قازاقستاننىڭ بٸرقاتار ٶڭٸرلەرٸندە ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ تٶمەندەۋٸ تٸركەلدٸ

قازاقستاننىڭ بٸرقاتار ٶڭٸرلەرٸندە ەلەۋمەتتٸك ماڭىزى بار ازىق-تٷلٸك تاۋارلارى باعاسىنىڭ تٶمەندەۋٸ تٸركەلدٸ, دەپ حابارلايدى dalanews.kz.

5 تامىزداعى مەلٸمەتكە سەيكەس, ەسەپتٸ اپتادا قيياردىڭ باعاسى 2,4%-عا, اق قىرىققابات 2,1%-عا, قىزاناق پەن كارتوپ 1,7%-عا تٶمەندەگەن. سونداي-اق سٷيەكسٸز سيىر ەتٸ 0,4%-عا, الما 0,3%-عا, قاراقۇمىق جارماسى 0,2%-عا, قايماق 0,1%-عا ارزانداعان.

ال بٸرٸنشٸ سۇرىپتى ۇننان پٸسٸرٸلگەن نان, سٷيەكتٸ سيىر ەتٸ, تاۋىق ەتٸ, تارتىلعان ەت, سٷزبە, ايران جەنە شاي باعاسى ٶتكەن اپتامەن سالىستىرعاندا ٶزگەرٸسسٸز قالعان.

ٶڭٸرلەر بويىنشا ەلەۋمەتتٸك ماڭىزى بار ازىق-تٷلٸك باعاسى ەڭ كٶپ شىمكەنتتە 0,4%-عا تٶمەندەگەن. پاۆلودار مەن تالدىقورعاندا باعا 0,2%-عا, اقتٶبە, كٶكشەتاۋ, قوناەۆ جەنە قوستانايدا 0,1%-عا ازايعان. الماتى, اقتاۋ, اتىراۋ, جەزقازعان, ٶسكەمەن, قاراعاندى, پەتروپاۆل جەنە تاراز قالالارىندا باعا دەڭگەيٸ ٶزگەرمەگەن.

رەسپۋبليكا بويىنشا قيياردىڭ ورتاشا باعاسى بٸر كەلٸسٸ ٷشٸن 483 تەڭگەنٸ قۇرادى. ەڭ تٶمەن باعا شىمكەنتتە تٸركەلٸپ, بٸر كەلٸسٸ 321 تەڭگەدەن ساتىلعان.

پييازدىڭ ورتاشا باعاسى رەسپۋبليكا بويىنشا 200 تەڭگە بولعان. ەڭ ارزان پيياز تٷركٸستاندا 138 تەڭگەدەن, قىزىلوردادا 164 تەڭگەدەن ۇسىنىلعان.

اق قىرىققاباتتىڭ ورتاشا باعاسى كيلوگرامىنا 191 تەڭگەنٸ قۇرادى. ەڭ تٶمەن باعا تٷركٸستان قالاسىندا تٸركەلٸپ, بٸر كەلٸسٸ 143 تەڭگەدەن ساتىلعان.

قىزاناقتىڭ ورتاشا باعاسى رەسپۋبليكا بويىنشا 529 تەڭگە بولدى. ەڭ قولجەتٸمدٸ باعا تارازدا 310 تەڭگە, شىمكەنت پەن تٷركٸستاندا 324 تەڭگە دەڭگەيٸندە قالىپتاستى.

ەت ٶنٸمدەرٸنٸڭ ٸشٸندە سٷيەكتٸ سيىر ەتٸنٸڭ ورتاشا باعاسى كيلوگرامىنا 3 778 تەڭگە, ال قوي ەتٸنٸڭ ورتاشا باعاسى 4 493 تەڭگەنٸ قۇرادى.