ءىس-شارا IEEE – ەلەكتروتەحنيكا جانە ەلەكترونيكا ينجەنەرلەرى ينستيتۋتىنىڭ، اتاپ ايتقاندا IEEE Women in Engineering (WIE)- IEEE مۇشەلەرى مەن ەرىكتىلەرىنىڭ جاھاندىق جەلىسىنىڭ قولداۋىمەن ۇيىمداستىرىلدى.
تاجىريبەلىك سەمينارعا بەلگىلى ايەل عالىم-زەرتتەۋشىلەر، ينجەنەرلىك سالا باسشىلارى، دوكتورانتتار مەن ماگيسترانتتار، ءوندىرىس وكىلدەرى قاتىستى. كەزدەسۋدە ءال-فارابي اتىنداعى قازۇۋ-دىڭ عىلىمي-يننوۆاسيالىق قىزمەت جونىندەگى پرورەكتورى ءجاميلا ايتجانوۆا اتالعان شارانىڭ ينجەنەريا مەن عىلىم سالاسىنداعى ايەلدەردىڭ مۇمكىندىگىن ارتتىرىپ، اكادەميالىق بىلىمدەرىن جەتىلدىرۋگە، مامان رەتىندە قالىپتاسىپ، دامۋىنا ارنالعانىن اتاپ ءوتتى.
«قازۇۋ بۇۇ تۇراقتى دامۋىنىڭ 17 ماقساتىن، اتاپ ايتقاندا تدم 5 – گەندەرلىك تەڭدىكتى بەلسەندى جۇزەگە اسىرۋدا. بۇگىندە قازۇۋ-دا 5107 ادام جۇمىس ىستەيدى، ونىڭ 3483ء-ى ايەلدەر قاۋىمى. ۋنيۆەرسيتەتتە ينجەنەرلىك ماماندىقتار بويىنشا 2000 ستۋدەنت وقيدى، ونىڭ 838ء-ى قىز بالالار. شەبەرلىك ساباق اياسىندا زەرتتەۋشىلەر، عالىمدار مەن سالا ماماندارى ينجەنەريانىڭ ءتۇرلى سالالارىنداعى ايەلدەرگە قاتىستى ماسەلەلەر بويىنشا تاجىريبە الماساتىن بولادى»، – دەدى پرورەكتور ج.ايتجانوۆا.
جيىندا ءسوز سويلەگەن ليسسابون ۋنيۆەرسيتەتتىك ينستيتۋتىنىڭ اقپاراتتىق عىلىمدار جانە تەحنولوگيالار سالاسىنداعى PhD باعدارلاماسىنىڭ ديرەكتورى، پورتۋگاليادا IEEE Instrumentation & Measurement Society قاۋىمداستىعىنىڭ جەتەكشىسى، پروفەسسور وكتاۆيان ا.پوستولاكە ءسوز سويلەپ، ايەلدەردىڭ عىلىم مەن قوعامداعى ەرەكشە ءرولى مەن ۇلكەن الەۋەتىنە توقتالدى.
وتىرىس بارىسىندا قاتىسۋشىلار ينجەنەريانىڭ ءارتۇرلى سالالارىنداعى ايەل زەرتتەۋشىلەردىڭ باياندامالارى تىڭدالدى. قازاقستان-بريتان تەحنيكالىق ۋنيۆەرسيتەتىنىڭ پروفەسسورى پاكيزار شاموي «كەدەرگىلەردى ەڭسەرۋ: ينجەنەرلىك سالاداعى ايەلدەر – پروبلەمالار مەن مۇمكىندىكتەر» تاقىرىبىنداعى بايانداماسىندا گەندەرلىك تەڭدىككە قاتىستى وزەكتى ماسەلەلەردى تالدادى.
ءال-فارابي اتىنداعى قازۇۋ-دىڭ بيوفيزيكا، بيومەديسينا جانە نەيروعىلىم كافەدراسىنىڭ مەڭگەرۋشىسى، پروفەسسور الميرا قۇستىبايەۆا «مي ىسىكتەرى بار ناۋقاستاردا كوگنيتيۆتى فۋنكسيالاردى كارتاعا ءتۇسىرۋ ءۇشىن فۋنكسيونالدى مرت» تاقىرىبىندا بايانداما جاسادى. ايتا كەتۋ كەرەك، الميرا مەلس قىزى JFDP (اقش)، Tempus (ۇلىبريتانيا)، Fulbright (اقش) گرانتتارى جانە ق ر پرەزيدەنتىنىڭ گرانتى بويىنشا فينليانديانىڭ تۋركۋ قالاسىندا تاعىلىمدامادان ءوتتى. اعىمداعى جىلى پروفەسسور ا.قۇستىبايەۆا قازۇۋ جانىنان تانىمدىق نەيروعىلىم ورتالىعىن قۇردى.
شەبەرلىك ساباق اياسىندا وتكەن ينتەراكتيۆتى سەسسيالاردا قاتىسۋشىلار كەلىسسوزدەردىڭ ءتيىمدى ادىستەرى مەن جەلىلىك عىلىمي بايلانىستاردى جاقسارتۋ جانە ينجەنەرلىك سالاعا قاتىستى وزەكتى ماسەلەلەردى تالقىلادى.
بىرلەسكەن ءىس-شارانى ءال-فارابي اتىنداعى قازۇۋ، نازاربايەۆ ۋنيۆەرسيتەتى، IEEE Women in Engineering in Kazakhstan قاۋىمداستىعى بىرلەسىپ ۇيىمداستىردى.
ءال-فارابي اتىنداعى قازۇۋ-دىڭ باسپا ءسوز قىزمەتى
