Qylmys áleminiń serkesi “Serik Golova“ qaitys boldy, - dep habarlaidy Dalanews.kz.
Serik Jamanaev onkologiiadan emdelip jatqan aýrýhanada kóz jumǵan. Jamanaev 2024 jyly jeltoqsanda túzeý mekemesine aýystyrylǵan.
"Kelgennen keiin ol birden tolyq meditsinalyq tekseristen ótti. Diagnoz - baýyr onkologiiasy, úshinshi satysy. Sol sátten bastap ol dárigerlerdiń únemi baqylaýynda boldy. Sottalǵan adam tekseristen ótý jáne emdelý úshin birneshe ret meditsinalyq mekemelerge jetkizildi. 8 sáýirde ol kópsalaly onkologiialyq aýrýhanaǵa jatqyzyldy. Qabyldanǵan sharalarǵa qaramastan 25 sáýirde kóz jumdy", - dep jazylǵan Soltústik Qazaqstan oblysynyń QAJD habarlamasynda.
Qazir tekseris júrgizilip jatyr.
Serik Jamanaev "Serik Golova" laqapatymen belgili. Ol 2021 jyldyń basynda 19 jylǵa bas bostandyǵynan aiyrylǵan. Sot úkimine sáikes, ol jazasynyń 14 jylyn asa qatań rejimdegi, al qalǵan 5 jylyn qatań rejimdegi túzeý mekemesinde óteýge tiis bolatyn.
Oǵan uiymdasqan qylmystyq top qurdy degen aiyp taǵylǵan. Prokýrordyń málimetinshe, onyń toby jasaǵan áreketterdiń saldarynan bir adamnyń ólimine ákep soqqan oqiǵa bolǵan.
