2025 جىلى «قازمۇنايگازدىڭ» ەنشىلەس كومپانياسى – «قازاقتەڭىزكولىكفلوتى» كاسپيي تەڭىزى ارقىلى كونتەينەرمەن جۇك تاسىمالداۋ كولەمىن 15% ارتتىردى، دەپ حابارلايدى Dalanews.kz.
كومپانيا دەرەگىنە سايكەس، اقتاۋ–باكۋ–اقتاۋ فيدەرلىك جەلىسى بويىنشا وتكەن جىلى 59،4 مىڭ جيىرما فۋتتىق ەكۆيۆالەنت (جفە) تاسىمالدانعان. بۇل 2024 جىلعى كورسەتكىشتەن (51،4 مىڭ جفە) 15% جوعارى.
وسىمگە ترانسكاسپيي حالىقارالىق كولىك باعىتىنا سۇرانىستىڭ ارتۋى اسەر ەتكەن. بۇل مارشرۋت ازيا مەن ەۋروپانى جالعايتىن نەگىزگى ترانزيتتىك دالىزدەردىڭ ءبىرى سانالادى.
كورسەتكىشتىڭ ارتۋى قازاقستاننىڭ ترانزيتتىك الەۋەتىن كۇشەيتىپ، كاسپيي ارقىلى وتەتىن بالاما لوگيستيكالىق باعىتتاردىڭ ماڭىزىن ارتتىرىپ وتىر.
