Bishkekte qazaqstandyq jáne qyrǵyzstandyq azamattardy aldap kelgen alaıaq koll-ortalyq áshkerelendi, dep habarlaıdy Dalanews.kz.

Bul týraly Qyrǵyzstannyń Memlekettik Ulttyq qaýipsizdik komıtetine málimdedi.

Tergeý málimetinshe, ortalyq Qazaqstan azamattarynyń basqarýymen jumys istegen. Operatorlar negizinen qart adamdarǵa psıhologıalyq qysym kórsetip, olardy bıologıalyq belsendi qospalar men turmystyq tehnıkalar satyp alýǵa májbúrlegen.

Keıin lotereıa bıletterin satyp alyp, aqshalaryn arnaıy shottarǵa aýdarsa, utysqa ıe bolý múmkindigin arttyramyz dep aldaǵan.

Koll-ortalyq salyq organdarynda tirkelmegeni anyqtaldy.

Alaıaqtar qońyraý shalý úshin Qazaqstan aýmaǵynda ornalasqan serverler arqyly jumys isteıtin “Baribarda” IP-telefonıa júıesin qoldanǵan. MUQK atalǵan qurylymnyń uıymdasqan qylmystyq shema belgilerine ıe ekenin jáne onyń qyzmeti memleketaralyq deńgeıde júrgenin atap ótti.

Arnaıy operasıa barysynda 43 qyzmetker, onyń ishinde tórt kámeletke tolmaǵan adam ustaldy. Tintý kezinde ondaǵan telefon, noýtbýk jáne túrli qujattar tárkilendi.