2025 جىلعى 21 ماۋسىمدا الماتى وبلىسى، كەگەن اۋدانىنىڭ كورىكتى قارقارا جايلاۋىندا وتكەن «قىمىزمۇرىندىق-2025» مادەني شاراسى مەن «جولان جۇيرىگى» رەسپۋبليكالىق ات بايگەسى ەل جادىندا رۋحاني باي مەرەكە رەتىندە ساقتالادى. وسىلايشا اتا ءداستۇر مەن ۇلتتىق سپورتتى جاڭعىرتقان اۋقىمدى ءىس-شاراعا 10 مىڭنان استام كورەرمەن جينالدى،- دەپ حابارلايدى Dalanews.kz

ات بايگەسىنە ەلىمىزدىڭ تۇكپىر-تۇكپىرىنەن جانە قىرعىز رەسپۋبليكاسىنان كەلگەن 150-گە جۋىق جۇيرىك قاتىسىپ، قۇنان بايگە (9 كم)، توپ بايگە (18 كم) جانە الامان بايگە (31 كم) بويىنشا ب ا ق سىنادى. جۇلدە قورى – ەكى Changan كروسسوۆەرى جانە ميلليونداعان تەڭگە اقشالاي سىيلىقتار.

الامان بايگە (31 كم) جەڭىمپازدارى:

• 🥇 ايبالتا – مەيىر داۋلەتباي (قورداي) | Changan كولىگى

• 🥈 قاراگەر – ماناس زاميربەكوۆ (قىرعىزستان) | 2،5 ملن ₸

• 🥉 وتىرار – ارىستانبەك اڭسار (بالقاش) | 1 ملن ₸

• 4-ورىن: جەتىسۋ – ح. مارلان ۇلى | 500 000 ₸

• 5-ورىن: اقپان – س. باقتىباي | 300 000 ₸

توپ بايگە (18 كم) جەڭىمپازدارى:

• 🥇 قالقامان – امانگەلدى نۇريسلام (تالعار) | Changan كولىگى

• 🥈 مامايقارا – م. عاريپۋللين | 1 ملن ₸

• 🥉 مەرسەدەس – ر. تىلەۋباي | 700 000 ₸

• 4-ورىن: كوكجال – ا. سامات ۇلى | 500 000 ₸

• 5-ورىن: ال-ناسر – ە. جارقىن | 300 000 ₸

قۇنان بايگە (9 كم) جەڭىمپازدارى:

• 🥇 روكي – ا. بولوتبەكوۆ (قىرعىزستان) | 2 ملن ₸

• 🥈 ايباتىر – ا. سەيتبوتقالوۆ | 1 ملن ₸

• 🥉 بويتۇمار – ا. ءامىرتاي | 500 000 ₸

• 4-ورىن: كوكبالاق – س. يرينات | 300 000 ₸

• 5-ورىن: قايتپاس قارا – ن. احمەتجان | 200 000 ₸

ات جارىسىمەن قاتار ۇلتتىق سپورت تۇرلەرىنەن سايىستار ۇيىمداستىرىلىپ، ەل مەرەيىن ۇستەم ەتتى:

«تولاعاي» سايىسى:

• 🥇 ازامات ماكۋلبەكوۆ (ارىس) | 1 000 000 ₸

• 🥈 ەركىن ينكين (ىلە) | 600 000 ₸

• 🥉 جانات ماۋتان (استانا) | 400 000 ₸

قازاق كۇرەسى:

• 🥇 ب. ءانۋار ۇلى (كەگەن) | 300 000 ₸

• 🥈 ا. بايعازى | 200 000 ₸

• 🥉 ج. جۇماباي | 100 000 ₸

قوشقار كوتەرۋ:

ايدىن نۇعىمانوۆ – 120 كەلى قوشقاردى 30 رەت كوتەرىپ، كوپشىلىكتى ءتانتى ەتتى.

ارقان تارتۋ:

• 🥇 قازاق كۇرەسى كومانداسى | 50 000 ₸

• 🥈 تۇيىق كومانداسى | 30 000 ₸

• 🥉 سۇمبە كومانداسى | 20 000 ₸

بارلىق جۇلدەگەرلەرگە ديپلوم، مەدال، كۋبوك جانە اقشالاي سىيلىقتار تابىستالدى.

ەسكە سالايىق، مەرەكەگە انالار كەڭەسىنىڭ ءتورايىمى نازيپا شاناي باستاعان دەلەگاسيا، ق ر پارلامەنتى ءماجىلىسىنىڭ دەپۋتاتى جاناربەك ءاشىمجانوۆ، قىرعىزستاننان قوناقتار جانە ەلگە بەلگىلى تۇلعالار قاتىستى. شارادا 1 توننا قىمىز تەگىن تاراتىلىپ، قىمىز دايىنداۋ تەحنولوگياسى كورسەتىلدى. ەتنواۋىل اتموسفەراسىن تەاترلاندىرىلعان كورىنىس، ۇلتتىق كيىز ۇيلەر، قولونەر كورمەلەرى تولىقتىردى.

ساحنادا ق ر جانە قىرعىزستاننىڭ حالىق ءارتىسى التىنبەك قورازبايەۆ، نۇربولات ابدۋللين، بەيبىت قورعان، «ءسۇيىنباي سازى»، «توپجارعان» سەكىلدى ونەرپازدار ءان مەن جىردان شاشۋ شاشتى.

يۋنەسكو-نىڭ ماتەريالدىق ەمەس مادەني مۇرا تىزىمىنە ەنگەن «قىمىزمۇرىندىق» – ۇرپاق تاربيەسى مەن رۋحاني جاڭعىرۋدىڭ ايناسى. بۇل مەرەكە جاستارعا ءسالت-داستۇردى ۇيرەتىپ، ۇلتتىق بولمىسىمىزدىڭ نەگىزىن قايتا جاڭعىرتتى.