قازٸرگٸ دامىعان زاماندا قاۋٸپسٸزدٸك جٷيەسٸ ۋاقىتتان وزا قيمىلداۋىنىڭ ماڭىزى زور. ٶيتكەنٸ تابيعي اپاتتار مەن ٶندٸرٸستٸك اپاتتار جيٸلەپ, جاڭا تەحنولوگييالار جىلدام دامىپ جاتقان دەۋٸردە حالىقتىڭ قاۋٸپسٸزدٸگٸ ەسكٸ قۇرال-جابدىقتارمەن نەمەسە باياعى جٷيەمەن قامتاماسىز ەتٸلە المايدى. ەسٸرەسە اۋىل-ايماقتاردا ٶرت, سۋ تاسقىنى نەمەسە جول اپاتى بولا قالسا, قۇتقارۋشىلاردىڭ بٸر-بٸرٸمەن تەز ەرٸ سەنٸمدٸ بايلانىس ورناتۋى ٶمٸر مەن ٶلٸمنٸڭ ارا-جٸگٸن شەشەتٸن سەتتەر بولادى. وسىنداي جاعدايدا تسيفرلىق راديوبايلانىس جٷيەسٸنٸڭ ەنگٸزٸلۋٸ ازاماتتىق قورعاۋدى مٷلدە جاڭا دەڭگەيگە كٶتەرٸپ وتىر.
2025 جىلدىڭ باسىنان باستاپ قازاقستاندا تٶتەنشە جاعدايلار جٷيەسٸندە ۆەدومستۆوارالىق جاڭا راديوبايلانىس جەلٸسٸ ٸسكە قوسىلدى. بۇل – بۇرىنعى شاشىراڭقى, ەر مەكەمە ٶز الدىنا جۇمىس ٸستەيتٸن جٷيەدەن بٸرتۇتاس بايلانىسقا كٶشۋ. تٶتەنشە جاعدايلار مينيسترلٸگٸ, ٸشكٸ ٸستەر مينيسترلٸگٸ مەن ۇلتتىق ۇلاننىڭ راديوبايلانىس ارنالارى بٸرٸكتٸرٸلٸپ, بٸرىڭعاي پلاتفورما قۇرىلدى.
مۇنداي تەجٸريبە تمد اۋماعىندا جوق, دەمەك قازاقستان ايماقتاعى تەحنولوگييالىق كٶشباسشىلىققا ۇمتىلىپ وتىرعانىن اڭعارۋعا بولادى. جاڭا جٷيەنٸڭ العاشقى تولقىنى پاۆلودار مەن تٷركٸستاندا ٸسكە قوسىلدى. بۇل ٶڭٸرلەر ەل كارتاسىندا سىناق الاڭى ەمەس, ناقتى نەتيجەسٸن كٶرسەتكەن ايماقتارعا اينالدى. ارتىنشا شىمكەنت, اباي, قىزىلوردا, پەتروپاۆل, اقتاۋ سەكٸلدٸ قالالارعا دا جاڭا ستانتسييالار ورناتۋ جوسپارلانىپ وتىر.
بۇرىن تٷرلٸ ۆەدومستۆولار اپات ورنىنا كەلگەندە بٸر-بٸرٸمەن بايلانىسا الماي, ۋاقىت جوعالتاتىن. بٸر جٷيەدە سٶيلەسپەگەن سوڭ, اقپارات جەتكٸزۋ كەشەۋٸلدەيتٸن, شەشٸم قابىلداۋ باياۋلايتىن. ال جاڭا راديوبايلانىس بۇل كەدەرگٸنٸ جويىپ, ەر قىزمەتتٸڭ ەرەكەتٸن بٸر ارناعا توعىستىرادى. مەسەلەن, ٶرت شىققاندا پوليتسييا جولدى جاۋىپ, جەدەل جەردەم زارداپ شەككەندەردٸ الىپ شىققاندا, قۇتقارۋشىلار تٸكەلەي ەفيردە ٶزارا اقىلداسىپ, ناقتى قادامدى بٸردەن جاساي الادى.
قازٸرگٸ تاڭدا 1141 پورتاتيۆتٸ راديوستانتسييا, 67 موبيلدٸ جەنە 24 ستاتسيونارلىق قۇرىلعى, سونداي-اق 35 سپۋتنيكتٸك تەلەفون مەن 22 درون ساتىپ الىنباق. ەربٸر راديوستانتسييا – قۇتقارۋشىنىڭ قولىنداعى سەنٸمدٸ قۇرال, ەربٸر درون – الىستاعى جاعدايدى كٶزبەن كٶرۋگە مٷمكٸندٸك بەرەتٸن «ۇشقىشسىز سەرٸك». ال سپۋتنيكتٸك تەلەفوندار شالعاي اۋىلدارداعى بايلانىستى قامتاماسىز ەتٸپ, كەز كەلگەن اپات جاعدايىندا اقپارات الماسۋدى ٷزدٸكسٸز ەتەدٸ. بۇعان قوسا, PTT ٷلكەن كنوپكاسى بار گارنيتۋرالار قۇتقارۋشىلارعا الاڭ ٷستٸندە قولىن بوساتپاي-اق سٶيلەسۋگە جاعداي جاسايدى.
تەحنولوگييانىڭ تيٸمدٸلٸگٸ تەك قۇرال سانىنا ەمەس, ونىڭ سەنٸمدٸلٸگٸ مەن قولجەتٸمدٸلٸگٸنە بايلانىستى. سول ٷشٸن بازالىق ستانتسييالار ەلدٸڭ ەر ٶڭٸرٸندە جٷيەلٸ ورنالاستىرىلۋدا. الماتىدان قوستانايعا, تٷركٸستاننان كٶكشەتاۋعا دەيٸنگٸ ارالىقتا جاڭا ستانتسييالار ورناتىلادى. اقتٶبەدە مونتاجداۋ جۇمىستارى باستالىپ تا كەتتٸ. بۇل – بايلانىستىڭ ٷزدٸكسٸزدٸگٸن قامتاماسىز ەتٸپ, ەڭ شالعاي اۋىلداعى قۇتقارۋشىنى دا بٸرتۇتاس جٷيەگە قوسۋعا مٷمكٸندٸك بەرەدٸ.
ساياسي تۇرعىدان العاندا, مۇنداي جوبالار مەملەكەتتٸڭ ٶز ازاماتتارىنا دەگەن جاۋاپكەرشٸلٸگٸن كٷشەيتەدٸ. تٶتەنشە جاعدايلار كەزٸندە حالىق بيلٸككە سەنٸم ارتادى, ال بيلٸكتٸڭ مٸندەتٸ – سول سەنٸمدٸ اقتاۋ. اشىق دەرەكتەرگە سٷيەنسەك, جاڭا راديوبايلانىس جٷيەسٸ ەنگٸزٸلگەننەن كەيٸن تٶتەنشە وقيعالارعا دەن قويۋ ۋاقىتى ورتا ەسەپپەن 20-30 پايىزعا قىسقارادى دەپ كٷتٸلۋدە.
كەڭەس دەۋٸرٸنەن بەرٸ قالىپتاسقان ەسكٸ جٷيەدەن باس تارتىپ, زاماناۋي تەحنولوگيياعا كٶشۋ – قازاقستاننىڭ ستراتەگييالىق تاڭداۋى. بۇل تەك قۇتقارۋ قىزمەتٸنٸڭ مەسەلەسٸ ەمەس, ۇلتتىق قاۋٸپسٸزدٸككە تٸكەلەي قاتىسى بار قادام. ٶيتكەنٸ تابيعي اپاتتار, ٶندٸرٸستٸك جارىلىستار نەمەسە تٸپتٸ گەوساياسي تەۋەكەلدەر كەزٸندە بٸرتۇتاس بايلانىس جٷيەسٸنٸڭ بولۋى مەملەكەتتٸڭ تۇراقتىلىعىن قامتاماسىز ەتەدٸ.
ساندىق راديوبايلانىس – جاي عانا تەحنيكالىق جەتٸستٸك ەمەس, ول حاوس پەن تەرتٸپتٸڭ اراسىنداعى نەزٸك شەكارانى ۇستاپ تۇراتىن قۇرال. قازٸرگٸ زاماننىڭ بولجاۋسىز سىن-قاتەرلەرٸندە سەنٸمدٸ بايلانىس جٷيەسٸ – قۇتقارۋشىلار ٷشٸن باعىت-باعدار, حالىق ٷشٸن تىنىشتىق كەپٸلٸ. ەندەشە بۇل جوبانىڭ دامۋى – ەلدٸڭ تٶتەنشە جاعدايلارعا دايىندىق دەڭگەيٸن ارتتىرۋمەن بٸرگە, قوعامداعى سەنٸم مەن قاۋٸپسٸزدٸكتٸ نىعايتۋدىڭ ناقتى قادامى.
