ەلىمىزدە مۇناي ءوندىرۋ بويىنشا كوش باستاپ تۇرعان الپاۋىت مەملەكەتتەر ءتىزىمى بەلگىلى بولدى، دەپ حابارلايدى Dalanews.kz.
ەنەرگەتيكا مينيسترلىگى قازاقستاندا 2023 جىلى 89،9 ميلليون توننا مۇناي وندىرىلگەنىن مالىمدەگەن بولاتىن.
وسى تۇستا قازاقستاندا مۇناي ءوندىرۋ بويىنشا كوش باستاپ تۇرعان ەلدەر ءتىزىمى بەلگىلى بولدى.
- ق ر -33،1%؛
- رەسەي فەدەراسياسى – 3،5%؛
- جۇڭگو -11،4%؛
- اقش – 30،9%؛
- ەۋروپا - 18،4%
- باسقالارى - 2،7%.
ءيا، شەتەلدىك سەرىكتەستەر اراسىندا اقش العاشقى ورىنعا جايعاستى.
2023 جىلى مۇنايدىڭ باسىم بولىگى اتىراۋ (58،6%) جانە ماڭعىستاۋ (18،5%) وبلىستارىندا ءوندىرىلدى. سونىمەن قاتار قىزىلوردا، باتىس قازاقستان، اقتوبە، جامبىل جانە شىعىس قازاقستان وبلىستارىندا دا وندىرىلەدى.
ەسكە سالايىق، بۇعان دەيىن قازاقستاندا مۇناي وندىرۋگە ينۆەستيسيا قۇيىلعانى حابارلانعان بولاتىن. ساراپشىلاردىڭ پايىمداۋىنشا، قازاقستاننىڭ مۇناي وندىرۋىنە سالىناتىن ينۆەستيسيا ءالى دە ازايادى.
ماسەلەن ەلىمىز 2024 جىلى مۇناي ءوندىرۋ جوسپارىن تومەندەتۋدى كوزدەپ وتىر.
ق ر ەنەرگەتيكا مينيسترلىگىنىڭ باسشىسى الماسادام ساتقالييەۆ 2024 جىلى قازاقستاندا 90،3 ملن توننا مۇناي ءوندىرۋ جوسپارلانىپ وتىرعانىن ايتتى.
بۇعان دەيىن قازاقستان قارجىگەرلەر قاۋىمداستىعىنىڭ ساراپشىلارى جاھاندىق ءارى رەسپۋبليكا ەكونوميكاسىنا قاتىستى دامۋ ناتيجەلەرى مەن بولجامدارىن ۇسىنعان بولاتىن.
