ەنشٸ ەرٸ پروديۋسەر مٶلدٸر مۇقانوۆا تۇرمىستىق زورلىق-زومبىلىقتان زارداپ شەككەن ەيەلدەرگە ارناپ "سولعان گٷل" اتتى ەن شىعاردى, دەپ حابارلايدى dalanews.kz.
ٶنەر يەسٸ جاڭا تۋىندىسىن قوعامداعى اۋىر وقيعالاردان كەيٸن ەلگە دەمەۋ, جاپا شەككەن جاندارعا جۇبانىش بولسىن دەگەن نيەتپەن ۇسىنعانىن ايتتى.
مٶلدٸر مۇقانوۆا ەلەۋمەتتٸك جەلٸدەگٸ جازباسىندا بۇل تاقىرىپتى بٸرەۋدٸڭ قايعىسىن پايدالانىپ تانىمال بولۋ نەمەسە قانداي دا بٸر ادامنىڭ ٶلٸمٸنە قاتىستى ايىپ تاعۋ ماقساتىندا كٶتەرمەگەنٸن اتاپ ٶتتٸ.
"مەنٸڭ بۇل جازبام – بٸرەۋدٸڭ ٶمٸرٸنەن حايپ تابۋ نەمەسە بٸرەۋدٸڭ ٶلٸمٸنە ايىپ تاعۋ ەمەس. مەن جىلاعاندا ەل جۇباتتى, ەل جىلاعاندا مەن جۇباتپايمىن با?" – دەپ جازدى ەنشٸ.
"سولعان گٷل" ەنٸنٸڭ سٶزٸ مەن ەۋەنٸن ەربولات قاراقويشى جازعان. تۋىندىنى مٶلدٸر مۇقانوۆا ورىندادى.
ەنگە تٷسٸرٸلگەن بەينەجازبادا تۇرمىستىق زورلىق-زومبىلىق قۇربانى بولعان سالتانات نٷكەنوۆا مەن مادينا راشيدوۆانىڭ, سونداي-اق ادام ۇرلاۋ قۇربانى نۇراي سەرٸكبايدىڭ سۋرەتتەرٸ پايدالانىلعان.
تۋىندىنىڭ مەتٸنٸندە زورلىق كٶرگەن ەيەلدەردٸڭ اۋىر تاعدىرى سۋرەتتەلەدٸ. ەندە «قييانات كٶردٸڭ بە قابىرعاڭنان», «جانىم دەپ جٷرگەندەر جانىڭدى العان» دەگەن جولدار كەزدەسەدٸ.
مٶلدٸر مۇقانوۆا بۇل شىعارماسى ارقىلى زورلىق-زومبىلىقتان زارداپ شەككەن ەيەلدەردٸڭ تاعدىرىنا قوعام نازارىن اۋدارۋدى كٶزدەگەن.
