تۇركىستان وبلىسىنداعى بارلىق اۋدان-قالالاردا 17 «وتباسىن قولداۋ ورتالىعى» جۇمىس ىستەيدى. بۇگىن قازىعۇرت اۋدانىندا مەملەكەتتىك وتباسىلىق ساياساتتى جۇيەلى جۇرگىزۋگە باعىتتالعان الەۋمەتتىك نىساندار قاتارى تاعى ءبىر جاڭا عيماراتپەن تولىقتى، - دەپ حابارلايدى Dalanews.kz
ەلىمىزدىڭ بارلىق وڭىرلەرىندە وتباسىن قولداۋ ورتالىقتارىن قۇرۋ جونىندە پرەزيدەنت جارلىعىمەن بەكىتىلگەن «ق ر 2030 جىلعا دەيىنگى وتباسىلىق جانە گەندەرلىك ساياسات» تۇجىرىمداماسىنا سايكەس، قازىعۇرت اۋىلىندا اۋداندىق «جۇمىسپەن قامتۋ جانە الەۋمەتتىك باعدارلامالار ءبولىمى» مەملەكەتتىك مەكەمەسىنىڭ «وتباسىن قولداۋ ورتالىعى» اشىلدى.
اتالعان كوممۋنالدىق مەملەكەتتىك مەكەمە بيىلعى جىلدىڭ قاڭتار ايىندا تىركەۋدەن ءوتىپ، ورتالىقتا 14 شتاتتىق بىرلىك بەكىتىلگەن. ەكى قاباتتى عيماراتتا ورنالاسقان مەكەمەدە قازىرگى تاڭدا 2 بولمەدەن تۇراتىن 14 جاتىن ورىن (ونىڭ ىشىندە بالالارعا ارنالعان 8 جاتىن ورىن)، 6 جۇمىس بولمەسى، 2 ازاماتتاردى قابىلداۋ ورنى بار.
جاڭا الەۋمەتتىك نىساننىڭ اشىلۋ راسىمىندە اۋدان اكىمى ازيزحان يسمايلوۆ مەكەمە جۇمىسىنىڭ ماڭىزدىلىعىنا توقتالىپ، ورتالىق قىزمەتكەرلەرى تۇرعىنداردىڭ ءتۇرلى الەۋمەتتىك ماسەلەلەرىن شەشۋگە كومەكتەسىپ، وتباسى ينستيتۋتىن دامىتۋعا قولداۋ كورسەتەتىنىنە سەنىم ءبىلدىردى.
بۇل ورتالىق – وتباسى ينستيتۋتىن قولداۋ ماقساتىندا ومىرلىك قيىن جاعدايعا تاپ بولعان جانە تۇرمىستىق زورلىق-زومبىلىققا ۇشىراعان وتباسىلارعا پسيحولوگيالىق، قۇقىقتىق جانە الەۋمەتتىك كەڭەستەر بەرىپ، 9 باعىت بويىنشا كونسۋلتاسيالىق قىزمەتتەر كورسەتەدى.
