قىرىم اۋماعىندا جوسپارلى ۇشۋدى ورىنداپ جۇرگەن ان-26 اسكەري-تاسىمالداۋ ۇشاعى اپاتقا ۇشىراپ، 29 ادام قازا تاپتى، دەپ حابارلايدى Dalanews.kz.
الدىن الا مالىمەت بويىنشا، قازا تاپقانداردىڭ التاۋى - ەكيپاج مۇشەلەرى، قالعان 23 ادام - ۇشاقتاعى جولاۋشىلار. اۋە كەمەسىمەن بايلانىس 31 ناۋرىز كۇنى كەشكى ۋاقىتتا، شامامەن ساعات 18:00-دە ۇزىلگەن. ءبىراز ۋاقىتتان كەيىن قۇتقارۋ قىزمەتتەرى ۇشاقتىڭ قۇلاعان ورنىن انىقتاعان.
ماماندار اپاتقا سىرتقى اسەر بولعانىن راستايتىن ەشقانداي بەلگى جوق ەكەنىن مالىمدەدى. قازىرگى تاڭدا نەگىزگى نۇسقا رەتىندە تەحنيكالىق اقاۋ قاراستىرىلىپ جاتىر.
وقيعانىڭ ناقتى سەبەپتەرى ارنايى تەكسەرىستەن كەيىن بەلگىلى بولادى.
