قىرعىزستاندا Forbes تىزىمىندەگى قازاقستاندىق كاسىپكەر ۆلاديمير جۇمانبايەۆقا قاتىستى قىلمىستىق ءىس توقتاتىلدى، - دەپ حابارلايدى Dalanews.kz.
19 ماۋسىمدا كاسىپكەر قىرعىزستانعا بارىپ، جەدەل-تەرگەۋ ءىس-شارالارىنا قاتىسقان.
"بۇرىن تاعىلعان ايىپتار ۇيىمداسقان قىلمىستىق توپ قىزمەتىنە جانە قارجىلاندىرۋعا قاتىسپاۋىنا بايلانىستى الىنىپ تاستالدى. جۇمابايەۆقا قاتىستى سوتقا دەيىنگى ءىس جۇرگىزۋ توقتاتىلدى"،- دەلىنگەن قىرعىزستاننىڭ مەملەكەتتىك ۇلتتىق قاۋىپسىزدىك كوميتەتىنىڭ حابارلاماسىندا. 5 ماۋسىمدا قىرعىزستاننىڭ مەملەكەتتىك ۇلتتىق قاۋىپسىزدىك كوميتەتى Kazakhmys Holding ج ش س توپ-مەنەدجەرى مەن "التىن الماس"، "قاراجىرا" اكسيونەرى جۇمانبايەۆقا ىزدەۋ جاريالانعانى تۋرالى اقپارات تاراتقان بولاتىن. حابارلامادا ونىڭ قامشىبەك اسانبەكتىڭ (كولبايەۆ) ۇيىمداسقان قىلمىستىق توبىن قارجىلاندىردى دەگەن كۇدىككە ىلىنگەنى ايتىلدى. "قازاقمىس" كورپوراسياسىنداعىلار بۇل اقپاراتتى بىردەن جوققا شىعاردى.
Forbes.kz مالىمەتىنشە، ۆلاديمير جۇمانبايەۆ 75 ەڭ باي قازاقستاندىقتىڭ ىشىندە 25ء-شى ورىندا. ونىڭ بايلىعى 365 ميلليون دوللار دەپ باعالانعان.
