قىزىلوردا قالاسىنداعى ٶنەر ورتالىعىندا ۇلى ويشىل, اقىن, فيلوسوف اباي قۇنانبايۇلىنىڭ 180 جىلدىعىنا وراي «اباي» وپەراسىنىڭ پرەمەراسى ٶتتٸ. پرەمەرانى وبلىس ەكٸمٸنٸڭ بٸرٸنشٸ ورىنباسارى دانييار جانالينوۆ, وبلىس ەكٸمٸنٸڭ ورىنباسارى مەيرامبەك شەرماعانبەت, مەسليحات دەپۋتاتتارى, زييالى قاۋىم ٶكٸلدەرٸ, قوعامدىق كەڭەس مٷشەلەرٸ, قالا تۇرعىندارى تاماشالادى, دەپ حابارلايدى Dalanews.kz
«اباي» تراگەديياسى - ەلٸمٸزدٸڭ مەدەني ٶمٸرٸن دٷر سٸلكٸندٸرگەن قايتالانباس كەسەك تۋىندى. حح عاسىردىڭ 30-40 جىلدارى قولعا الىنىپ, م.ەۋەزوۆ شىعارماشىلىعىنىڭ ماڭىزدى باعىتى بولعان ابايداي عۇلامانىڭ تاقىرىبى, قايتالانباس كەلبەتٸ وقىرماندارىنان بۇرىن ساحنادا سومدالعان بەينەسٸ ارقىلى حالقىنىڭ جٷرەگٸنەن ورىن الدى. مۇحتار ەۋەزوۆتٸڭ ليبرەتتوسىنا جازىلعان احمەت جۇبانوۆ پەن لاتيف حاميديدٸڭ ايتۋلى وپەراسى تەك جاقسى مەن جاماننىڭ ايقاسىن بەينەلەگەن قويىلىم عانا ەمەس, قازاق حالقىنىڭ جان دٷنيەسٸنٸڭ الۋاندىعى مەن تەرەڭدٸگٸن كٶرسەتەتٸن اينا, كٶشپەلٸ ٶمٸردٸڭ بٸرەگەي سالتى مەن فيلوسوفيياسىن پاش ەتەتٸن تاعىلىمدى تۋىندى.
كەيٸپكەردٸڭ وي تەرەڭدٸگٸن, سٶزٸنٸڭ ٶتكٸرلٸگٸن, تٸل شەبەرلٸگٸن, ازامات رەتٸندەگٸ بەدەلٸن فيلارمونييا ەرتٸستەرٸ نەگٸزگٸ قالپىن ساقتاپ, اسقان شەبەرلٸكپەن كٶرەرمەن قاۋىمعا جەتكٸزدٸ.
ەرەكشە كلاسسيكا كەشٸن حالىقارالىق جەنە رەسپۋبليكالىق كونكۋرستاردىڭ لاۋرەاتى رۋستام رىسماعامبەتوۆتٸڭ ديريجەرلٸك ەتۋٸمەن وبلىستىق سيمفونييا وركەسترٸ سٷيەمەلدەدٸ. وركەستردٸڭ كٶركەمدٸك جەتەكشٸسٸ جەنە باس ديريجەرٸ – قازاقستاننىڭ ەڭبەك سٸڭٸرگەن قايراتكەرٸ, پروفەسسور مٷسٸلٸم ەمزە. تۇتاس ساحنالانعان وپەراعا ارالاس حور ۇجىمى (كٶركەمدٸك جەتەكشٸسٸ – ا.قۋانىش), «توميريس» بي انسامبلٸ (كٶركەمدٸك جەتەكشٸسٸ – حالىقارالىق جەنە رەسپۋبليكالىق كونكۋرستاردىڭ لاۋرەاتى م. تويبازاروۆا), «Ai-Aru» زاماناۋي بي انسامبلٸ (كٶركەمدٸك جەتەكشٸسٸ – حالىقارالىق جەنە رەسپۋبليكالىق كونكۋرستاردىڭ لاۋرەاتى ز.ستىقباەۆا), «ەدەمٸ» بالالار مۋزىكالىق تەاتر-ستۋديياسى, (كٶركەمدٸك جەتەكشٸسٸ – ق. بورانباەۆ) جەنە فيلارمونييا سوليستەرٸ قاتىسىپ, كٶرەرمەنگە ماڭىزى تەرەڭ, فيلوسوفيياعا تولى مەدەني دەمالىس سىيلادى.
وپەرانىڭ قويۋشى رەجيسسەرٸ – مەدەنيەت سالاسىنىڭ ٷزدٸگٸ, «ەرەن ەڭبەگٸ ٷشٸن» مەدالٸنٸڭ يەگەرٸ ەزيزا ٸزدٸقۇلوۆا.
ابايدىڭ جەكە ٶمٸرٸ, شىعارماشىلىعى مەن ونى تۇلعا رەتٸندە ايشىقتاۋعا ارنالعان بۇل تۋىندى ۇلتتىق رۋحتى وياتاتىن, قوعامدى بٸرلٸككە باستايتىن زور قوزعاۋشى كٷشكە يە. اباي شىعارماشىلىعىن, ونىڭ عۇمىرنامالىق, مەدەني-رۋحاني مۇرالارىن سان-الۋان ٷلگٸدە ناسيحاتتاۋ قازٸرگٸ قازاق رۋحانيياتى ٷشٸن اسا قاجەت.
