قازاقستان رەسپۋبليكاسى پرەزيدەنتىنىڭ باستاماسىن قولداۋ ماقساتىندا ءازىربايجاننىڭ استاناسى باكۋ قالاسىندا «الاش ارىستىرى» كىتابى مەن گۋسەين ءدجاۆيدتىڭ قازاق جانە ءازىربايجان تىلدەرىندەگى ولەڭدەر جيناعىنىڭ تۇساۋكەسەرى بولىپ ءوتتى. ءىس-شارانىڭ ۇيىمداستىرۋشىلارى – ءازىربايجانداعى قازاقستان رەسپۋبليكاسىنىڭ ەلشىلىگى، ءال-فارابي اتىنداعى قازۇۋ جانە ءازىربايجان ۇلتتىق عىلىم اكادەمياسى.
قازۇۋ رەكتورى، اكادەميك عالىم مۇتانوۆ ءوز سوزىندە مەملەكەت باسشىسىنىڭ «ۇلى دالانىڭ جەتى قىرى» اتتى ماقالاسىندا تۇركى حالىقتارىنىڭ ادامزات وركەنيەتىنىڭ دامۋىنا قوسقان ۇلەسىنە ۇلكەن نازار اۋدارىلعانىن اتاپ ءوتتى. گۋسەين دجاۆيد – الەم ادەبيەتىنىڭ دامۋىنا زور ۇلەس قوسقان تاماشا ءسوز شەبەرى جانە ءازىربايجاننىڭ كورنەكتى اقىنى. ول شىعارمالارىندا بۇكىل تۇركى الەمىنىڭ رۋحاني تۇتاستىعىن جىرلاعان.
«الاش-وردا» تاريحىن زەرتتەي وتىرىپ، ءازىربايجاندىقتار قازاقتاردىڭ تاريحىن تەرەڭىرەك تۇسىنە الادى، ال گۋسەين ءدجاۆيدتىڭ شىعارماشىلىعىمەن تانىسۋ قازاق جانە ءازىربايجان حالىقتارىنىڭ رۋحاني جاقىنداسۋىنا ءسوزسىز ۇلەس قوساتىنىنا سەنىمدىمىن»، – دەپ اتاپ ءوتتى ءوز سوزىندە عالىم مۇتانوۆ.
كەزدەسۋ سوڭىندا قازۇۋ رەكتورى عالىم مۇتانوۆ پەن ءازىربايجان ۇلتتىق عىلىم اكادەمياسىنىڭ ۆيسە-پرەزيدەنتى يسا حابيبەيلي ىنتىماقتاستىق تۋرالى مەموراندۋمعا قول قويدى. تاراپتار 1926 جىلى وتكەن بۇكىلوداقتىق تۇركى كونگرەسىنىڭ ماتەريالدارىن قايتا باسىپ شىعارۋعا، سونداي-اق تۇركى حالىقتارىنىڭ تاريحى، لينگۆيستيكاسى، مادەنيەتى مەن ادەبيەتى تۋرالى عىلىمي جوبالاردى بىرلەسىپ جۇزەگە اسىرۋعا كەلىستى.
ءازىربايجاننىڭ «» اتتى ۇلتتىق قورىنىڭ پرەزيدەنتى ەلدار يسمايلوۆ قازۇۋ رەكتورىن عىلىم مەن ءبىلىم سالاسىنداعى جەتىستىكتەرىنىڭ مويىندالعانىنىڭ بەلگىسى رەتىندە جانە دە دوستاس ەلدەر اراسىنداعى مادەني-گۋمانيتارلىق بايلانىستاردى نىعايتۋعا قوسقان زور ۇلەسى ءۇشىن «Qızıl yürءاk» («التىن جۇرەك») وردەنىمەن ماراپاتتادى.
جوعارى ماراپاتتى ۇسىنا وتىرىپ، ول عالىم مۇتانوۆتىڭ بەلگىلى عالىم جانە جوعارى ءبىلىم سالاسىندا ۇيىمداستىرۋشى رەتىندە تانىمال ەكەنىن، سونداي-اق ونىڭ باسشىلىعىمەن قازاقستاننىڭ جەتەكشى ۋنيۆەرسيتەتى – ءال-فارابي اتىنداعى قازۇۋ تۇركى الەمىندەگى ەڭ ۇزدىك ۋنيۆەرسيتەت اتاعىنا يە بولىپ، حالىقارالىق دەڭگەيدە ەلەۋلى جەتىستىكتەرگە قول جەتكىزۋدە ەكەندىگىن اتاپ ءوتتى.
