كوپىردىڭ اشىلۋ راسىمىنە اۋدان اكىمى ا.ابدۋللايەۆ، ءماسليحات حاتشىسى ءو.كوپەيەۆ، اۋداندىق ارداگەرلەر كەڭەسىنىڭ ءتوراعاسى ا.وماروۆ، سوسياليستىك ەڭبەك ەرى ت.اعابەكوۆ جانە اۋىل تۇرعىندارى قاتىستى.
ءوندىرىس ەلدى مەكەنى تۇرعىندارىنىڭ قۋانىشىندا شەك جوق. ويتكەنى، تاستاقساي وزەنىنەن وتەتىن كوپىر كەڭەس وداعى كەزىندە اسارلاتىپ سالىنعان بولاتىن. ءار جىلى كوكتەمگى جانە كۇزگى سۋ تاسقىندارى سالدارىنان كوپىر بۇزىلىپ، تۇرعىندار مەن اسكەري زاستاۆا قىزمەتكەرلەرى قاتتى قينالاتىن.
جاڭا كوپىردىڭ قۇرىلىسىنا وبلىستىق بيۋدجەتتەن 178 ملن. تەڭگە قارالىپ، قۇرىلىس جۇمىستارى 2021 جىلدىڭ جەلتوقسان ايىندا باستالىپ، مەردىگەر «تس-تاۋكەنت» ج ش س ءوز مەرزىمىندە جانە ساپالى اياقتادى.
كوپىردىڭ ۇزىندىعى – 92 مەتر، ال ەنى – 10،40 مەتر. ءوندىرىس ەلدى مەكەن تۇرعىندارى كوپتەن كۇتكەن قۋانىشتارىن ءبولىسىپ، ءوز ريزاشىلىقتارىن ءبىلدىردى. سونىمەن قاتار بۇگىن اۋدان اكىمى تۇربات ەلدى مەكەنىن ساپالى ەلەكتر جارىعىمەن قامتاماسىز ەتۋ بويىنشا جۇرگىزىلىپ جاتقان قۇرىلىس جۇمىستارىن باقىلادى.
