2025 جىلى ءساۋىر ايىنىڭ باسىنداعى مالىمەتى بويىنشا، ەلىمىزدەگى رەسپۋبليكالىق جانە وبلىستىق ماڭىزى بار 41 قالانىڭ 20-سىندا سوڭعى 12 ايدا حالىق سانى ازايعان، دەپ حابارلايدى Dalanews.kz.

ءبىرىنشى كرەديتتىك بيۋرونىڭ اناليتيكالىق ورتالىعى حالىق سانى ەڭ كوپ ازايعان قالالاردى اتادى:

قونايەۆ – 8،2%-عا، 66 مىڭ ادامعا دەيىن؛

سەمەي – 5،1%-عا، 314 مىڭ ادامعا دەيىن؛

بايقوڭىر – 3،6%-عا، 32،4 مىڭ ادامعا دەيىن.

1 پايىزدان استام حالىق ازايعان قالالار: ارقالىق، كۋرچاتوۆ، پريوزورسك، ستەپنوگورسك، ريددەر، ارىس، شاحتينسك، تەكەلى.

ساراپشىلاردىڭ ايتۋىنشا، سەمەي مەن بايقوڭىردا سوڭعى جىلدارى حالىق سانىنىڭ ازايۋ ءۇردىسى بايقالادى. ال قونايەۆ قالاسىندا حالىق سانى 2022 جىلدىڭ ورتاسىندا وبلىس ورتالىعى مارتەبەسىن العانعا دەيىنگى دەڭگەيىنە قايتا ورالىپ جاتقان سياقتى.

حالىق سانى ايتارلىقتاي وسكەن قالالار:

قوسشى – +8،3%

استانا – +6،9%

تۇركىستان – +4،4%

اقتاۋ – +4،3%

الماتى مەن شىمكەنت – ءارقايسىسى +2،7%

ەلدەگى ەڭ ءىرى قالا – الماتى، مۇندا رەسمي تۇردە 2،3 ميلليون ادام تۇرادى. ودان كەيىنگى ورىندا استانا (1،55 ملن) جانە شىمكەنت (1،26 ملن).