- كونكۋرس شارتتارىندا 3 جىلدان استام ۋاقىت (38 اي) بويى جوو-نىڭ 44 وبەكتىسىنە، دالىرەك ايتقاندا، الاڭى 78،0 گا 4 جەر ۋچاسكەسىندەگى 16 جاتاقحانا (100،0 مىڭ م2)، 24 وقۋ جانە اكىمشىلىك عيماراتىنا (253،0 مىڭ م2)، سونداي-اق ەلەكترمەن جابدىقتاۋ جەلىلەرىنە – 12 قوسالقى ستانسيا جانە 58 كم.كابەل، سۋمەن جابدىقتاۋ مەن جىلىتۋ (15،7 كم) قىزمەتتەرىن كورسەتۋ كوزدەلگەن. مۇنداي ۇلكەن مۇلىكتىك كەشەننىڭ جۇمىس ىستەۋىن قامتاماسىز ەتۋ ءتيىستى قارجىلىق شىعىنداردى تالاپ ەتەدى.
- جوو-نىڭ بارلىق ينفراقۇرىلىمىن قامتاماسىز ەتۋ جىل سايىن 3،4 ملرد.تەڭگەنى قاجەت ەتەدى، ءبىر وبەكتىگە ەسەپتەگەندە – ورتا ەسەپپەن 77،2 ملن. تگ. وعان 680 قىزمەتكەردىڭ جالاقىسى، ءورت ءسوندىرۋ جۇيەلەرىنە قىزمەت كورسەتۋ، كوگالداندىرۋ، اعىمداعى جوندەۋ، دەزينفەكسيالاۋ، مامانداندىرىلعان ۇيىمداردىڭ قىزمەتتەرى، كونديسيونەرلەر، ليفتىلەرگە قىزمەت كورسەتۋ، جيناۋ تەحنيكاسىن جالعا الۋ جانە ت.ب. شىعىستار كىرەدى. كورسەتىلگەن شىعىندار قۇنى ەلىمىزدەگى ورتاشا باعاعا سايكەس كەلەدى.
- قازۇۋ قىزمەتىنىڭ باستى باعىتتارى بىلىكتى كادرلار دايارلاۋ مەن عىلىمي زەرتتەۋلەر جۇرگىزۋ بولىپ تابىلادى. جوو-دا 3000-عا جۋىق وپق مەن عىلىمي قىزمەتكەرلەر جۇمىس ىستەيدى، 26000 ستۋدەنت وقيدى. قازۇۋ جارعىسىندا ايقىندالعانداي، ۋنيۆەرسيتەت وزىنە ءتان ەمەس فۋنكسيالاردى ورىنداماۋى ءتيىس.
- بۇكىل الەمدەگى تابىستى ۋنيۆەرسيتەتتەر مەن كومپانيالار قىزمەتىنىڭ تاجىريبەسى كاسىپورىن قىزمەتىنىڭ بەيىندى ەمەس تۇرلەرىن اۋتسورسينگكە بەرۋدىڭ ەكونوميكالىق تيىمدىلىگىن دالەلدەپ وتىر. شىعىستاردى وڭتايلاندىرۋ جونىندەگى شارالاردى ىسكە اسىرۋ قازۇۋ-عا جىل سايىنعى شىعىندى 20%-عا دەيىن ۇنەمدەۋگە مۇمكىندىك بەرەدى جانە قىزمەت كورسەتۋ ساپاسىن ارتتىرادى.
ءال-فارابي اتىنداعى قازۇۋ-دىڭ باسپا ءسوز قىزمەتى
