قازاقستاندا مۋزىكا جەنە بەينەلەۋ ٶنەرٸ سالاسىنا ەلەۋلٸ ٷلەس قوسقان ازاماتتاردى مەملەكەتتٸك دەڭگەيدە ماراپاتتاۋعا مٷمكٸندٸك بەرەتٸن ەكٸ جاڭا ەرەكشەلٸك بەلگٸسٸن ەنگٸزۋ ۇسىنىلدى, دەپ حابارلايدى dalanews.kz.
بۇل تۋرالى قۇرىلتاي وتىرىسىندا «قازاقستان رەسپۋبليكاسىنىڭ مەملەكەتتٸك ناگرادالارى تۋرالى» زاڭعا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسىن تانىستىرعان دەپۋتات ل.ە. جىلقىباەۆا مەلٸمدەدٸ.
زاڭ جوباسى مەملەكەت باسشىسى قاسىم-جومارت توقاەۆتىڭ قۇرىلتايدىڭ بٸرٸنشٸ سەسسيياسىنىڭ اشىلۋىندا بەرگەن تاپسىرماسىن ورىنداۋعا باعىتتالعان.
پرەزيدەنت بۇعان دەيٸن «شەمشٸ قالداياقوۆ» مەدالٸن جەنە «قازاقستاننىڭ ەڭبەك سٸڭٸرگەن سۋرەتشٸسٸ» قۇرمەتتٸ اتاعىن ەنگٸزۋدٸ تاپسىرعان بولاتىن. جاڭا ماراپاتتار ۇلتتىق مەدەنيەت پەن ٶنەردٸ دامىتۋعا ٷلەس قوسقان ازاماتتاردى ىنتالاندىرۋعا باعىتتالماق.
زاڭ جوباسىنا سەيكەس, «شەمشٸ قالداياقوۆ» مەدالٸ وتاندىق مۋزىكا ٶنەرٸ مەن ەن شىعارماشىلىعىن دامىتۋعا ەلەۋلٸ ٷلەس قوسقان, جەمٸستٸ قىزمەت اتقارىپ, ەرەكشە ەڭبەك سٸڭٸرگەن ازاماتتارعا بەرٸلەدٸ.
ال «قازاقستاننىڭ ەڭبەك سٸڭٸرگەن سۋرەتشٸسٸ» قۇرمەتتٸ اتاعىن بەينەلەۋ ٶنەرٸ سالاسىندا جوعارى كەسٸبي شەبەرلٸك تانىتىپ, ٷزدٸك تۋىندىلارىمەن وتاندىق كٶركەم مەدەنيەتتٸ دامىتۋعا ٷلەس قوسقان قايراتكەرلەرگە بەرۋ ۇسىنىلىپ وتىر.
دەپۋتاتتىڭ ايتۋىنشا, جاڭا ماراپاتتار مەملەكەتتٸك ناگرادالار جٷيەسٸندە ەڭبەك ادامىنىڭ مەرتەبەسٸن كٶتەرۋ جەنە قوعامعا پايدالى ەڭبەكتٸ باعالاۋ ساياساتىنىڭ جالعاسى بولماق.
بۇعان دەيٸن مەملەكەتتٸك ناگرادالار جٷيەسٸنە «قازاقستاننىڭ ەڭبەك سٸڭٸرگەن ۇستازى» قۇرمەتتٸ اتاعى ەنگٸزٸلگەن. ال 2024 جىلدان باستاپ «قازاقستاننىڭ ەڭبەك سٸڭٸرگەن دەرٸگەرٸ» اتاعى بەرٸلە باستادى.
جىلقىباەۆا مەملەكەتتٸك ماراپاتتار ەڭبەكقور, جاۋاپتى ەرٸ جاسامپاز ازاماتتاردىڭ ەڭبەگٸن قوعامعا ٷلگٸ ەتۋگە مٷمكٸندٸك بەرەتٸنٸن اتاپ ٶتتٸ.
زاڭ جوباسىنىڭ نەگٸزگٸ ماقساتى – وتاندىق مەدەنيەت پەن ٶنەردٸڭ دامۋىنا ەلەۋلٸ ٷلەس قوسقان ازاماتتاردىڭ ەڭبەگٸن مەملەكەتتٸك دەڭگەيدە مويىنداۋ جەنە ولاردى ىنتالاندىرۋ.
دەپۋتات جاڭا ماراپاتتاردى ەنگٸزۋ ۇلتتىق مەدەنيەت پەن ٶنەردٸ قولداۋعا باعىتتالعان مەملەكەتتٸك ساياساتتىڭ زاڭنامالىق جالعاسى ەكەنٸن ايتىپ, ەرٸپتەستەرٸن زاڭ جوباسىن قولداۋعا شاقىردى.
