قىلمىس الەمىنىڭ سەركەسى “سەرىك گولوۆا“ قايتىس بولدى، - دەپ حابارلايدى Dalanews.kz.
سەرىك جامانايەۆ ونكولوگيادان ەمدەلىپ جاتقان اۋرۋحانادا كوز جۇمعان. جامانايەۆ 2024 جىلى جەلتوقساندا تۇزەۋ مەكەمەسىنە اۋىستىرىلعان.
"كەلگەننەن كەيىن ول بىردەن تولىق مەديسينالىق تەكسەرىستەن ءوتتى. دياگنوز - باۋىر ونكولوگياسى، ءۇشىنشى ساتىسى. سول ساتتەن باستاپ ول دارىگەرلەردىڭ ۇنەمى باقىلاۋىندا بولدى. سوتتالعان ادام تەكسەرىستەن ءوتۋ جانە ەمدەلۋ ءۇشىن بىرنەشە رەت مەديسينالىق مەكەمەلەرگە جەتكىزىلدى. 8 ساۋىردە ول كوپسالالى ونكولوگيالىق اۋرۋحاناعا جاتقىزىلدى. قابىلدانعان شارالارعا قاراماستان 25 ساۋىردە كوز جۇمدى"، - دەپ جازىلعان سولتۇستىك قازاقستان وبلىسىنىڭ قاجد حابارلاماسىندا.
ءقازىر تەكسەرىس جۇرگىزىلىپ جاتىر.
سەرىك جامانايەۆ "سەرىك گولوۆا" لاقاپاتىمەن بەلگىلى. ول 2021 جىلدىڭ باسىندا 19 جىلعا باس بوستاندىعىنان ايىرىلعان. سوت ۇكىمىنە سايكەس، ول جازاسىنىڭ 14 جىلىن اسا قاتاڭ رەجيمدەگى، ال قالعان 5 جىلىن قاتاڭ رەجيمدەگى تۇزەۋ مەكەمەسىندە وتەۋگە ءتيىس بولاتىن.
وعان ۇيىمداسقان قىلمىستىق توپ قۇردى دەگەن ايىپ تاعىلعان. پروكۋروردىڭ مالىمەتىنشە، ونىڭ توبى جاساعان ارەكەتتەردىڭ سالدارىنان ءبىر ادامنىڭ ولىمىنە اكەپ سوققان وقيعا بولعان.
