بىشكەكتە قازاقستاندىق جانە قىرعىزستاندىق ازاماتتاردى الداپ كەلگەن الاياق كولل-ورتالىق اشكەرەلەندى، دەپ حابارلايدى Dalanews.kz.
بۇل تۋرالى قىرعىزستاننىڭ مەملەكەتتىك ۇلتتىق قاۋىپسىزدىك كوميتەتىنە مالىمدەدى.
تەرگەۋ مالىمەتىنشە، ورتالىق قازاقستان ازاماتتارىنىڭ باسقارۋىمەن جۇمىس ىستەگەن. وپەراتورلار نەگىزىنەن قارت ادامدارعا پسيحولوگيالىق قىسىم كورسەتىپ، ولاردى بيولوگيالىق بەلسەندى قوسپالار مەن تۇرمىستىق تەحنيكالار ساتىپ الۋعا ماجبۇرلەگەن.
كەيىن لوتەرەيا بيلەتتەرىن ساتىپ الىپ، اقشالارىن ارنايى شوتتارعا اۋدارسا، ۇتىسقا يە بولۋ مۇمكىندىگىن ارتتىرامىز دەپ الداعان.
كولل-ورتالىق سالىق ورگاندارىندا تىركەلمەگەنى انىقتالدى.
الاياقتار قوڭىراۋ شالۋ ءۇشىن قازاقستان اۋماعىندا ورنالاسقان سەرۆەرلەر ارقىلى جۇمىس ىستەيتىن “Baribarda” IP-تەلەفونيا جۇيەسىن قولدانعان. مۇقك اتالعان قۇرىلىمنىڭ ۇيىمداسقان قىلمىستىق سحەما بەلگىلەرىنە يە ەكەنىن جانە ونىڭ قىزمەتى مەملەكەتارالىق دەڭگەيدە جۇرگەنىن اتاپ ءوتتى.
ارنايى وپەراسيا بارىسىندا 43 قىزمەتكەر، ونىڭ ىشىندە ءتورت كامەلەتكە تولماعان ادام ۇستالدى. ءتىنتۋ كەزىندە ونداعان تەلەفون، نوۋتبۋك جانە ءتۇرلى قۇجاتتار تاركىلەندى.
