Freedom Finance Global ساراپشىلارى وتاندىق جانە امەريكالىق قور نارىقتارىنداعى جاعدايعا شولۋ جاسادى. ساراپشى دانيار ورازبايەۆ بىرنەشە وتاندىق كومپانيالار 2024 جىلعى ءىىى-توقسان بويىنشا وڭ كورسەتكىشتەرگە يە بولعانىن باسا اتاپ كورسەتەدى. ال ەلدار شاكەنوۆ قىس مەزگىلى الدىندا امەريكالىق قور نارىعىنا اسەر ەتكەن باستى وقيعا اقش پرەزيدەنتىنىڭ سايلاۋى بولعانىن ايتادى، دەپ حابارلايدى Dalanews.kz.
"KEGOC 2024 جىلدىڭ ءىىى توقسانىنىڭ قورىتىندىسىن جاريالادى، وعان سايكەس كومپانيا سوڭعى 12 ايدا رەكوردتىق تازا كىرىسكە كەڭەلگەن.
Kaspi.kz-نىڭ قارجىلىق جانە وپەراسيالىق كورسەتكىشتەرى دە ايتارلىقتاي ءوسىمدى كورسەتتى. سونىمەن قاتار، ءبىز كومپانيانىڭ تۇرىك نارىعىنا شىعۋ جوسپارىن ورتاشا وڭ باعالايمىز. ويتكەنى بۇل شەشىم الداعى بولاشاقتا ءوسىم قارقىنىن قولداۋدا بەلگىلى ءبىر ءرول اتقارا الادى.
تاعى ءبىر ۇمىتكەر - "تەلە2/التەل"ءموبيلدى وپەراتورىن ساتۋدان ۇلكەن قاراجاتقا يە "قازاقتەلەكوم" اق. بۇل اقشا ديۆيدەنت تولەۋگە، بورىشتى وتەۋگە جانە قايتا ينۆەستيسيا جاساۋعا جۇمسالادى دەپ ۇمىتتەنەمىز. ەستەرىڭىزدە بولسا، 20212 جىلى "كسەلل" اق-نى ساتقاننان كەيىن "قازاقتەلەكوم" اق ارنايى ديۆيدەندتەر تولەگەن بولاتىن"، دەپ Forbes.kz ساراپشى ءسوزىن كەلتىرەدى.
2024 جىلدىڭ ءىىى-توقسانىنداعى ەسەبى بويىنشا تاعى قانداي وتاندىق كومپانيالار جاقسى كورسەتكىشتەرگە يە بولدى؟
بۇل رەتتە Freedom Finance Global مىنا ۇشتىكتى اتايدى: "ەير استانا" اق (+38%)، "قازترانسويل" اق (+35%)، "KEGOC" اق (+20%).
بارىنەن وسى ماۋسىمداعى اكسياسىنىڭ باعاسى تارتىمدىسى – KEGOC-تىكى. 2024 جىلعى ەكىنشى جارتىجىلدىقتا كومپانيا جاقسى ديۆيدەنتتەر تولەيدى دەپ كۇتىلەدى. ونىڭ ۇستىنە، كومپانيا مونوپولياعا قارسى ورگاندارىنا تاريفتەردى قايتا قاراستىرۋدى ۇسىنىپ وتىرعان جايى بار. ونىڭ قازىرگى ۋاقىتتا باعا/پايدا ولشەمى 6،5 ەسە دەڭگەيگە جەتكەن، دەگەنمەن بۇل كورسەتكىش 2020 جىلى 8 - دەن 18 ەسە ارالىعىن قامتىعان ەدى.
ديۆيدەنتتەردى سانايىق
"ادەتتە، وتاندىق نارىقتا ديۆيدەندتەر كوكتەم مەن جاز كەزىندە تولەنەدى. دەگەنمەن كۇزدە دە تولەم جاساۋدى Kaspi.kz مەن KEGOC داستۇرگە اينالدىرعان. Kaspi.kzء-نىڭ ءبىر اكسياسى 850 تەڭگە تۇرادى، ادەتتە جىلىنا 4 رەت ديۆيدەنت تولەيدى. ال KEGOC اكسيونەرلەرىن جارتى جىلدا ءبىر رەت قۋانتادى جانە 2024 جىلدىڭ ءبىرىنشى جارتىجىلدىعىندا ءبىر اكسياعا 82،4 تەڭگە تولەدى، بۇل رەكوردتىق ماننەن ءسال عانا تومەن. بيىلعى كۇتپەگەن جەردەن "قازاقستان حالىق بانكى" اق ەكىنشى رەت ديۆيدەنت تولەگەلى جاتىر، ءبىر اكسياعا 9،57 تەڭگە تولەۋ جوسپارلانعان. بۇعان دەيىن مامىر ايىندا بانك اكسيونەرلەرى ءبىر اكسياعا 25،43 تەڭگەدەن العان بولاتىن"، - دەيدى ساراپشى دانيار ورازبايەۆ.
ەلدار شاكەنوۆ قىس مەزگىلى الدىندا امەريكالىق قور نارىعىنا اسەر ەتكەن باستى وقيعا اقش پرەزيدەنتىنىڭ سايلاۋى بولعانىن ايتادى. ول ETF قورلارىنا باسا ءمان بەرۋدى ۇسىنادى.
Financial Select Sector SPDR Fund (XLF)
قارجى سەكتورى. قارجى سالاسىنداعى رەتتەۋ مەن رەفورمالاردىڭ بوساڭسۋى بانكتەردىڭ، ساقتاندىرۋ كومپانيالارىنىڭ جانە اتالعان سەكتوردىڭ باسقا ينستيتۋتتارىنىڭ وسىمىنە ىقپال ەتۋى مۇمكىن. XLF وسى سالانىڭ نەگىزگى ويىنشىلارىنا ليبەرالدى ساياساتتان پايداعا كەڭەلۋگە بولاتىنىن مۇمكىندىكتەرگە جول اشادى.
Energy Select Sector SPDR Fund (XLE)
ەنەرگەتيكا. ەكولوگيالىق رەتتەۋدى وڭتايلاندىرۋ جانە مۇناي مەن گازدىڭ ىشكى ءوندىرىسىن ىنتالاندىرۋ جونىندەگى شارالار ەنەرگەتيكا سەكتورى ءۇشىن قولايلى جاعدايلار تۋدىرادى. XLE ۇزاق مەرزىمدى پەرسپەكتيۆادا پايداعا كەڭەلتۋگە مۇمكىن بەرەتىن جەتەكشى مۇناي-گاز كومپانيالارى اكسيالارىنا قول جەتكىزۋگە مۇمكىندىك بەرەدى.
iShares U.S. Aerospace & Defense ETF (ITA)
قورعانىس سەكتورى. اسكەري شىعىندار مەن ۇلتتىق قاۋىپسىزدىككە باعىتتالعان ينۆەستيسيالاردىڭ ۇلعايۋى اەروعارىش پەن قورعانىس سالاسىنداعى كومپانيالار اكسيالارىنىڭ تارتىمدىلىعىن ارتتىرادى. ITA وسى سالانىڭ كوشباسشى كومپانيالارىنا ينۆەستيسيا سالۋعا مۇمكىندىك بەرەدى.
iShares Russell 2000 ETF (IWM)
شاعىن كومپانيالار. رەتتەۋ شارالارى جانە ىشكى ەكونوميكالىق وسىمگە باسا نازار اۋدارۋ شاعىن كومپانيالار ءۇشىن قولايلى ورتا تۋدىرادى. IWM وسىنداي كومپانيالاردىڭ قاعازىنا قول جەتكىزۋگە مۇمكىندىك بەرەتىن Russell 2000 يندەكسىنىڭ ديناميكاسىن باقىلايدى.
SPDR S&P Metals and Mining ETF (XME)
مەتالدار جانە تاۋ-كەن ونەركاسىبى. بولات پەن اليۋمينيي يمورتىنا تاريفتەر ەنگىزۋ امەريكالىق ءوندىرىس ورىندارىنا قولداۋ بولا الادى. XME وسىنداي ساياساتتان پايداعا كەڭەلە الاتىن مەتاللۋرگيا جانە تاۋ-كەن كومپانيالارىنا نازار اۋدارۋدى ۇسىنادى.
SPDR Gold Shares (GLD)
التىن. التىن باعاسىنىڭ ىقتيمال ءوسىمى سالىقتىق جەڭىلدىكتەر مەن مەملەكەتتىك شىعىنداردىڭ كوبەيۋى سالدارىنان اقش-تىڭ مەملەكەتتىك قارىزىنىڭ تاعى ارتا ءتۇسۋى اياسىندا بولادى. مۇنداي جاعدايلاردا ينۆەستورلار ءداستۇرلى تۇردە التىن سىندى قورعانىس اكتيۆتەرىن ساتىپ الا باستايدى.
