«قازمۇنايگاز-اەرو» ج ش س («قازمۇنايگاز» ۇك اق ەنشىلەس كاسىپورنى) قازاقستان رەسپۋبليكاسىنىڭ قارۋلى كۇشتەرى مەن ارنايى مەملەكەتتىك ورگاندارىنا مۇناي ونىمدەرىن جەتكىزۋ بويىنشا «ءبىرىڭعاي وپەراتور» فۋنكسياسى اياسىندا سۋ تاسقىنىنان ەڭ كوپ زارداپ شەككەن وڭىرلەرگە قازاقستان رەسپۋبليكاسى توتەنشە جاعدايلار مينيسترلىگىنىڭ، قازاقستان رەسپۋبليكاسى قورعانىس مينيسترلىگىنىڭ، ۇلتتىق ۇلاننىڭ قاجەتتىلىكتەرىنە ساي مۇناي ونىمدەرىن ۇزدىكسىز جەتكىزۋدى قامتاماسىز ەتەدى.
سونىمەن قاتار قازىرگى تاڭدا وبلىس اكىمدىكتەرىندەگى سۋ تاسقىنىنا قارسى ءىس-شارالاردى ۇيلەستىرۋ جانە كوكتەمگى سۋ تاسقىنى سالدارىن جويۋ جونىندەگى شتابتىڭ تاپسىرىسى بويىنشا وڭىرلەرگە مۇناي ونىمدەرىنىڭ قاجەتتى كولەمى جەتكىزىلىپ جاتىر.
«قازمۇنايگاز-اەرو» ج ش س جۇمىسشىلارى كوكتەمگى سۋ تاسقىنىنان زارداپ شەككەن ەلدى مەكەندەرگە كومەك كورسەتۋ ءۇشىن ءبىر كۇندىك جالاقىسىن اۋداردى.
سونىمەن بىرگە اتىراۋ مۇناي وڭدەۋ زاۋىتىندا جەدەل شتاب جانە 150 زاۋىت جۇمىسشىلارىنان تۇراتىن جۇمىلدىرۋ جاساعى قۇرىلدى. ولار وبلىس اكىمدىگى بەكىتكەن اۋماقتا سۋ تاسقىنىنا قارسى شارالارعا قاتىسادى. بۇدان بولەك، اتىراۋ مۇناي وڭدەۋ زاۋىتى ارنايى تەحنيكا، جەكە قورعانىس قۇرالدارى مەن وزگە دە قۇرال-سايماندارمەن قامتاماسىز ەتەتىن بولادى. قاجەت بولعان جاعدايدا، زاۋىت حالىقتى ەۆاكۋاسيالاۋ ءۇشىن كولىك بەرۋگە دايىن.
بۇگىن، 4 ساۋىردە، «قازمۇنايگاز» ۇك اق اتىراۋ مۇناي وڭدەۋ زاۋىتى ارقىلى جىلىوي اۋدانىنا 20 توننا ديزەل وتىنىن جونەلتتى. سونداي-اق ءاموز ماحامبەت اۋدانىنا جانار-جاعارماي ساقتاۋعا ارنالعان سىيىمدىلىقتار مەن جاعالاۋدى قورعاۋ جۇمىستارى ءۇشىن قاجەتتى قۇرال-جابدىقتاردى بەرىپ جىبەردى.
بۇعان قوسا كاسىپورىن ۇجىمى اتىراۋ وبلىسىنىڭ كوكتەمگى سۋ تاسقىنىنان زارداپ شەككەندەرگە قارجىلاي كومەك رەتىندە بىركۇندىك جالاقىسىن اۋدارادى.
قمگ توبىنىڭ باسقا كومپانيالارىنىڭ قىزمەتكەرلەرى دە سۋ تاسقىنىنان زارداپ شەككەن وتباسىلارعا قارجى جيناپ جاتىر.
مىسالى، كرى («Kazakhstan Petrochemical Industries Inc») كومپانياسىنىڭ قىزمەتكەرلەرى اتىراۋ وبلىسىنىڭ سۋ تاسقىنىنان زارداپ شەگىپ جاتقان اۋىلدارىنا كومەكتەسۋ ماقساتىندا قارجىلاي كومەك جيناپ جاتىر. جينالعان قاراجاتقا گۋمانيتارلىق، قارجىلىق، الەۋمەتتىك كومەك كورسەتۋ جوسپارلانىپ وتىر.
