قازاقستاننان كەلگەن ايسۇلتان ۋحان قالاسىنىڭ ۋنيۆەرسيتەتٸندە بٸلٸم الادى. قالا كارانتينگە جابىلعالى وسىنداعى قازاق جاستارى ساقتىق شارالارىن قابىلداۋعا مەجبٷر بولعان.
"بٷگٸن قىتاي تەلەارنالارى جاعدايدى باقىلاۋعا الدىق دەپ حابار تاراتتى. الايدا كەشە كەشكٸسٸن قالاداعى ەۋەجاي جابىلىپ قالدى. ەزٸر قالاعا كٸرۋ دە, شىعۋ دا مٷمكٸن ەمەس. بٸز كارانتين اۋماعىندامىز.
مەترو, قوعامدىق كٶلٸكتٸڭ جۇمىسى توقتادى, تەك تاكسي قاتىناپ تۇر. بٸراق ونىڭ ٶزٸ ازدىق ەتۋدە. قالا كارانتينگە جابىلماي تۇرا بٸزبەن بٸرگە بولعان بٸرشاما ادام كٶلٸكپەن كٶرشٸ قالاعا جەتٸپ, ەرٸ قاراي بەيجٸڭگە اتتاندى. وسى ارادان تۋعان جەرٸنە تۋرا تارتادى. الايدا دەل قازٸر قالادان شىعۋ مٷمكٸن ەمەس", – دەيدٸ ايسۇلتان.
ونىڭ ايتۋىنشا اۋرۋدىڭ اسقىنۋىنا قاۋٸپتٸ ٸندەتپەن تۇسپا-تۇس كەلگەن قىتاي جاڭا جىلى دا سەبەپشٸ بولۋى مٷمكٸن. سەبەبٸ بۇل ۋاقىتتا قىتايلىقتار بٸر-بٸرٸن قۇتتىقتاپ, الىس-جاقىنداعى تۋىس-تۋعاندارىنا ساپارلاپ كەلەدٸ.
قىتايلىقتار جۇمىسقا الداعى ايدىڭ 6-سى كٷنٸ شىعادى. ەلدەگٸ بٸرقاتار وقۋ ورىندارى ۆيرۋسقا بايلانىستى دەمالىستى ناۋرىز ايىنا دەيٸن سوزعان.
ۆيرۋس جۇقتارعانداردىڭ سانى رەسمي مەلٸمەتكە قاراعاندا ەلدەقايدا كٶپ دەگەن قاڭقۋ سٶزدٸ ۋحان قالاسىنداعى قازاق ستۋدەنتتەرٸ دە ەستٸپتٸ.
"قالادا قامالىپ قالعان ستۋدەنتتەر جاتاقحانادا باس قوسىپ, كارانتيننٸڭ الدىندا قاجەتتٸ ازىق-تٷلٸكپەن قامدانىپ الدىق. قىتاي بيلٸگٸ جاعدايدى باقىلاۋدا ۇستايتىنىن ايتتى. جانىمىزدا شەتەلدٸك ستۋدەنتتەردٸ باقىلايتىن بٶلٸم جەتەكشٸسٸ بار.
ۋنيۆەرلەردٸڭ كٶپشٸلٸگٸ كارانتين باستالماي تۇرىپ ٶز ستۋدەنتتەرٸن ەلدەرٸنە اتتاندىرىپ ٷلگەردٸ. دەرٸگەرلەر بٸزگە ارنايى ۆيدەولار جٸبەرٸپ, قاۋٸپتٸ ٸندەتتٸڭ قالاي تارالاتىنى تۋرالى مەلٸمەت بەردٸ. ماسكا ٷلەستٸردٸ.
ۆيرۋس جۇقتىرعان جاعدايدا قايدا حابارلاسۋ كەرەگٸن ايتتى. كەيبٸر وقۋ ورىندارىنىڭ باسشىلىعى ستۋدەنتتەرگە ارناپ ازىق-تٷلٸك جەتكٸزٸپ بەردٸ. ەزٸرگە شىداۋعا بولادى", – دەيدٸ ايسۇلتان.
ۋحان قالاسىندا بٸلٸم الاتىن تاعى بٸر قازاق ستۋدەنتٸ ارۋجان بەگمانوۆا كەرٸسٸنشە مۇنداعى احۋالدىڭ ۋشىعىپ تۇرعانىن حابارلادى.
ارۋجان قازاقستان بيلٸگٸ كارانتين ايماعىندا قالعان ستۋدەنتتەردٸ ەلگە قايتارۋى تيٸس دەپ ەسەپتەيدٸ.
"قالاداعى دٷكەن-دٷڭگٸرشەكتەردٸڭ دەرلٸگٸ جابىلىپ قالدى. ادامدار ازىق-تٷلٸكتٸ تالاپ الىپ كەتتٸ. ۋحانداعى جاعداي ۋشىعىپ تۇر. تۇماننان تٷك كٶرٸنبەيدٸ. ٷيٸمدٸ ساعىندىم. وتباسىم كٷتٸپ وتىر. مەن سەكٸلدٸ جٷزدەگەن جاستار ەلٸنە قايتقىسى كەلەدٸ. ٷكٸمەتتٸڭ بۇعان قاۋقارى جەتەر, قازاقستانعا قايتقىمىز كەلەدٸ", – دەپ جازعان ارۋجان ٸnsta پاراقشاسىندا.
ول وسىنداعى قازاق ستۋدەنتتەرٸنٸڭ امان-ساۋ ەكەنٸن, سىرقاتقا شالدىقپاعانىن ايتقان.
"بۇعان كٶز جەتكٸزگٸسٸ كەلسە بٸزدەردٸ تەكسەرسٸن, اۋرۋ انىقتالماسا ەلٸمٸزگە جٸبەرسٸن", – دەيدٸ ارۋجان.
