قىزىلوردا وبلىسىندا قولايلى ينۆەستيتسييالىق كليمات قالىپتاسىپ, ٸرٸ ينۆەستيتسييالىق جوبالار جٷزەگە اسۋدا. بۇل تۋرالى استاناداعى ورتالىق كوممۋنيكاتسييالار قىزمەتٸندە ٶتكەن بريفينگتە وبلىس ەكٸمٸ نۇرلىبەك نەلٸباەۆ باياندادى, دەپ حابارلايدى Dalanews.kz.
«2022-2024 جىلدارى وبلىس ەكونوميكاسىنا 1 ترلن. 600 ملرد. تەڭگەگە جۋىق ينۆەستيتسييا تارتىلدى. بيىلعا 631 ملرد. 400 ملن. تەڭگە جوسپارلانعان. بٷگٸندە جاڭا جوبالاردى ٸسكە قوسۋ ارقىلى ينۆەستيتسييا 750 ملرد. تەڭگەدەن اسىپ, جوسپار ارتىعىمەن ورىندالدى. 2021 جىلمەن سالىستىرعاندا ينۆەستيتسييا كٶلەمٸ 233 پايىز ارتسا, جەكە ينۆەستيتسييا ٷلەسٸ 70 پايىز. ەكونوميكانى ەرتاراپتاندىرۋدا الداعى جىلدارى 2,8 ترلن تەڭگەنٸڭ 98 ينۆەستيتسييالىق جوباسى جوسپارلانعان. بۇل 12 مىڭ جاڭا جۇمىس ورنىن قۇرۋعا مٷمكٸندٸك بەرەدٸ.
بيىل 300 ملرد. تەڭگەدەن استام قارجىعا 27 ينۆەستيتسييالىق جوبا ٸسكە قوسىلدى. شٸلدە ايىندا 5 ملرد. تەڭگەگە «قىزىلوردا ساز-م» سەرٸكتەستٸگٸنٸڭ تولىق اۆتوماتتاندىرىلعان كٸرپٸش زاۋىتى اشىلدى. زاۋىت جىلىنا 90 ملن. كٸرپٸش شىعارىپ, جەرگٸلٸكتٸ قۇرىلىسقا قاجەتتٸ سۇرانىستىڭ 90 پايىزىن قامتاماسىز ەتەدٸ.
«قىزىلوردا نان» سەرٸكتەستٸگٸنٸڭ نان ٶندٸرۋ كەشەنٸ ٸسكە قوسىلدى. كەشەننٸڭ جالپى قۇنى 5 ملرد. 600 ملن. تەڭگە بولاتىن نان-توقاش, كونديتەرلٸك-ماكارون ٶنٸمدەرٸن (جالپى قۋاتتىلىعى 7,8 مىڭ توننا) شىعاراتىن 4 تسەحى جۇمىس جاساۋدا.
بۇدان بٶلەك, 753 ملرد. 300 ملن. تەڭگەگە 14 ٸرٸ جوبانىڭ قۇرىلىسى باستالۋدا. ولاردى اتاپ ٶتسەك, 414 ملرد. 700 ملن. تەڭگەگە «شالقييا» كەن-بايىتۋ فابريكاسى, 161 ملرد. 400 ملن. تەڭگەگە كالتسييلەنگەن سودا زاۋىتى, 60 ملرد. تەڭگەگە «Seven Rivers Technologies» كومپانيياسىنىڭ بٶتەلكە شىعاراتىن زاۋىتى, 37 ملرد. 800 ملن. تەڭگەگە وڭتٷستٸك كورەيالىق «With you e&c Qyzylorda» كومپانيياسىنىڭ تۇرمىستىق قاتتى قالدىقتار ٶڭدەۋ زاۋىتى. «تابيعي تاس قىزىلوردا» سەرٸكتەستٸگٸنٸڭ 17 ملرد. 300 ملن. تەڭگە قارجى سالىنعان, قۋاتتىلىعى جىلىنا 1 ملن. 100 مىڭ توننا ەك شىعاراتىن زاۋىتى كەلەسٸ جىلى ٸسكە قوسىلادى (92 جۇمىس ورنى قۇرىلادى).
ٶتكەن اپتادا عانا يسپاندىق «Roca Group» كومپانيياسىمەن جىلىنا 500 مىڭعا دەيٸن سانيتارلىق-تەحنيكالىق ٶنٸمدەر شىعاراتىن جوعارى تەحنولوگييالىق زاۋىت سالۋ جٶنٸندە ينۆەستيتسييالىق كەلٸسٸمگە قول قويىلدى. ەلٸمٸزدە سالىناتىن العاشقى زاۋىتتىڭ قۇنى 44 ملرد. تەڭگە, 300-گە جۋىق جاڭا جۇمىس ورنى اشىلادى.
جوبا 2027 جىلى ٸسكە قوسىلادى
ٶڭٸردە اگرارلىق-يندۋسترييالىق كلاستەر قۇرۋ ماقساتىندا 51 ملرد. تەڭگەگە شۆەيتسارييالىق «Harvest agro» كومپانيياسىنىڭ تەحنيكالىق قاراسورا, جٷگەرٸ مەن سويا ٶسٸرەتٸن, قايتا ٶڭدەيتٸن زاۋىتىنىڭ جەنە 40 ملرد. تەڭگەگە جٷگەرٸ داقىلىن تەرەڭ ٶڭدەيتٸن كراحمال-سٸرنە زاۋىتىنىڭ قۇرىلىسى باستالدى.
ٷكٸمەت قاۋلىسىمەن مامىر ايىندا قىزىلوردا قالاسىندا اۋماعى 550 گەكتار «قورقىت اتا» ارنايى ەكونوميكالىق ايماعى قۇرىلدى.
ايماققا ٶندٸرٸستٸك نىسانداردى ورنالاستىرۋ ماقساتىندا وتاندىق, شەتەلدٸك ينۆەستورلارمەن كەلٸسسٶزدەر جٷرگٸزٸلۋدە. 
بۇل جەردە ٶڭٸرٸمٸزدٸڭ ٶنەركەسٸپتٸك- لوگيستيكالىق ەلەۋەتٸنە سەيكەس كەلەتٸن ەكونوميكالىق قىزمەتتٸڭ 18 تٷرٸ ٸسكە اسادى. قازٸرگٸ تاڭدا ينجەنەرلٸك ينفراقۇرىلىممەن قامتاماسىز ەتۋ جۇمىستارى باستالۋدا.
