تۇركىستان وبلىسىندا «Nur Otan» فراكسياسىنىڭ دەپۋتاتتارى،  پارتيا وكىلدەرى قوعامدىق قابىلداۋلاردى تۇراقتى وتكىزىپ، تۇرعىنداردىڭ ءوتىنىشى بويىنشا يگى ىستەر اتقارۋدى جالعاستىرىپ جاتىر. بيىل 16 ناۋرىزدا تۇركىستان وبلىسى، قازىعۇرت اۋدانىنىڭ ءماسليحات حاتشىسى ءورىسباي بۇحار ۇلىنىڭ قوعامدىق قابىلداۋىنا كەلگەن شاربۇلاق اۋىلىنىڭ تۇرعىنى، مۇمكىندىگى شەكتەۋلى جالعىز باستى انا باقتىگۇل كەمەلبەك الەۋمەتتىك جاعدايى تومەن ەكەنىن ايتىپ، تۇراقتى جۇمىسقا ورنالاستىرىپ بەرۋدى جانە دە تۇرعىن ءۇي الۋعا كومەك كورسەتىلۋىن ءوتىنىپ كەلگەن بولاتىن.

ناتيجەسىندە دەپۋتات جانە پارتيانىڭ اۋداندىق فيليالى تاراپىنان، شاربۇلاق اۋىلىنىڭ اكىمى، پارتيا مۇشەسى جاندوس ارىستانبەكۇلىنا ۇسىنىس بەرىلىپ، اتالعان جاعداي بويىنشا جۇمىستار جۇرگىزىلدى.

جاندوس ۇسەنبەكوۆ شاربۇلاق اۋىلىنىڭ كاسىپكەرلەرىن ۇيىمداستىرىپ، كومەككە مۇقتاج انا ب.كەمەلبەككە پاتەر كىلتىن تابىستادى.

اتالعان قايىرىمدى ىسكە تۇركىستان وبلىستىق ءماسليحات دەپۋتاتى، كاسىپكەر نۇرجان اشيروۆ قوماقتى ۇلەس قوسىپ، دەمەۋشىلىك جاسادى.  سونىمەن قاتار وسى اۋىلداعى تاعى 2 وتباسىنا پاتەر كىلتى بەرىلدى.



سالتاناتتى ءىس-شاراعا قازىعۇرت اۋدانىنىڭ اكىمى ارمان ابدۋللايەۆ پەن دەپۋتاتتار قاتىسىپ، تۇرعىنداردى قۇتتىقتادى. شاربۇلاق اكىمدىگى مەن ازاماتتارى ب.كەمەلبەكتى اقىلى قوعامدىق جۇمىسقا ورنالاستىردى. كومەككە يە بولعان تۇرعىن «Nur Otan» پارتياسىنا، دەپۋتاتتارعا، اۋىل اكىمدىگىنە العىسىن ءبىلدىردى.

قازىعۇرت اۋداندىق ءماسليحاتىنىڭ تاعى ءبىر دەپۋتاتى، جەتەكشى پارتيا وكىلى ەرتۋعان بۋدەنبايەۆ تا سايلاۋشىلاردىڭ تالاپ-تىلەگىن ورىنداۋدا وزگەلەرگە ۇلگى بولىپ ءجۇر. اتالعان دەپۋتاتتىڭ قوعامدىق قابىلداۋىنا س.راقىموۆ اۋىلىنىڭ ءبىر توپ تۇرعىندارى ب. كوبەيەۆ كوشەسىنىڭ ساپاسىنا كوڭىلدەرى تولمايتىندىعىن ايتىپ، نارازىلىقتارىن بىلدىرگەن ەدى. حالىق قالاۋلىسى اۋىلىنىڭ وزەكتى پروبلەماسىنا بەي-جاي قاراماي ءوز قاراجاتى ەسەبىنەن 25 «كاماز» شاعال توسەپ بەردى. سوسىن  ءتيىستى ورىندارعا جۇگىنىپ، جانە دە س.راقىموۆ اۋىلىنا كوپىر سالىپ بەرۋگە جانە ب.كوبەيەۆ كوشەسىنىڭ قۇرىلىسىنا قارجى ءبولدىرىپ، جوندەۋدەن وتۋىنە ىقپال ەتتى.



دەپۋتات ەرتۋعان بۋدەنبايەۆ «Nur Otan» پارتياسى قازىعۇرت اۋداندىق فيليالىنىڭ قوعامدىق قابىلداۋ بولىمىندە وتكىزىلگەن كەزەكتى قوعامدىق قابىلداۋىندا قىزىلقيا اۋىلىنىڭ بەلسەندىسى ب.ماحسۋتوۆتىڭ ءوتىنىشىن دە نازارعا الدى. بەلسەندى تۇرعىن قىزىلقيا اۋىلىندا تۇراتىن ەكى بالانىڭ اناسى، ءىى توپتاعى مۇگەدەك، كومەككە مۇقتاج تۇرعىنعا اسارلاتىپ ءۇي سالۋعا ۇلەس قوسۋىن ءوتىندى. ناۋقاس بالاسىن ەمدەۋگە كۇش سالىپ، پاتەر جالداپ، قينالىپ جۇرگەن انانىڭ جاعدايىنا جاناشىرلىقپەن قاراعان دەپۋتات ءوز اتىنان 2000 شلاكوبلوك الىپ بەردى.  جۇمىلا كوتەرگەن جۇك جەڭىل دەمەكشى، ءۇيدى تۇرعىزۋ ءۇشىن قىزىلقيا اۋىلىنىڭ كاسىپكەرلەرى ءبىرى سەمەنت، ءبىرى شيفەر، ءبىرى تاس، ءبىرى شاعال الىپ بەرگەن.

جىل باسىنان بەرى 8 ايدا تۇركىستان وبلىسىنداعى پارتيانىڭ قوعامدىق قابىلداۋ بولمەلەرىندە 1944 قابىلداۋ جۇرگىزىلىپ، 5209 ازاماتتىڭ ماسەسى قارالدى. تۇركىستان وڭىرىندە بارلىق دەڭگەيدەگى ءماسليحاتتاعى  «Nur Otan» پارتياسىنىڭ پارتيا فراكسياسى دەپۋتاتتارى 1118 جەكە قابىلداۋ جۇرگىزىپ، 3004 تۇرعىننىڭ وتىنىشتەرى مەن ۇسىنىستارىن قابىلداپ، جۇمىس جۇرگىزگەن.