىستىرۋ الاڭى. مۇنىڭ بارلىعى كەلەر ۇرپاقتىڭ مۇراسىنا اينالادى»، – دەپ اتاپ ءوتتى.
ايتۋلى شاراعا ەلىمىزدىڭ بارلىق وڭىرىنەن كەلگەن 500-گە جۋىق دەلەگات قاتىستى.
كونفەرەنسيا مازمۇنى «تۇراقتىلىق»، «سەرىكتەستىك» جانە «مۇرا» اتتى ءۇش نەگىزگى بولىمنەن تۇرادى، ءاربىر ءبولىم جۇيەلى قايىرىمدىلىقتىڭ ماڭىزدى ءبىر قىرىن اشىپ كورسەتۋدى ماقسات ەتكەن. قوردىڭ قولداۋىنا يە بولعان 12 ازامات ءوز وقيعالارى تۋرالى، يگى ءىستىڭ ومىرىندە، ۇجىمىندا قانداي وڭ وزگەرىستەرگە جول اشقانىن ايتىپ بەردى.
ونەر ورتالىعىنىڭ فويەسىندە وتكەن «قازاقستان حالقىنا» قورىنىڭ جوبالار كورمە-جارمەڭكەسى ءبىلىم بەرۋ، دەنساۋلىق ساقتاۋ جانە الەۋمەتتىك قولداۋ سالاسىنداعى باستامالاردى بىرىكتىردى. قوناقتارعا جاڭا جابدىق قانا ەمەس، وزگەرىستەردىڭ ناقتى ناتيجەلەرى كورسەتىلدى.
ايتا كەتەيىك، بۇگىندە قوردىڭ جانە وبلىستىق بيۋدجەتتىڭ قارجىسىنا قالامىزدىڭ سول جاعالاۋىندا قۇنى 2 ملرد. 900 ملن. تەڭگە بولاتىن مۇمكىندىگى شەكتەۋلى جاندارعا ارنالعان دەنە شىنىقتىرۋ-ساۋىقتىرۋ كەشەنىنىڭ قۇرىلىسى قارقىندى جۇرۋدە. نىسان الداعى قازان ايىندا پايدالانۋعا بەرىلەدى.
كەلەسى جىلى 6 سپورت مەكتەبى جابدىقتالادى. مۇگەدەكتىگى بار بالالار مەن جاستار يننوۆاسيالىق پروتەزدىك-ورتوپەديالىق قۇرالدارمەن قامتاماسىز ەتىلدى. «ءۇي جاعدايىندا مۇگەدەكتىگى بار بالالاردى وڭالتۋ» جوباسى اياسىندا 283 ملن. تەڭگەگە 95 قۇرال-جابدىق ساتىپ الىندى. قارماقشى اۋدانىنداعى مۇمكىندىگى شەكتەۋلى بالالارعا الەۋمەتتىك قىزمەت كورسەتەتىن «دامەتكەن انا» ورتالىعىنىڭ ماتەريالدىق بازاسى نىعايتىلدى. بۇگىندە ورتالىقتا وڭالتۋ قىزمەتىن الاتىن 30 بالا بار.
