كٶرمەدە قىتايدىڭ 45-كە جۋىق ەڭ ٷزدٸك ۋنيۆەرسيتەتٸ اكادەمييالىق قىزمەتٸ تۋرالى اقپارات بەرٸپ, عىلىمي جەتٸستٸكتەرٸمەن بٶلٸستٸ. سونداي-اق بٸلٸم الۋشى جاستارعا حالىقارالىق باعدارلامالار ارقىلى وقۋعا تٷسۋ مٷمكٸندٸكتەرٸن تانىستىرىپ, قابىلداۋ ەرەجەلەرٸن تٷسٸندٸردٸ.
كٶرمەنٸڭ اشىلۋىنا قر پرەزيدەنتٸنٸڭ كەڭەسشٸسٸ مەلٸك وتارباەۆ, قر عىلىم جەنە جوعارى بٸلٸم ۆيتسە-مينيسترٸ دارحان احمەت-زاكي, قىتاي ستيپەندييالىق كەڭەسٸ باس حاتشىسىنىڭ ورىنباسارى تيان لۋلۋ, قحر-دىڭ الماتىداعى باس كونسۋلى تسزيان ۆەي, ەل-فارابي اتىنداعى قازۇۋ-دىڭ باسقارما تٶراعاسى – رەكتورى جانسەيٸت تٷيمەباەۆ, قازۇۋ ديرەكتورلار كەڭەسٸنٸڭ تٶراعاسى قايرات مەمي, قىتاي جەنە قازاقستان جوو-لارىنىڭ باسشىلارى مەن بٸلٸم الۋشى جاستار قاتىستى.
قر پرەزيدەنتٸنٸڭ كەڭەسشٸسٸ مەلٸك وتارباەۆ مەملەكەت باسشىسى قاسىم-جومارت توقاەۆتىڭ قۇتتىقتاۋىن جەتكٸزٸپ, شارانىڭ تابىستى ٶتۋٸنە تٸلەكتەستٸك بٸلدٸردٸ. «قازاقستان مەن قىتاي مەملەكەتارالىق تىعىز قارىم-قاتىناس پەن حالىقارالىق بايلانىستىڭ جاڭا دەڭگەيٸنە قادام باستى.
مەملەكەت باسشىسى اعىمداعى جىلى قىتايعا ەكٸ رەت رەسمي ساپارمەن بارىپ, بٸرقاتار كەلٸسٸمدەرگە قول جەتكٸزدٸ. پرەزيدەنت ٶز سٶزٸندە اتاپ ٶتكەندەي, بٷگٸنگٸ تاڭدا ەكٸ ەل اراسىندا ىنتىماقتاستىقتىڭ التىن 30 جىلدىعى باستالدى.
ساۋدا-ساتتىق, مۇناي-گاز, كٶلٸك-ترانزيت جەنە جوعارى تەحنولوگييا سالالارىنداعى جان-جاقتى ىقپالداستىق ارتىپ جاتىر. سونىڭ ٸشٸندە عىلىم جەنە جوعارى بٸلٸم سالاسىندا بٸرلەسكەن ينۆەستيتسييالىق جوبالار جٷزەگە اسىرىلۋدا», – دەدٸ مەلٸك وتارباەۆ.
ٶز كەزەگٸندە دارحان احمەت-زاكي قر عىلىم جەنە جوعارى بٸلٸم مينيسترٸ ساياسات نۇربەكتٸڭ قۇتتىقتاۋ حاتىن وقىپ بەردٸ. قۇتتىقتاۋ حاتتا: «قازٸرگٸ تاڭدا جوعارى بٸلٸم بەرۋ سالاسىندا قىتاي مەن قازاقستان سەرٸكتەستٸگٸ تاريحي مٷمكٸندٸكتەرگە, كەڭ جەنە كەلەشەگٸ زور جوبالارعا تولى. بٷگٸنگٸ قارا شاڭىراق قازۇۋ-دا ٶتٸپ جاتقان كٶرمە وسىنىڭ ايقىن كٶرٸنٸسٸ. ۇيىمداستىرىلعان كٶرمە عىلىم مەن بٸلٸم بەرۋدٸ دامىتۋدا دا ٷلكەن ماڭىزعا يە. سونداي-اق قوس مەملەكەت اراسىندا ستۋدەنتتەر الماسۋعا, تەجٸريبەمەن بٶلٸسۋگە مٷمكٸندٸك بەرەدٸ», – دەلٸنگەن.
جيىندا ەل-فارابي اتىنداعى قازۇۋ-دىڭ باسقارما تٶراعاسى – رەكتورى جانسەيٸت تٷيمەباەۆ سٶز سٶيلەپ, قىتاي ۋنيۆەرسيتەتتەرٸ كٶرمەسٸنٸڭ قازۇۋ-دا ٶتۋٸ قازاقستاننىڭ بٸلٸم, عىلىم سالاسىنداعى ەلەۋلٸ وقيعا ەكەنٸن اتاپ ٶتتٸ. «قازٸرگٸ تاڭدا قازۇۋ قىتايدىڭ 51 جوعارى وقۋ ورنىمەن سەرٸكتەستٸك ورناتىپ, تىعىز جۇمىس ٸستەۋدە.
مەملەكەت باسشىسى قاسىم-جومارت توقاەۆتىڭ قىتايعا رەسمي ساپارى اياسىندا وقۋ ورداسىندا سولتٷستٸك-باتىس پوليتەحنيكالىق ۋنيۆەرسيتەتٸنٸڭ فيليالىن اشۋ جٶنٸندە كەلٸسٸمگە قول جەتكٸزٸلدٸ. اعىمداعى جىلدىڭ قازان ايىندا اتالعان فيليال اشىلىپ, جۇمىسىن باستادى.
ماقسات – عىلىمي باعىتتا بٸرلەسٸپ زەرتتەۋ جۇمىستارىن جٷرگٸزۋ, ستۋدەنت دايارلاۋ جەنە وقىتۋشىلار الماسۋ. قازۇۋ قىتاي ۋنيۆەرسيتەتتەرٸمەن بايلانىستى جانداندىرۋعا جەنە نىعايتۋعا باعىتتالعان بارلىق جۇمىستاردى جالعاستىرا بەرەدٸ», – دەدٸ رەكتور جانسەيٸت قانسەيٸتۇلى.
شارا بارىسىندا ستيپەندييالىق كەڭەسٸ باس حاتشىسىنىڭ ورىنباسارى تيان لۋلۋ قىتاي جوو-لارىنىڭ سوڭعى ونجىلدىقتاعى جەتٸستٸكتەرٸن تانىستىردى. «بٸلٸم مەن عىلىم ٶركەندەسە, ەل ٶركەندەيدٸ.
سوڭعى جىلدارداعى كٶرسەتكٸش بويىنشا قىتاي – جاراتىلىستانۋ باعىتى بويىنشا ەلەمدە كٶشباسشى مەملەكەت. سونىمەن قاتار قىتاي جوعارى وقۋ ورىندارىنىڭ ساپاسى مەن بٸلٸم بەرۋ ەدٸستەرٸ بۇرىنعى نەتيجەلەرمەن سالىستىرعاندا ەدەۋٸر جوعارىلادى. شەتەلدٸك ستۋدەنتتەردٸ تارتۋ بويىنشا دا قىتاي الدىڭعى ورىندا تۇر», – دەدٸ.
كٶرمەنٸڭ اشىلۋ سالتاناتىندا قحر-دىڭ الماتىداعى باس كونسۋلى تسزيان ۆەي: «كٶرمە قازاق جاستارىنا حالىقارالىق باعدارلامالار ارقىلى قىتاي ۋنيۆەرسيتەتتەرٸنە وقۋعا تٷسۋگە جول اشادى دەپ سانايمىن. بيىل «بٸر بەلدەۋ – بٸر جول» باستاماسىنا 10 جىل تولىپ وتىر. وسى باعدارلاما نەگٸزٸندە قازاقستان مەن قىتاي سەرٸكتەستٸگٸ دامىپ, تٷرلٸ سالالاردا نەتيجەلٸ جۇمىستار اتقارىلدى.
سونىمەن قاتار قىتاي ۋنيۆەرسيتەتٸنٸڭ فيليالى قازاقستاندا العاش رەت اشىلۋى جەنە قىتاي ۋنيۆەرسيتەتتەرٸنٸڭ كٶرمەسٸ تۇڭعىش رەت قازاقستاندا ٶتۋٸ تاريحي وقيعا دەپ ەسەپتەيمٸن», – دەدٸ.
جيىن سوڭىندا قاتىسۋشىلار كٶرمەنٸ ارالاپ, قىتاي مەن قازاقستان دەلەگاتسيياسى شاعىن قۇرامدا كەلٸسسٶز جٷرگٸزدٸ. تاراپتار سەرٸكتەستٸكتٸ نىعايتۋعا, بٸلٸم مەن عىلىم سالاسىنداعى بايلانىستاردى تەرەڭدەتۋگە باسا مەن بەرە وتىرىپ, ەكٸ ەل ۋنيۆەرسيتەتتەرٸ اراسىنداعى قارىم-قاتىناستىڭ قازٸرگٸ جاي-كٷيٸ مەن دامۋ پەرسپەكتيۆاسىن جان-جاقتى تالقىلادى.
ەل-فارابي اتىنداعى قازۇۋ-دىڭ باسپاسٶز قىزمەتٸ
