قازاقستاننىڭ ەڭبەك سىڭىرگەن ءارتىسى حابيبا قاراقباي قىزى ەلەبەكوۆا 100 جاسىندا دۇنيە سالدى.
1934 – 35 جىلدارى قارقارالىداعى جەرگىلىكتى حالىق تەاترىندا قىزمەت ىستەگەن.
1935 جىلدان قازاق دراما تەاترىندا اكتريسا.
1935 – 37 جىلدارى وسى تەاتر جانىنداعى ستۋديانى بىتىرگەن. ەلەبەكوۆانىڭ تەاتر ساحناسىندا سومداعان العاشقى ءرولى – ج.ءشانيننىڭ «ارقالىق باتىر» سپەكتاكلىندە قاراگوز ءرولى. اكتريسانىڭ ويناعان رولدەرىنىڭ جالپى سانى 100-دەن اسادى. ولاردىڭ ەڭ كورنەكتىلەرى — م.اۋەزوۆتىڭ «ابايىنداعى» قانىكەي، ۇلجان، «قاراقىپشاق قوبىلاندىداعى» كۇنىكەي، ع.مۇسىرەپوۆتىڭ «قوزى كورپەش – بايان سۇلۋىنداعى» ماقپال، ب.مايلين مەن ع.مۇسىرەپوۆتىڭ «امانگەلدىسىندەگى» قىرمىزى، ب.ءمايليننىڭ «مايدانىنداعى» مامىق، ق.امانجولوۆتىڭ «دوسىمنىڭ ۇيلەنۋىندەگى» ايعانىم، يران-عايىپتىڭ «ەستايدىڭ قورلانىنداعى» ايناش جانە ت.ب.
سونداي-اق، ەلەبەكوۆا – بەلگىلى ءانشى، ءوز جۇبايى ج.ەلەبەكوۆ تۋرالى «ءۇنى كەتپەس قۇلاقتان» (1981)، «ءان-امانات» (1989)، «قايران جۇسەكەم» (1998) كىتاپتارىنىڭ اۆتورى.
https://www.youtube.com/watch؟v=z9hVos0IFt8
