بۇگىن قازىعۇرت اۋدانىندا وڭتۇستىك قازاقستان وبلىسىنىڭ اكىمى ج.تۇيمەبايەۆتىڭ قاتىسۋىمەن «وتىرابات-قۇرىلىس» سەرىكتەستىگىنىڭ گازوبەتون بلوگىن شىعاراتىن ءوندىرىس ورنىنىڭ ىسكە قوسىلۋ ءراسىمى ءوتتى.

بۇل جوبا يندۋستريالىق-يننوۆاسيالىق دامۋ باعدارلاماسىنىڭ اياسىندا اۋدانداعى يندۋستريالدى ايماقتا جۇزەگە اسىپ وتىر. كاسىپورىن جىلىنا 12 مىڭ شارشى مەتر گازوبەتون بلوگىن شىعاراتىن بولادى.

كاسىپورىننىڭ جۇمىسىمەن تانىسقان ايماق باسشىسى، ونىڭ ماڭىزدىلىعىنىڭ ارتا تۇسەتىندىگىن ەرەكشە اتاپ ءوتتى.

 «ءوندىرىس سالاسىندا جاقسى وقيعا، ول وسى اۋداننىڭ جانە كورشى اۋدانداردىڭ قاجەتتىلىگى ءۇشىن گازوبەتون بلوگىن شىعاراتىن زاۋىتتىڭ ىسكە قوسىلۋى. قۇنى 120 ملن. تەڭگە بولاتىن جوبانىڭ ىسكە قوسىلۋى قۇرىلىس ءۇشىن ماڭىزدى. سوندىقتان بۇل باستامانى قولدايمىن. اتالعان اۋدانداعى يندۋستريالدى ايماقتا ءقازىر جالپى قۇنى 2 ملرد. تەڭگەنى قۇرايتىن 7 جوبا جۇزەگە اسىرىلۋدا. كاسىپورىندار اشىلسا، سالىق ءتۇسىپ، ەل بيۋدجەتى مولايادى، تۇرعىندار جۇمىسپەن قامتىلاتىن بولادى»، - دەدى اكىم.

سونداي-اق، ءوڭىر باسشىسى قازىعۇرت - شىمكەنت قالاسىمەن ىرگەلەس جاتقان كورشى اۋدان ەكەنىن جانە جىبەك جولى مەن «باتىس ەۋروپا - باتىس جۇڭگو» ۇلكەن جولدىڭ بويىندا ورنالاسقان اۋدان بولعاندىقتان مۇندا ءوندىرىستى وركەندەتۋ قاجەتتىگىن ايتىپ، مۇنداي باستامالاردى قولداۋعا ءارقاشان دايىن ەكەنىن جەتكىزدى.

وندىرىستە   الدىڭعى قاتارلى يننوۆاسيالىق   تەحنولوگيالاردىڭ

قولدانىلۋى مەن جوعارى ساپالى شيكىزاتتىڭ پايدالانىلۋىنىڭ ارقاسىندا، زاۋىتتىڭ ءونىمى حالىقارالىق ستاندارتتاردىڭ ەڭ جوعارى تالاپتارىنا جاۋاپ بەرەتىن بولادى.

مۇندا جىلىنا 12 مىڭ شارشى مەتر، ياعني 336 مىڭ دانا گازوبەتون بلوگى شىعارىلادى. قۇرىلىستا ءتيىمدى بولىپ كەلەتىن بۇل ءونىمنىڭ ەنى 30 سم، بيىكتىگى 40، ال ۇزىندىعى 60 سم.  اتالعان كاسىپورىننىڭ ونىمدەرى وڭىردە سالىناتىن كوپقاباتتى تۇرعىن ۇيلەردە قولدانىلاتىن بولادى.

قازىعۇرت اۋدانىنا جاساعان ساپارى بارىسىندا وبلىس اكىمى جىلىنا 25-30 توننا ءتاتتى ونىمدەر شىعارۋعا قاۋقارلى جەكە كاسىپكەر گۇلزيا بەيسەبايەۆانىڭ كونديتەرلىك سەحىنىڭ جۇمىسىمەن تانىسىپ، جەرگىلىكتى 10 ادامدى جۇمىسپەن قامتىپ وتىرعان ىسكەر ازاماتشانىڭ جۇمىسىن وڭ باعالادى.

بۇل جوبانىڭ قۇنى 80 ملن. تەڭگەنى قۇرايدى. ونى جۇزەگە اسىرۋ ءۇشىن كاسىپكەر «ONتۇستىك ونىمدەرى» ايماقتىق قارجىلاندىرۋ باعدارلاماسى جانە «بيزنەستىڭ جول كارتاسى - 2020» باعدارلاماسىنىڭ «بانك نەسيەلەرىن كەپىلدەندىرۋ» شارتى بويىنشا قارجىلاي قولداۋعا يە بولعان. تۇركيادان كونديتەرلدىك ءونىم وندىرەتىن قۇرال-جابدىق اكەلگەن گۇلزيا بەيسەبايەۆا ەلىمىزدە كاسىپكەرلىكپەن اينالىسۋعا جاعداي جاسالعانىن ايتتى.

بۇدان بولەك، اكىم قازىعۇرت اۋدانىندا جىلىنا 63،2 ملن كۆت ەلەكتر ەنەرگياسىن وندىرەتىن شاعىن گيدرو ەلەكتر ستانسياسىن ارالاپ كوردى. بۇگىنگى تاڭدا كاسىپورىن سىناق مەرزىمىنەن ءوتىپ، ەلەكتر قۋاتىن شىعارۋدى باستاپ كەتتى. ەلەكتر ستانسياسى وندىرىلگەن ءونىمدى قىزىلسەنگىر ەلدى مەكەنىنىڭ ەلەكتر جەلىسىنە قوسۋ ءۇشىن «وڭتۇستىك جارىق» مەكەمەسىنە 1كۆت 16،71 تەڭگەدەن ەلەكتر قۋاتىن وتكىزۋدە. ۇلكەن كەسكەن كانالىنان 6م³/سەك. سۋ الىنىپ، 450 مەتر تومەن قاراي ەلەكتر ستانسياسىنا كەلىپ، ارنايى قوندىرعىلاردان ءوتىپ ساع/1000 كۆت. ەلەكتر قۋاتى شىعارىلادى.