قىتايدا Sileme دەپ اتالاتىن موبيلدٸ قوسىمشا حالىق اراسىندا جىلدام تانىلىپ جاتىر. اتاۋى قىتاي تٸلٸنەن اۋدارعاندا «ٶلٸپ قالدىڭ با?» دەگەن ماعىنانى بٸلدٸرەدٸ. قوسىمشا جالعىز تۇراتىن ادامدارعا ارنالعان, دەپ حابارلايدى Dalanews.kz Global Times-قا سٸلتەمە جاساپ.
قوسىمشا قالاي جۇمىس ٸستەيدٸ?
قوسىمشا پايدالانۋشىلاردان كٷن سايىن ٶز جاعدايىن بەلگٸلەۋدٸ سۇراپ وتىرادى. ەگەر ادام ەكٸ كٷن قاتارىنان بەلگٸ قالدىرماسا, جٷيە ونىڭ الدىن الا كٶرسەتكەن جاقىنىنا ەلەكتروندى حات ارقىلى ەسكەرتۋ جٸبەرەدٸ. وسىلايشا جاقىندارى ادامنىڭ جاعدايىن دەر كەزٸندە بٸلە الادى.
Sileme قازٸر App Store-دەگٸ ەڭ كٶپ جٷكتەلەتٸن اقىلى قوسىمشالاردىڭ كٶشٸن باستاپ تۇر. ەزٸرلەۋشٸلەردٸڭ ايتۋىنشا, سوڭعى كٷندەرٸ جٷكتەۋ سانى 100 ەسەدەن استام ارتقان.
قوسىمشانىڭ باعاسى 8 يۋان (شامامەن 586 تەڭگە). ينتەرفەيسٸ ٶتە قاراپايىم: وندا تەك بٸر عانا «بەلگٸلەۋ» باتىرماسى بار. جوبانى جاساۋشىلار Sileme-دٸ «جالعىزباستى ادامدارعا ارنالعان جەڭٸل قاۋٸپسٸزدٸك قۇرالى» دەپ سيپاتتايدى.
بۇل جوبانى ٷش جاس كەسٸپكەر دەربەس ستارتاپ رەتٸندە ٸسكە قوسقان. قوسىمشا قىتايدا تەز ارادا تانىمالدىلىققا يە بولىپ, ەلەۋمەتتٸك جەلٸلەردە قىزۋ تالقىلانىپ جاتىر. الايدا كەيبٸر قولدانۋشىلار اتاۋىنا نارازى. ولار سەرۆيستٸ Hupzheme («سەن تٸرٸسٸڭ بە?») دەپ ٶزگەرتۋدٸ ۇسىنادى.
سىن ايتقاندار قازٸرگٸ اتاۋ قىتايدىڭ مەدەني دەستٷرلەرٸنە قايشى دەپ سانايدى. دەگەنمەن, سەرۆيستٸڭ پايداسىن كٶپشٸلٸك جوققا شىعارمايدى. كٶپ ادام Sileme تەك قارتتار ٷشٸن ەمەس, جالعىز تۇراتىن جاستار ٷشٸن دە ماڭىزدى قۇرال ەكەنٸن اتاپ ٶتەدٸ.
جوبا كومانداسىنىڭ حابارلاۋىنشا, جاقىن ارادا SMS ارقىلى حابارلاندىرۋ جٸبەرۋ, ٸشكٸ حابارلاما الماسۋ جەنە ەگدە جاستاعى ادامدارعا ىڭعايلى فۋنكتسييالار ەنگٸزٸلۋٸ مٷمكٸن. سونىمەن قاتار ولار قوسىمشانىڭ اتاۋىن ٶزگەرتۋ تۋرالى ۇسىنىستاردى دا قاراستىرىپ جاتقانىن ايتتى.
