سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ قىزىلوردا وبلىسىنىڭ جالاعاش اۋدانىندا ٶتكەن «دالا كٷنٸ – 2025» كٷرٸش ورۋ ناۋقانىنىڭ اشىلۋ رەسٸمٸنە قاتىستى. ٸس-شاراعا سونداي-اق ٶڭٸر باسشىسى نۇرلىبەك نەلٸباەۆ تا قاتىستى,- دەپ حابارلايدى Dalanews.kz
جيىندا اۋىل شارۋاشىلىعى مەن سۋ سالاسىنىڭ ٷزدٸك قىزمەتكەرلەرٸ ماراپاتتالدى. بارلىعى 35 مامان ماراپاتقا يە بولدى. سونىمەن قاتار اۋىل شارۋاشىلىعى جەرمەڭكەسٸ ۇيىمداستىرىلىپ, ٶڭٸر ديقاندارى ٶز ٶنٸمدەرٸن ۇسىندى.
«بيىل ۆەگەتاتسييا كەزەڭٸ كٷردەلٸ اۋا رايى جاعدايىندا ٶتتٸ. سوعان قاراماستان, سۋدى ەدٸل ەرٸ تيٸمدٸ بٶلۋ شارالارىنىڭ نەتيجەسٸندە قىزىلوردا وبلىسىنداعى كٷرٸش القاپتارىن سۋمەن قامتاماسىز ەتتٸك. دەگەنمەن سۋ ٷنەمدەۋ تەحنولوگييالارىنا كٶشۋ قاجەتتٸلٸگٸ ەلٸ دە ٶزەكتٸ. مەملەكەت زاماناۋي سۋارۋ جٷيەلەرٸن جىلدام ەرٸ تيٸمدٸ ەنگٸزۋ ٷشٸن بارلىق قاجەتتٸ قولداۋ تەتٸكتەرٸن, سونىڭ ٸشٸندە سۋبسيدييالاردى ۇسىنىپ وتىر»,– دەدٸ سۋ رەسۋرستارى جەنە يرريگاتسييا مينيسترٸ نۇرجان نۇرجٸگٸتوۆ.
2025 جىلعى ۆەگەتاتسييا كەزەڭٸندە «قازسۋشار» رمك قىزىلوردا فيليالى سۋارمالى سۋدى جەتكٸزۋ بويىنشا 1042 كەلٸسٸمشارت جاساستى. ٶڭٸردە سۋارۋعا الىنعان سۋ كٶلەمٸ - 3,51 ملرد تەكشە مەتر.
ەگٸس القاپتارىن تۇراقتى سۋمەن قامتاماسىز ەتۋ ٷشٸن وبلىستاعى «قازسۋشار» فيليالى مەن جەرگٸلٸكتٸ شارۋا قوجالىقتارىنىڭ كٷشٸمەن 357 سورعى ستانتسيياسى ورناتىلدى. ونىڭ ٸشٸندە 60-ى – فيليالدىڭ ەسەبٸنەن, قالعان 297-سٸ – جەرگٸلٸكتٸ اتقارۋشى ورگانداردىڭ, تجم-نٸڭ جەنە ديقانداردىڭ سورعى ستانتسييالارى.
سۋ رەسۋرستارى جەنە يرريگاتسييا مينيسترلٸگٸنٸڭ ارنايى جۇمىس توبى سۋ شارۋاشىلىعى جاعدايىنا, كانالدار مەن سۋ قويمالارىنىڭ جاي-كٷيٸنە, سۋدىڭ بٶلٸنۋٸنە جەنە سۋارۋ كەستەسٸنٸڭ ساقتالۋىنا تۇراقتى مونيتورينگ جٷرگٸزدٸ. رەسۋرستاردى ٷنەمدەۋ ماقساتىندا كوللەكتورلىق-درەناجدى سۋدى قايتا پايدالانۋ تەسٸلٸ قولدانىلدى.
سونىمەن قاتار قىزىلوردا وبلىسىنىڭ ديقاندارى سۋ ٷنەمدەۋ تەحنولوگييالارىن بەلسەندٸ قولدانا باستادى. بٷگٸنگٸ تاڭدا ايماقتاعى شامامەن 75 مىڭ گەكتار جەر سۋ ٷنەمدەۋ جٷيەلەرٸمەن قامتىلىپ وتىر. جٷرگٸزٸلگەن كەشەندٸ شارالاردىڭ نەتيجەسٸندە ۆەگەتاتسييا كەزەڭٸنٸڭ قالىپتى ٶتۋٸنە قاجەتتٸ جاعداي جاسالدى.
